Kryeministri shqiptar viziton Katarin, nënshkruhen marrëveshje të rëndësishme në fushën e investimeve

Kryeministri i Shqipërisë, Sali Berisha, zhvillon një vizitë zyrtare në Katar, me ftesë të homologut të tij, Sheikh Hamad bin Jassem bin Jabr Al Thani.
Në kryeqytetin Doha, Berisha dhe emiri i Katarit do të nënshkruajnë dy marrëveshje të rëndësishme, për mbrojtjen e investimeve në të dy vendet respektive. Kreu i qeverisë shqiptare, pritet të ftojë biznesin e Katarit që të investojë në Shqipëri. Falë edhe politikave produktive të ndërmarra nga qeveria në dobi të afrimit të investimeve të huaja, Berisha do të bëjë një rezyme të përgjithshme mbi klimën e biznesit në Shqipëri. Gjithashtu, kryeministri Berisha, është i ftuar special në televizionin prestigjioz “Aljazera Channel”, ku do të japë një intervistë “live” për më shumë se 30 minuta, i pari lider shqiptar që intervistohet në këtë televizion. Më tej, Berisha do të zhvillojë një takim me rreth 30 përfaqësues të botës së biznesit në qendrën Katar Foundation.
botasot