Bruksel – Agjencia e lajmeve “Balkaninsight”, duke bërë publike një pjesë të raportit të Komisionit Evropian, në pjesën që i përket Shqipërisë, thuhet se vendi ynë ka bërë përparime të dukshme në reformat politike.
Duke e vënë theksin në zgjedhjet parlamentare të 28 qershorit, në raport thuhet se ato përmbushën pjesën më të madhe të standardeve të kërkuara.

Edhe një herë tjetër, KE-ja kërkon nga Shqipëria forcimin e shtetit ligjor. “Shqipëria duhet të bëjë progres në veçanti në forcimin e shtetit ligjor, luftën ndaj korrupsionit dhe konkretisht edhe në pavaresinë e sistemit juridik”, thuhet ndër të tjerash në raport.

Komisioni evropian bën të ditur gjithashtu se është gati të përgatis opinionin për Shqipërinë, për sa i përket aplikimit për statusin e vendit kandidat, nëse këtë e kërkon Këshilli Evropian.

start