13 receta për të mbajtur larg kancerin

Përgatiti: Albano Bogdo

Nëse dieta juaj përmban kafenë, ujin e filtruar, portokallet, luleshtrydhet, frutat e pyllit, lakrat, sallatat e spinaqin, mishin e marinuar, karotat, pataten e ëmbël, brokolin, do të ulni në 100 për qind

Në fillim do t’ju themi lajmet e mira... ka shumë mundësi që të mos ju zërë kanceri. Kjo do të ndodhë nëse bëni një jetesë të shëndetshme. “70% e rasteve të kancerit janë të lidhura me mënyrën e jetesës dhe mund të shmangen”, - thotë prof. dr. Thomas Seller, drejtori i Qendrës së Kontrollit dhe Evitimit të Kancerit në Tampa. Dietat, ushtrimet dhe moskonsumimi i duhanit dhe nënprodukteve të tij, sigurisht që janë vija e parë mbrojtëse kundër kancerit, por kërkimet e fundit kanë zbuluar një sërë strategjish, të cilat janë shumë të vlefshme dhe që ulin probabilitetin e rrezikshmërisë. Provojini këto strategji dhe rrezikshmëria do të ulet akoma më shumë.

1. Filtroni ujin e çezmës

Do ta reduktoni shumë ekspozimin përballë substancave të njohura ose të dyshimta si kancerogjene ose shkatërruese të hormoneve. Një studim që iu dorëzua Presidentit të SHBA-së nga paneli për kërkimet kancerogjene, thotë se filtrimi i ujit të çezmës është më i sigurt se të blesh ujë në dyqan. Uji i blerë sigurisht që supozohet se kontrollohet me rreptësi të lartë... por kjo vetëm supozohet. Por edhe në rastet që uji është vërtet i kontrolluar, ai do të ketë disa kohë i mbyllur në një shishë prej qelqi ose plastike dhe në këtë mënyrë, nga kontakti i vazhdueshëm që ka me lëndën që është ambalazhuar, ka shumë mundësi të mos jetë aq i shëndetshëm.

2. Marinoni mishin përpara se ta gatuani

Mishi mund të ketë sasi të mëdha aminoacidesh, të cilat janë grumbulluar gjatë therjes, transportit etj. Për t’i evituar këto qeliza të dëmshme, të cilat shpërndahen në gjellë gjatë zierjes, këshillohet që ta marinoni mishin për rreth një orë përpara se ta gatuani dhe gjatë marinizmit t’i shtoni edhe erëza si rozmarina ose majdanozi etj., sepse ato kanë veti t’i luftojnë këto aminoacide vdekjeprurëse.

3. Kafeina e përditshme.

Ata që pinë rreth 5 filxhanë kafeje në ditë, kishin 40% më pak shans të kishin kancer se ata që pinin më pak. Kështu thuhet në një studim shkencor që u bë në Britani. Po të pish 5 filxhanë kafeje në ditë, përfiton një zakon që të mbron jashtëzakonisht shumë nga kanceri i trurit, i grykës, i stomakut etj. Madje, ata që pinin kafe normale, ishin më të shëndetshëm se ata që pinin 5 kafe dekafeinato. Sipas studimit shkencor, i cili ka fakte të qarta dhe të pamohueshme, kafeina e përditshme në doza të mira (si p.sh. 5 kupa në ditë) të mbron më mirë se çaji e se pije të tjera, të cilat duket sikur kanë ndonjë efekt shërues, por në të vërtetë nuk krahasohen fare me kafeinën.

4. Shpëlajini mbetjet në trupin tuaj

Duke pirë shumë lëngje, deri në dy-tri litra në ditë, ulni rrezikun e kancerit në gojë, në stomak, në zorrë e prostatë e kështu me radhë, në çdo vend ku kalojnë lëngjet qëkur futen në organizëm e derisa dalin. Kjo shmang grumbullimin në një vend të vetëm të qelizave të rrezikshme, të cilat mund të shkaktojnë kancer.

5. Përdorni sa më shumë barishte

Sa herë të hani sallatë me barishte të tipit ruçola ose spinaq etj., synoni ato që e kanë ngjyrën e gjelbër sa më të errët. Sipas studimeve, sa më e errët të jetë ngjyra, aq më shumë magnez ka brenda bima. Magnezi, sipas shkencëtarëve, ul riskun për kancer në mitër tek gratë. Imagjinoni... vetëm gjysmë filxhani spinaq në ditë ul rrezikun me 20%. Tani kuptojeni vetë sa gjelbërsi duhet të hani.

6. Hani sa më shumë arra braziliane

Ato kanë një sasi shumë të madhe seleniumi. Sipas shkollës mjekësore në Darmouth, seleniumi është një lëndë që jo vetëm ul rrezikshmërinë ndaj kancerit, por madje ka veti të rregullojë gjakun në mënyrë të tillë që ai të ketë sa më pak qeliza malinje prej të cilave formohen tumoret.

7. Digjni faktorin që shkakton kancerin e gjirit

Ai është dhjami i tepërt. Studimi thotë se ushtrimet e moderuara për këtë punë të cilat duhet të zgjasin rreth 2 orë në ditë dhe variojnë që nga ecja e lirë e deri tek joga, djegin dhjamin e tepërt, të cilin po e le ashtu siç është, prodhon vetë estrogjen. Estrogjeni është një shkaktar shumë i njohur i kancerit të gjirit.

8. Pyesni doktorin për dendësinë (masën) e gjirit tuaj

Sipas kërkimeve përkatëse, gratë që kanë densitet të lartë të gjirit, kanë 75% më shumë shans të preken nga kanceri i gjirit se ato që kanë densitet të ulët. Sipas kërkimit, densiteti i lartë vjen nga estrogjeni i tepërt. Kjo i bën ushtrimet të domosdoshme. Doktor Walker thotë se “ulja e estrogjenit me anë të ushtrimeve, jo vetëm që redukton rrezikun e kancerit të gjirit, por edhe ndihmon në prodhimin e të tjera lëndëve në trup, p.sh. insulinës.

9. Shmangni larjet jo të mira të rrobave

Njerëzit që bëjnë punë me makineri të ndryshme, sidomos kur ato janë të vjetra, duhet të kenë shumë kujdes, sepse rrobat grumbullojnë tymrat dhe gazrat e makinerive, të cilat përmbajnë lëndë helmuese shumë të forta, të cilat shkaktojnë sidomos kancer të lëkurës, por edhe leucemi. Gjithashtu, mos përdorni detergjentë shumë të komplikuar për rrobat tuaja, sepse edhe ata kanë përbërje kimike të dëmshme për trupin e lëkurën dhe rrisin mundësinë për t’u prekur nga kanceri. Sa më pak lëndë toksike. Nganjëherë është shumë më mirë t’i lash rrobat me ujë dhe sapun si dhe t’i lësh sa më shumë në diell e ajër të pastër.

10. Rreziku i celularëve

Celularët dihet që funksionojnë me valë. Këto valë janë rreziku nr. 1 për kancerin në tru. Sipas studimit, nuk është e thënë që të mos përdorim celularët, por nuk bëjmë mirë t’i mbajmë afër kokës. Por, si ta bëjmë këtë? Është shumë e thjeshtë... të përdorim kufjet, të cilat na mundësojnë të flasim me celular edhe pa e mbajtur atë afër kokës. Kështu, niveli i rrezikut për kancerin në tru ulet me 75%.

11. Bllokojeni diellin me anë të ngjyrave

Duke zgjedhur sipas këshillave të studimit ngjyrat me të cilat duhet të visheni, reduktoni me 50% rrezikun e kancerit të lëkurës, i cili shkaktohet nga rrezet ultraviolet të diellit. Të gjithë mendojnë se ngjyrat e çelura si p.sh. e bardha ose e verdha janë mbrojtëset më të mira, por gabohen. Kampionët e mbrojtjes janë e gjelbra, bluja dhe e kuqja. Kështu thonë kërkimet shkencore të Universitetit të Mjekësisë në Spanjë. Duke ulur rrezikun e kancerit të lëkurës, mund të jetoni 50% më shumë.

12. Hani ushqime të pastra

Paneli i Presidentit të SHBA-së për kancerin këshillon që të mos hani mish të rritur me hormone ose të kuruar me antibiotikë, për shkak të sëmundjeve që mund të ketë pasur. Gjithashtu, mos hani bimë që janë trajtuar me pesticide ose me hormone. Të gjitha këto rritin rrezikshmërinë e kancerit. Nëpër pesticidet më të përdorura në botë për bimët, janë gjetur të paktën 40 lloje të ndryshme përbërësish kancerogjenë. Sigurisht që prodhuesit mund t’ju thonë “lajini mirë” por kjo nuk mjafton... bimët e thithin në brendësi pesticidin.

13. Ushqimet që luftojnë më mirë kancerin dhe zëvendësuesit e tyre

Beta-karoten / Karota është mbajtësi i zakonshëm i kësaj vitamine, por mund të përdorni edhe patatet e ëmbla, që kanë dyfishin e Beta-karotenit në krahasim me karotat.

Beta-cryptoxanthin / Portokalli është mbajtësi më i përdorshëm i kësaj vitamine, por një frut papaja ka 11 herë më shumë Beta-cryptoxanthin dhe 6 herë më shumë se një gotë me lëng portokalli.

Lutein-zeaxanthin / Spinaqi përmban pasivisht Lutein-zeaxanthin, por ajo gjendet me shumicë në të gjitha bimët që futen në kategorinë e sallatave.

Acidi ellagik / Luleshtrydhet janë burimi kryesor i këtij acidi, por frutat e pyllit kanë 3 herë më shumë se këto, përdorimi i boronicave, manaferrave dhe frutave të kësaj familje është i këshillueshëm.

Glucosinolates / Brokolit janë burim i mirë, por një gjysmë tasi supe me lakra përmban dyfishin e këtij përbërësi antikancer sesa e njëjta sasi brokoli.

13 receta për të mbajtur larg kancerin

13 receta për të mbajtur larg kancerin

13 receta për të mbajtur larg kancerin :: Komentet