Nga Besi BEKTESHI
Nuk e kam numëruar dot se sa herë është përsëritur dje nga goja e politikanëve majtas por edhe analistëve kundër Berishës fraza....pse nuk ka vepruar dje....!? Praktikisht kanë të drejtë. Berisha toleron dhe shumë... dhe vepron vetëm kur fuqia agresive e atyre që me që kanë financa rritet në mënyrë eksponenciale në politikë duke u kthyer në një sistem ose “TRUST” anti Berishë. Sepse ligji thuhet se është i barabartë për të gjithë. Dje, Baze

deklaronte se...qeveria nuk mund të ketë inspektoriat ndërtimor....me një fjalë të tilla fadroma mund të kishte vetëm pushteti lokal. Eeeee...praktikisht në të gjitha drejtimet pikon, sepse “Inspektoriati i Lartë”...është organizim qeveritar. Mirëpo nuk mund të ketë pamje më fillestare për demokracinë, kur deputetë socialistë dalin në “mbrojtje të pronës” nga sulmi Berishian. Nuk mund të ketë pamje më anti demokraci kur dy polici ndërsehen kundra njëra tjetrës, dhe nga turmat ato marrin emrat e policive të Ramës dhe Berishës. Kur në fakt ato kanë detyra të ndara dhe patjetër që kur vepron njëra, tjetra qëndron larg, sepse nuk jemi në kohë të “pushtetit deviat” ku pritet “grusht shteti”. Deputetë që mbrojnë me “trupin e tyre” pronën e një biznesmeni që është kunat, i një prej deputetëve....!?? Të një prone që ka vite që kontestohet. Nga pronarë, shtetas, dhe qytetarë, dhe që ka bërë bujë në Tiranë për tipin e abuzimit. Në fakt ka një zakon të keq në zbatim të ligjit në Shqipëri. Ato që duhet të zbatojnë dhe duhet ta ruajnë lejojnë, që “m..ti” të bëhet mullar, pastaj tentojnë ta largojnë. Lejojnë që ligji të shkelet në çdo anë dhe pastaj fillon aksioni masiv...sepse me aksione jemi mësuar gjithmonë....me sa duket.
Ligji është shkelur në ndërtime në çdo anë, dhe patjetër edhe në shumë raste kur sot Berisha i demonstron....por është e rëndësishme se politika i merr problemet shtruar...dhe në këtë rast, është i vonuar aksioni, megjithëse sipas të gjitha të dhënave është plotësisht i drejtë. Në shtetin antimafie....krahët e saj duhen prerë, pa filluar mirë rritja e tyre. Pa arritur ajo të forcohet politikisht. Pa u kthyer një pjesë e deputetëve në “Gravroshë” dhe “të persekutuar politikë” sikundër kërkojnë të kthehen të pasurit, e PS-së.
Sa herë dhe me sa dokumente në këtë gazetë janë denoncuar veprime antiligjore dhe me pasojë transformim prone që kanë bërë “muuuu” në Tiranë? Në sa pika qyteti dikur më i bukur i Tiranës...është sot më i shëmtuar se kurrë, në saj të ndërtimeve politike dhe të një “aleance” financiare, e cila pastaj kërkon pushtetin. Sa është toleruar... që kjo aleancë të ketë pushtete të zmadhuara dhe akses në zaptime dhe blerje dhe kontrolle pronash dhe tokash në Tiranë, dhe Shqipëri? Tanimë kjo aleancë kërkon largimin e jo vetëm Berishës nga pushteti, por kërkon në fakt hegjemoninë politike dhe ekonomike, për të pasur rikthimin e “aristokracisë” komuniste në Shqipëri. Të gjitha ligjet duhen zbatuar dhe patjetër zbatimi i tyre nuk mund të bëhet kur “vjen veza për të dalë”....ose më mirë atëherë, kur tentojnë të të rrëzojnë nga pushteti. Ky është në fakt edhe momenti i “kutive” në Shqipëri. Kutitë në fakt si institucion është “hipoteka” e Ramës....dhe bllofi i madh i radhës, në saj të përdorimit të demokracisë. Po luftohet për milionat e eurove dhe po tregohet se “kjo është lufta për demokraci dhe votën e lirë”. Jemi të fundit në Ballkan thotë Rama ...në lidhje me integrimin dhe harron të thotë se është e fundit edhe PS-ja në PSE....si integrim. Ëëëë se mos ka gjë, ndonjë lidhje këtu!?? Nejse...ka shkuar puna edhe një herë te paret....por në qoftë se dikur Berishës i ndërtuan “piramidat” për ta hedhur në kolaps...sot po i çojnë turmat e porositura për financat e “trusteve” majtas, që nuk mund të durojnë që disa koncepte djathtas, të kenë pushtetin politik. Të tilla truste, kanë shumë nevojë...nevojë jetike tani kur vjen koha të jemi në Europë...të kenë pushtetin politik.
Sepse patjetër pastaj do ta kenë shumë të vështirë...megjithëse mos mbajtja gjithmonë e premtimeve të Berishës...i ka pasuruar deri sa nuk dinë as vetë, se sa kanë. Megjithatë të japësh jetën dhe të prishësh gjumin apo të nervozohesh....e për më tepër të apasionohesh mbas kauzave të financave dhe fitimeve të individëve që synojnë pushtetin në të gjitha drejtimet, është një idiotizëm personal dhe kolektiv. Trustet...nuk e kanë për asgjë, të çojnë edhe një herë vendin në kolaps dhe arsyen e e gjejnë.....Berisha...thonë!!!
Në fund të historisë....ato vazhdojnë të transformohen dhe lindin truste dhe emra të rinj, por që gjithmonë kanë edhe politikanë të vjetër që orkestrojnë turmat....për ti hedhur në zjarr. Berisha vjen sërish në pushtet, dhe sërish, toleron të pasurit ish komunistë dhe të aristokracisë së tillë, që kur mërziten...megjithëse i ka lejuar të pasurohen, kërkojnë sërish ta heqin nga pushteti. E kështu procesi fillon nga e para. Po nga a para....për të na lënë gjithmonë të varfër. Të pasigurtë, të mekur dhe me sytë e shkëlqyer ose më mirë çapëlyer nga pasioni, se si mund të pasurohet një dorë maskarenjsh dhe pecentësh dikur, që sot janë të pasur....por të pasur në saj të ligjit që në Shqipëri...i cili nuk ka shtëpi, as tapi dhe as liri e pavarësi. Në këtë kohë kemi filmin e ri të radhës që titullohet “TRUSTET e persekutuara në demonstrim” dhe do të presim betejën e ligjit dhe pse jo qeverisë me to...në zbatim, apo mos zbatim, por në kujtim të ligjit, i cili aty ka qenë...vetëm se askush nuk e ka apeluar...askush.



sot