Nuk mund ta vizitoj Tiranën përderisa Shqipëria nuk ka përmbyllur procesin zgjedhor për shkak të mosshpalljes së rezultatit. Kështu shprehet në Prishtinë Përfaqësuesi i Lartë për Politikë të Jashtme dhe Siguri pranë Bashkimit Evropian, Havier Solana duke arsyetuar shmangien që i kishte bërë Shqipërisë në turin e tijë Ballkanik.

“Zgjedhjet u mbajtën jo shumë kohë më parë dhe nuk është kohë e mirë të shkoj atje, por kjo nuk dmth që Tirana është jashtë mendjes sime. Por mendoj se duhet t’u japim kohë njerëzve ta finalizojnë procesin zgjedhor. Nuk do të doja të komentoj tash. Më lejoni ta bëj këtë më vonë, kur ti kam të gjitha detajet. Fakti që nuk mund të komentoj sot është një koment", deklaroi Javier Solana, Përfaqesuesi i Lartë për Politiken e Jashtme dhe Siguri ne BE.

Sipas Solanës, lënia e Shqipërisë jashtë procesit të liberalizimit të vizave për këtë vit ka të bëjë me mospërmbushjen e kritereve që sipas tij janë të natyrës teknike, e jo politike.

"Ky është një process që është tërësisht teknik dhe jo politik. Kur shteti vie te një kapacitet për të pasur kontyroll në kufi, kapacitetin për të prodhuar pasaportën me të gjitha kushtet e kërkuara, ai shtet hyn në atë listë. Kjo ëhstë ajo që do të vazhdojë të ndodhë. Shtet që kanë përmbushur kriteret do të marrin lejen Brenda dy ditëve, të tjerat duhet ët presin derisa t’i përmbushin kërkesat. Nuk është process që ndalet por është process që u përshtatet shteteve kandidate dhe ku shtetet candidate duhet t’i përmbushin kërkesat e natyrës teknike”.

Nga shtetet candidate, vetëm Serbia, Maqedonia dhe Mali i Zi kanë përfituar këtë vit në procesin e liberalizimit të vizave ndërsa Shqipëria dhe Bosnja e Hercegovina duhet ta presin rastin për vitin e ardhshëm.

Përparim Isufi