Në vitin 2006, Kryeministri kërkon hetimin e ngjarjes dhe ndëshkimin e institucioneve abuzuese

Abuzimet për ndërtimin e pallatit të Dash Pezës në rrugën “Urani Pano” duket se nuk kanë fund. Mania e grabitësve të pronave për të ndërtuar, nuk është mjaftuar vetëm me rrugën e shfrytëzuar për ndërtim, por kanë marrë edhe tokë nga familja Këllezi, të cilëtr klufizohen nga jugu me pronën e Ilir Matës. Për këtë çështje në Gjykatën e Tiranës është i hapur një proces gjyqësor, që do të vendosë grabitjen e pronës nga ana e Dash Pezës dhe Edi Ramës.

Falsifikimi është bërë që në dhënien e lejes së ndërtimit, por edhe më pas duke mos respektuar hapësirat e miratuara, firma “T. T. ALBA- L.A.M” ka zaptuar pronën e familjes Këllezi. Abuzimet dhe ndërhyrja në pronën e kësaj familje është faktuar edhe nga një inspektim i KRRTRSH-së e cila ka konstatuar abuzime në zbatimin e projektit dhe ka kërkuar që të merren masa, por në këtë rast masat duhet të merren nga ushtarët e Ranës, të cilët asnjëherë nuk guxuan ti afrohen pallatit të mikut të ngushtë të shefit të tyre. Tashmë i përket gjykatës që të japë vendimin për këtë grabitje, por edhe nga ky fakt familjarët nuk ngushëllohen aspak. Ata janë përball faktit që janë dhënë disa vendime gjykatash, madje edhe një vendim nga Gjykata e Lartë për shkatërrimin e këtij pallati, por përmbarimi nuk vepron. Ndaj edhe qytetarët e kësaj zone, të dëmtuar apo jo nga pallati i Dash Pezës kanë humbur të gjitha shpresat për marrjen e masave.

Reagimi i qeverisë
Lejes abuzive i shtohen edhe abuzimet me lejen. Pas miratimit të një lejen ndërtimi komplet e paligjshme, Dash Peza dhe Edi Rama nuk u mjaftuan, por rifilluan abuzimet me zgjerimin e sipërfaqes së ndërtimit dhe futjen tashmë në prona private. Nga një inspektim i KRRTRSH-së, pas ankesave të qytetarëve, janë konstatuar disa abuzime që nga mos linja e një rruge për këmbësorët siç ishte parashikua nga një vendim i mëparshëm i KRRTRSH-së e deri tek futja në prona privat me zgjerimin e ballkoneve apo edhe me hedhjen e kolonave në pronën e tjetrit. Pas ankesës së banorëve edhe në Kryeministri ka ardhur edhe ragi i kësaj të fundit me një kërkesë dërguar institucioneve kompetente. Kërkesa për marrje të masave të menjëhershme iu drejtua Ministrisë së Punëve Publike Transportit dhe Telekomunikacionit për të marrë masa për abuzimin me shitjen e rrugës, Ministrisë së Drejtësisë së cilës iu sugjerua që të hetonte personat apo institucionet abuzuese dhe t’i ndiqte penalisht. Gjithashtu për veprim iu drejtua edhe Zyrës së Regjistrimit të Pasurive të Paluajtshme si dhe Drejtorisë së Përgjithshme të Policisë Ndërtimore. Por edhe pas kësaj kërkese nuk është marrë asnjë masë duke e lënë Dash Pezën dhe Edi Ramën të finalizojnë grabitjen e tyre.

Shkeljet
Në këtë kërkesë, ku kërkohet raportim urgjent për situatën dhe marrjen e masave të menjëhershme ka theksuar se “ Nga shqyrtimi i materialeve të paraqitura nga ankimuesit konstatohen një sërë problemesh dhe shkeljesh përfshirë: Shkelje të lejes urbanistike në plan dhe vertikalitet, ndërsa vetë leja e ndërtimit lëshuar nga Bashkia e Tiranës u ka mohuar të drejtat e kalimit qytetarëve të lagjes, dhe ka cenuar pronësinë private familjes Këllezi . Në momentin e fillimit të punimeve palët e dëmtuara kanë hapur dhe fituar gjyqin për të bllokuar punimet. Por dy muaj pas gjyqit, firma e ndërtimit hipotekon karabinanë dhe vazhdon punimet. Nga ankimuesit ZRPP akuzohet se është implikuar në afera korruptive. Sipas ankimuesve Bashkia Tiranë, fillimisht ka pretenduar se ka shitur tokën firmës, pastaj ka mbajtur qëndrim ambik, duke deklaruar se ka dhënë tokën me qira, për një ndërtim privat. Policia Ndërtimore më datë 17. 11. 2005 ka reaguar me një shkresë në favor të qytetarëve por çuditërisht, puna vazhdon dhe askush nuk ndërhynë.

Maxhun Peka: Të zgjidhet urgjentisht problemi
Duke konstatuar shkelje në dokumentet që kanë paraqitur qytetarët, Sekretari i Përgjithshëm i Këshillit të Ministrave, Maxhun Peka ka kërkuar që për rastin në fjalë të merren masa dhe të ndëshkohen abuzuesit. Ai i ka kërkuar organeve kompetente që ndërhyrja të jetë e menjëhershme dhe të zbatohet me përpikëri ligji. MPTT dhe Policia Ndërtimore, Ministria e Drejtësisë dhe ZRPP të hetojnë këtë çështje në terren, të kontaktojnë banorët e interesuar, firmën e ndërtimit dhe Bashkinë Tiranë, dhe të prononcohen zyrtarisht për zgjidhjen përfundimtare të problemeve të krijuara. Në rast shkeljesh të denoncohen personat-institucionet përgjegjëse ligjërisht dhe në organet e medias. Në rast se verifikohet dhunimi i pronës të kthehet urgjentisht në gjendjen e mëparshme dhe në pamundësi të bëhet kompensimi i pronarit nga firma dhe Bashkia e Tiranës. Në çdo rast të garantohet praktikisht në terren e drejta e aksesit të mohuar për komunitetin në fjalë.

Romir Saraçi



sot