Fier -Një javë pas vrasje së deputetit Fatmir Xhindi, ende nuk ka asnjë të arrestuar dhe as të dyshuar si vrasës. Megjithatë, hetimet vijojnë ende. Grupi hetimor ka bërë vëzhgime edhe në Bashkinë e Fierit. Grupi hetimor ka dërguar një faks pranë qeverisjes vendore, duke kërkuar njohjen me disa dosje të ndërtimit që janë dhënë nga zyra e urbanistikës në këtë bashki.

Prokuroria e Krimeve te Renda ka kërkuar dosjet e tri lejeve te ndërtimit qe janë akorduar vetëm për një firme, emri i së cilës nuk bëhet ende i ditur, për shkak të hetimeve. Hetimet janë përqendruar pikërisht tek kjo firmë, e cila ka një shesh ndërtimi, ku firma por përgatit ndërtimin e një pallati.

Hetimet për atentatit ndaj deputetit te Partisë Socialiste i është deleguar Drejtorisë se Policisë Fier, Drejtorisë së Përgjithshme të Policisë, si dhe një sektori te rëndësishëm në Prokurorinë e Krimeve te Renda. Reduktimi i grupit të hetimit është bere me qellim te mbajtjes se fshehtë të hollësive të hetimeve dhe ecurisë se tyre.

Por, nëse hetimet nuk japin rezultat në këtë pistë të ngritur, atëherë do të nisë shqyrtimi i pistës së dytë, që ka të bëjë me aktivitetit personal të deputetit Fatmir Xhindi.
Start