Senatori amerikan republikan, Judd Gregg, është tërhequr nga posti i kandidatit për Sekretar të Tregtisë në administratën e presidentit Obama si rezultat i ndryshimeve që ka mbi politikën ekonomike.


Zoti Gregg tha se të punonte në administratën Obama ishte të bënte shumë lëshime, duke patur parasysh konfliktin e papajtueshëm mbi paketën ekonomike të shpëtimit prej 789 miliardë dollarësh.

Ai tha se kishte bërë gabim që kishte pranuar postin dhe se nuk ishte fokusuar sa duhet në pasojat e të qenit anëtar i kabinetit.

Vetë presidenti Obama e përshkroi veten optimist kur vjen puna te bashkëpunimi midis republikanëve dhe demokratëve.

"Një gjë që dua të siguroj është që njerëzit të mos marrin nga ky nocion faktin se ne nuk mund të bëjmë që republikanët dhe demokratët të punojnë së bashku. Unë do të vazhdoj të punoj në këtë drejtim. Dhe do të vijë momenti kur ne t'i kapërcejmë këto pengesa pasi populli amerikan ka nevojë për këtë."

BBC