Historia duhet te shkruar nga historian te papolitizuar dhe jo ajo gjenerate qe shkroi historine gjate 50 viteve. Me thoni a mundet qe te marre pjese ne rishkrimin e historise Milo etj?

Mendoj se asnje nga ata qe kane dore, per çfare eshte shkruar deri tani per historine e vendit tone, nuk mund te na shkruajne historine e vertete te kombit.
Do te ishte e moraleshme, qe ata si veprim te pare te tyre, po qe se jane pak atdhetare, te lene brezin e ri te historianeve te punojne. Ne pastaj do ti vleresojm vetem nga puna e tyre. Per historine, ka politikane qe shprehen drejt e objektivisht, por mire eshte, qe politikanet te mos merret me historine, se s'mund te jene te besueshem. Ata mund te mbeshtesin historianet, qe te punojne. Ne si popull presim e presim, te mesojme te vertetat e historis tone.

Eshte e drejte ajo qe thote Drini dhe Bashkimi. Politikanet e vjeter tashme mund te kosiderohen si bashkpunetore te ngushte te diktatures. Jane ata qe kane sherbyer me besnikeri diktatures duke sakatuar historine e vertete te Shqiperise dhe shqiptareve.

A duhet korrigjuar dhe si duhet Historia?Nga: Mevlud Buci
Kohët e fundit në qytetin e Peshkopisë në trevën e Dibrës u zhvillua një sesion shkencore mbi origjinën e Skënderbeut, luftërat e tij në Dibër, etj. Organizatori, studiuesi i palodhur Fatos Daci, studiuesit virtuoze Adem Bunguri, Murat Koltraka, Ali Hoxha, Haki Koltraka e të tjerë, kishin bërë një punë serioze, të argumentuar e mjaft me vlerë. Studiuesi Ali Hoxha, i cili është Zotërues i 4-5 gjuhëve të huaja si: Osmanisht, arabisht, latinisht, rusisht etj argumentoi, se "duhet hapur pllaka e lapidarit te Ura e Xhitetit në Fushë-Bulqizë ku thotë se aty në Fushën e Torviollit u Zhvillua beteja e Skënderbeut kundër turqve..."

Pse e përmendëm këtë fakt? Ç'është e vërteta historia do korrigjuar, gjithçka do vënë në vend, por nga historianë kompetentë e seriozë si Ali Hoxha i Çidhnes ,Fusha e Torviollit argumentoi studiuesi Ali Hoxha nuk është Fushe-Bulqiza,por ajo qe shtrihet nga Kobeni i Dibrës deri tek Ferra e Pashës ne Fushë-Alie, fusha e Kastriotit; kjo shtrirje përbën Torviollin. Në Bulqize është fusha e Vajkalit ku janë zhvilluar dy beteja të mëdha të Skenderbeut. Papërgjegjshmëria e disa studiuesve, apo patriotizmi e vëzhgimi i gjërave në prizmin e luftës së kasave në monizëm, sigurisht qe ka deformuar historinë e vërtetë kombëtare. Bie fjala jone trajtuar ngjarje e figura ne këndin ideologjik te politikes se partisë shtet. A mund të quhet Ali Lika i Luznisë armik i popullit që u pushkatua nga kryemonisti gjysh Tafili me 1946 në breg të Dinit të Zi? Ali Lika ishte kryetar komune me 1924 në Luzni, më parë ishte prijës popullor e qëndrestar i madh kundër pushtuesve serb, njeri i odave e i mençurisë popullore. Pra, këto faje në histori duhen korrigjuar. Raste të tilla ka plot. Historia korrigjohet nga studiues kompetentë, të drejtë, të pa ngjyra, e pa ekstamizma, nuk mund të jetë askush dakord me qëndrimet ekstreme të disa politikanëve karrieristë e papagall... që për të fituar kredibilitet, hedhin baltë mbi figura historike, mbi periudha a ngjarje. Peza mbetet Peze; Mukja mbetet Mukje; Borova mbetet Borove; Zogjet e Dibrës mbeten Zogje. Të gjithë janë dëshmitar sesi hedhin baltë mbi regjimin e zogut, u përbalt aq shumë nga monizmi sa të gjithë ne e hëngrëm sapunin për djathë, gjithçka krahasohej me 1938, gjithçka u shkrua në libra e u mësua me shtrembërime nga librat. Një fakt vazhdon të na çudisë, është grindja për datën e çlirimit. Edhe mësuesit e historisë janë në dileme. Në fakt kësaj i thonë: dëgjo baba të të tregoj arat. Data nuk duhet politizuar, fakti është se Shqipëria u çlirua dhe ka në themel te lirisë gjakun e dëshmoreve, luftën e partizaneve. Shqipërinë nuk e kane dashur vetëm partizanet; e kanë dashur edhe nacionalistet, ballistet edhe Zogistët, këtu ka vend te madh për korrigjime, për argument te sakte qe te çojnë ne vend atë qe është mbuluar nga pluhuri i luftës klasore, atë qe e meriton. Çdo figure e ngjarje ka vlerën e vet, t'i jepet vendi qe i takon,meritat qe janë mohuar. Kjo është mjaft e rëndësishme, ndaj kërkon angazhim serioz te studiuesve ndihmese e shpërblime te plota nga shteti. Ajo qe vetëm te trumpetohet; te korrigjojmë historinë është njëra ane. Po si do korrigjuar? Kush do ta korrigjoje? Sido argumentohen studiuesit? Pra kurrsesi nuk mund te pranohet qe te kalohet nga ekstremi monist ne ekstremin gjoja ''demokrat ''.Ky popull historikisht s'ka patur parti, siç ndodhi ne pluralizmin shqiptare me mbi 60-te parti e rreth 700-te shoqata. Çfarë i vlejnë popullit mbi 60-te parti? Po historisë? Po jetës se popullit? Sigurisht këto veç se rendojnë si parazitë, si burokrat, si llafollog në qafë të popullit, janë pemë pa kokrra në baçen e bukur të demokracisë. Pra, këto duhen shkulur. Korrigjimi i historisë do bërë, po si? Kush do ta bëjë, si do angazhohen? Kjo është themelorja. Vetëm historianët e Zotë të drejtë, të pangjyra partiake e me shpirt atdhetare e aftësi shkencore do ta korrigjojnë. Po te vëzhgosh tekstet qofte edhe te folklorit, të botimeve folklorike e historike ka deformime, pasaktësi ne emra autoresh e vendesh, politizime, njëanshmëri. me korrigjimin aty ku duhet të fakteve, ngjarjeve e të vërtetave historike. Është në nderin e shtetit e në nderin e luftërave të popullit tonë, në nderin brezave që të vihet në vend gjithçka siç i takon; të korrigjohet historia me saktësi e drejtësi, me dritën e fakteve, me dritën e kohës.