PE, Kukan: Opozita, bojkot armiqësor ndaj institucioneve

Valentina Madani

Europarlamentarët: Shqiptarët po afrojnë me heqjen e vizave

Parlamenti Evropian vlerëson progresin e arritur të Shqipërisë, por dënon bojkotin e opozitës në Kuvend dhe i bën thirrje asaj që të bëhet pjesë e procesit integrues drejt BE-së. Sipas europarlamentarëve, asnjë nuk e mohon që Shqipëria ka bërë progrese në shumë drejtime, por situata politike në të cilën opozita po bojkoton armiqësisht Parlamentin mund të ndalojë procesin evropian të Shqipërisë Gjatë shkëmbimit të ideve që ministri i Jashtëm, Ilir Meta, pati me eurodeputetët e Komisionit të Punëve të Jashtëm të Parlamentit Evropian, të gjitha grupet politike dënuan bojkotin dhe pavarësisht qëndrimit të opozitës, shqiptarët do të lëvizin shumë shpejt pa viza drejt zonës “Schengen”. Për eurodeputët është normale që opozita të ketë ankesa, por ajo që s'është normale është që ajo nuk shfrytëzon rrugën parlamentare dhe kuadrin ligjor për t'i zgjidhur këto ankesa. Libor Roucek, zëvendëspresidenti i Parlamentit Evropian, ESP, u shpreh se “në një demokraci parlamentare, parlamenti është në zemër të një demokracie. Kur zhvillohen zgjedhje, ndonëse ndonjëherë ato lënë shije të hidhur, pak rëndësi ka kush fiton dhe kush humb, parlamentarët fillojnë punën në Parlament. Sigurisht, kur ka probleme, kur ka kontestime apo kritika, atëherë le të përmirësojmë sistemin”. Por pyetjes nëse qëndrimi për bojkotin ishte një qëndrim i përgjithshëm, Arnaud Danjean, eurodeputet i EPP-së, iu përgjigj: "Absolutisht: Unë u habita kur dëgjova të gjitha grupe politike që i dërgojnë një apel opozitës shqiptare, që t'i kthehet logjikës demokratike, që të marrë përgjegjësinë demokratike. Ne nuk vëmë në dyshim që zoti Rama mund të ketë ankesa apo kritika ndaj qeverisë, por këto ankesa duhet ta kalojnë përmes rrugës parlamentare. Nuk ka rrugë tjetër për ne si parlamentarë evropianë që të mbështesim aspiratat evropiane të Shqipërisë për t'u bërë anëtare e BE-së". Ndërsa për Eduard Kukan, eurodeputet i ESP, "asnjë nuk e mohon, që Shqipëria ka bërë progrese në shumë drejtime, por situata politike në të cilën, opozita po bojkoton armiqësisht parlamentin mund të ndalojë procesin evropian të Shqipërisë". Nga ana tjetër, Elmar Brok, eurodeputet, vuri në dukje se ky bojkot nuk është i pranueshëm. “Kur humb zgjedhjet dhe ia hedh fajin të tjerëve për këtë humbje dhe kur nuk ke prova që të tregosh se ka parregullsi, atëherë nuk ka se si të fillosh procesin e rinumërimit të votave. Kështu që i takon opozitës të kthehet në Parlament dhe t'i japë vendit kredibilitet për rrugën drejt Evropës”, - theksoi z. Brok.

standart

PE, Kukan: Opozita, bojkot armiqësor ndaj institucioneve

PE, Kukan: Opozita, bojkot armiqësor ndaj institucioneve

PE, Kukan: Opozita, bojkot armiqësor ndaj institucioneve :: Komentet