Policia dhunë ndaj demonstruesve, Berisha "arratiset" nga tuneli i kryeministrisë

21/01/2011 15:00:00 Zeri i Popullit
Madhesia e germave:


Berisha largohet i frikësuar përmes tunelit nga kryeministria drejt vilës qeveritare. Policia merr urdhra politikë për të sulmuar protestuesit me shkopinj gome dhe gaz lotsjellës. Mes demonstruesve ka edhe të plagosur


Ora 11:30 Raportohet nga degët e PS në rrethe se protestuesit nuk lejohet të udhëtojnë drejt Tiranës

Ora 12: 30 nis grumbullimi i qytetarëve nga zona të ndryshme të Tiranës

Ora 13: 30 grupe protestuesish të shumtë përshkojnë rrugët e kryeqytetit në drejtim të kryeministrisë

Ora 14:00 demonstruesit mbërrijnë përpara kryeministrisë

Ora 14: 40 Policia qëllon ndaj qytetarëve me gaz lotsjellës

Ora 15:00 Forcat e policisë sulmojnë protestuesit që ndodheshin në trotuarin përballë kryeministrisë

Ora 15: 05 Berisha largohet nga selia e qeverisë

Ora 15:10 Vargu i policisë ikën nga bulevardi

Ora 15:30 Rikthehen forca të shumta policie përpara kryeministrisë



Berisha largohet i frikësuar përmes tunelit nga kryeministria drejt vilës qeveritare. Policia merr urdhra politikë për të sulmuar protestuesit me shkopinj gome dhe gaz lotsjellës. Mes demonstruesve ka edhe të plagosur



Demonstrata e madhe e qytetarëve është përpjekur të ndalet në çdo mënyrë, por kryeministri nuk ia ka arritur qëllimit. Mijëra qytetarë janë mbledhur përpara kryeministrisë për të protestuar paqësisht edhe pse mijëra të tjerë në rrethe të vendit janë ndalur të udhëtojnë drejt Tiranës. Ky fakt është denoncuar nga Partia Socialiste, e cila përmes një komunikimi për shtyp, ka bërë të ditur se është ushtruar presion ndaj shoqërive të udhëtimit për të mos vënë në dispozicion të qytetarëve autobusa. Ndërsa ata të cilët kanë mundur të nisen nga qytetet, janë ndalur në rrugë, duke u gjobitur në shifra të mëdha pa asnjë arsye. Ashtu siç ishte paralajmëruar, turma të mëdha qytetarësh kanë përshkuar rrugë të ndryshme të kryeqytetit, duke marshuar drejt kryeministrisë. Në orën 14:00 ka nisur demonstrata, ku protestues me pankarta në duar dhe thirrje kundër qeverisë kanë qëndruar në sheshin përpara selisë së Këshillit të Ministrave. Vetëm pak minuta pas nisjes së protestës, kanë nisur incidentet e para të përplasjes mes turmës dhe forcave të policisë. Uniformat kanë filluar të godasin me shkopinj gome protestuesit dhe më pas edhe me gaz lotsjellës. Në përgjigje, edhe qytetarët kanë reaguar ndaj dhunës. Policia ka përdorur edhe makina me ujë për të shpërndarë turmën e njerëzve. Situata ka degjeneruar kur policia ka sulmuar protestuesit që ndodheshin në bulevardin e ndërtesës së kryesisë së parlamentit. Pikërisht në këtë moment, kryeministri ka dalë nga godina e qeverisë, përmes tunelit që të çon në kryesinë e Kuvendit dhe më pas në vilën 31. Pas largimit nga kryeministria të Berishës, policia është qetësuar, duke lejuar protestuesit të afrohen te rrethimi i godinës. Janë parë disa demonstrues të plagosur. Deri në këto momente, protestuesit vazhdojnë të qëndrojnë përballë kryeministrisë, pavarësisht se ajri është i rëndë për shkak të gazit lotsjellës së përdorur nga policia. Ndërkohë që kjo e fundit është tërhequr.





marre nga Zeri i Popullit