Lubjanë -Instituti Ndërkombëtar për Studime Ballkanike dhe të Lindjes së Afërt "IFIMES" me qendër në Lubjanë në një analizë të botuar për zgjedhjet e qershorit në Shqipëri sjell më shumë arsye të cilat e bëjmë të sigurt fitoren e Partisë Demokratike dhe liderit të saj Sali Berisha. Ky institut jep disa arsye, që një pjesë e elektoratit votues të PS-së të votojë në favor të Partisë Demokratike.

Sipas këtij studimi, të publikuar nga agjencia e lajmeve Ina, Partia Socialiste tashmë një vit e gjysmë është në fushatë zgjedhore, dhe në përfundim të saj është duke treguar lodhje. Instituti përmend edhe një varg arsyesh të cilat zbehin shanset e Partisë Socialiste për një fitore të mundshme. “Ofensiva zgjedhore e Partisë Demokratike është shumë më tepër intensive në përdorimin e retorikës politike që është tërheqëse për votuesit shqiptarë;

Fjalori Politikë i PS-së nuk është i modernizuar, dhe është një lloj rrethi vicioz që krijon armiqësi tek votuesit; Aktivitet i opozitës është në venitje dhe ende pa ndonjë strategji për fitore; Opozita vazhdon për të shpenzuar shumë energji për mosmarrëveshjet brenda vetes, duke i lënë votuesve një shije të hidhur të ndarjes dhe shijen e mosbesimit për ndonjë fitore zgjedhore;

Provat dhe argumentet e partisë në pushtet të përdorura kundër opozitës, veçanërisht ato që lidhen me licencat për ndërtime të cilat i ka ndarë Kryetari i Komunës së Tiranës dhe kreu i opozitës Edi Rama e kanë dëmtuar imazhin e tij; Surpriza më e madhe dhe e pakëndshme që i ka zënë ngushtë votuesit shqiptarë është fakti që kreu i PS Edi Rama nuk është bartës i listës në partinë që e udhëheq, që është totalisht e pakuptueshme për një lider të partisë më të madhe opozitare që synon të bëhet kryeministër i Shqipërisë”, thuhet në analizën e IFIMES.

start