GJERGJ MARKU
BULQIZE- Kreu socialist, Edi Rama ka mbërritur krejt papandehur në Bulqizë, vizitë e cila nuk është lajëmruar as për drejtuesit lokalë të PS-së, dhe as për autoritete të tjera. Qëllimi i kësaj vizite nuk ka qenë ndonjë takim me antarë apo militantë të PS-së, por realizmi i një spoti elektoral në thellësi të minierës.
Ai ka qenë i shoqëruar vetëm nga reporterë dhe përfaqësues të meadias pranë selizë rozë, duke u futur brenda në minierën e Bulqizës, minierë e cila prej pak muajsh ka rrëmbyer shumë jetë minatorësh, dhe me sa duket mjerimi shqiptar, është gjetur të personifikohet përmes këti vendburimi të nxjerrjes së kromit.
Për realizimin e këtij spoti Edi Rama ka hyrë në nivelin e pestë të pusit nr.2, nën shoqërinë e kamerave televizive, thonë burime nga miniera. Ndërkohë mësohet gjithashtu se Rama gjatë realizimit të spotit të tij televiziv në brëndësi të galerive të minierës, ka premtuar edhe një herë dhënien e statusit për minatorët pas fitores së të majtës në zgjedhjet parlamentare të 28 qershorit.
Në vigjilje të kësaj fushate ishte kreu i LSI-së Ilir Meta që sëbashku me gruan e tij Monika Kryemadhi dhe drejtues të tjerë të kësaj partie, që kanë hyrë në thellësinë e kësaj miniere për të siguruar minatorët për statusin e tyre, ndërkohë Rama jo vetëm kaq, por ka realizuar dhe spotin elektoral të "Aleancës për Ndryshim" në thellësi të minierës së Bulqizës, por kësaj rradhe pa trazuar askënd në qytezën veriore të vendit, madje pa kryer as ritin e pirjes së një kafe ku zakonisht mblidhen shumë përkrahës të kësaj partie apo kureshtarë të tjerë, për t'u kthyer menjeherë pas xhirimeve në minierë për në Tiranë.
Shekulli