Çfarë duhet të keni parasysh kur aplikoni në ambasadën e SHBA

Dokumentet dhe hapat që duhet të ndiqni nëse doni të vizitoni Amerikën

Të marrësh një vizë amerikane është një proces i ndërlikuar teknik, i bezdisshëm sa që mund të dëmtojë ekonominë amerikane. Para disa vjetësh një multimilioner nga Pakistani dëshironte të investonte në kompaninë e inxhinierisë në vend. Qëllimi i tij ishte të organizonte një takim me firmën, e cila ndërtonte hidrocentrale në zyrat e saj në SHBA. Pas vizitës ai synonte t’i zgjeronte aktivitetet në gjithë botën dhe të punësonte punonjës të rinj. Por SHBA fillimisht refuzoi t’i jepte vizë për udhëtimin e punës. Ai iu drejtua Davis C. Bae, një avokat emigracioni, i cili ka ndihmuar mijëra të huaj të navigojnë kërkesat teknike dhe shumë shpesh hilacake të sistemit të aplikimit të vizave. Multimilioneri nga Pakistani arriti të siguronte një vizë më në fund, por ai u shqetësua shumë nga vështirësitë që klientët e tij nga Azia Jugore dhe Lindja e Mesme – apo investitorë të tjerë potencialë – mund të përballeshin. Ai vendosi atëherë që të hapte kompaninë e tij në Vankuver, duke e zgjeruar biznesin në Kanada. Hapat për të marrë një vizë janë të panumërt dhe labirintet nga më të ndërlikuarat. Fillimisht duhet të keni parasysh a ju duhet apo jo një e tillë. Më pas gjeni konsullatën më të afërt. Rregullat dhe kërkesat dhe afatet ndryshojnë nga vendi në vend dhe çdo ambasadë apo konsullatë i ka detajet që kërkohen për vizën të postuara në faqen e internetit. Do ishte më e lehtë të merrni vizë për në SHBA nëse jetoni në vendin, kombësinë e të cilit keni në pasaportë. Kjo për arsye sepse në këtë vend do bëni dhe intervistën nëse u miratohet aplikimi. Mbani mend: Ka rëndësi kush jeni dhe nga jeni. Disa karakteristika konsiderohen si flamuj të kuq për oficerët e emigracionit, të cilit janë të ngarkuar të hetojnë të gjitha të dhënat tuaja dhe për çdo rrezik që mund të përbëni ndaj SHBA. Nëse jeni mashkull, beqar apo me prejardhje nga Lindja e Mesme, ose nëse vendi juaj është politikisht ose ekonomikisht i trazuar prisni të përballeni me vështirësi të mëdha. Pasaporta dhe fotografia janë pjesa më e lehtë e aplikimit. Gjithashtu do u duhet të plotësoni dhe nënshkruani atë që quhet aplikim vize jo-emigrante sipas formatit DS-156. (Në disa vende mund t’u kërkohet të aplikon me formatin DS-160). Meshkujve nga mosha 16-45 si dhe aplikantëve nga Kuba, Siria, Sudani dhe Irani u kërkohet të plotësojnë dhe një formular shtesë, DS-157. Të gjithë aplikantët për vizë duhet t’i mbështesin qëllimin e udhëtimit dhe synimin për t’u larguar sërish nga SHBA sapo udhëtimi i tyre të mbarojë. I pari mund të jetë një letër ftese nga një konferencë ndërsa i dyti mund të mbështetet nga bileta e kthimit. Është e rëndësishme që të tregoni se keni stabilitet financiar për të mbështetur veten teksa jeni në SHBA e për këtë duhet një deklaratë banke. Intervista është e detyrueshme për aplikantët për vizë nga mosha 14-79 vjeçare. Kini parasysh që të theksoni këto pika në intervistë: Qëllimin e saktë të udhëtimit; planet tuaja për të qëndruar për një kohë të limituar specifike; të ardhurat e mjaftueshme për të mbuluar shpenzimet kur jeni atje; të dhënat e banimit si dhe lidhjet sociale e ekonomike jashtë SHBA që do u detyrojnë të largoheni nga SHBA atëherë kur keni deklaruar. Kini parasysh se nëse aplikoni për vizë biznesi ose turistike në SHBA, nuk lejohet punësimi në një kompani amerikane. Taksa e kërkuar për formatin DS-156 është 131 dollarë (ka përjashtime dhe tarifa shtesë gjithashtu). Nganjëherë, edhe pse SHBA i heq kostot shtesë ndaj disa aplikantëve për vizë duke pasur parasysh se sa i takson shteti i tyre amerikanët. Një shembull ekstrem i këtij sistemi reciprociteti është se arabët sauditë që duhet të paguajë një tarifë shtesë prej 800 dollarësh. Sigurohuni që të ruani gjithë dokumentet e duhura për aprovimin e vizës si provë, duke përfshirë këtu edhe të dhënat për qëllimin e udhëtimit, si dhe gjithë detajet e udhëtimit për hyrjen dhe daljen në vend. Sigurohuni që bagazhet tuaja të mos dhunojnë rregullat e të mos përmbajnë ushqime të ndaluara dhe produkte bujqësore. Departamenti i Sigurisë së Vendit mund t’u kontrollojë dhe dokumentet në kompjuterin portabël ndaj kini kujdes të mos mbani dokumente që janë në kontradiktë me qëllimin e cituar të vizitës.

tirana observer