Mjeket, infermieret dhe laborantet qe te mbajne vendin e punes ne spitalet e rretheve apo ne Qendren Spitalore Universitare "Nene Tereza" do ti nenshtrohen testimit. Ky eshte nje nga projektet qe ka ne mendje kandidati per Minister Shendetesie, Petrit Vasili. Sipas tij, reforma ne sistemin shendetesor duhet te filloje ne kete pike ne menyre qe ata qe nuk jane te afte te largohen nga vendet e punes. Kjo, per te sjelle nje permiresim te ndjeshem te sistemit shendetesor per pacientin. "Nje rikthim i vemendjes tek shendeti paresor dhe nje site e kujdesshme per pacientet, qe do t'i drejtohen spitalit. Nderkohe rregulla te forta do te vendosen per pacientet e rretheve te cilet kerkojne te kalojne ne dyert e QSUT" ka pohuar Vasili. Reforma ne sistemin e referimit te pacienteve do te jete me kryesorja, sapo Vasili te dekretohet.

Hapja e rruges per sigurimet shendetesore private per Vasilin eshte nje ceshtje ende ne diskutim. Ndersa klinikat private, do t'i nenshtrohen kontrolleve per cilesine e tyre. "Sherbimet private nuk do te jene funksionale nese aty nuk sherbejne profesioniste te kualifikuar" ka nenvizuar kandidati i LSI-se per Minister Shendetesie. Per sa u perket shkarkimeve nga puna dhe emerimet e reja Vasili deklaron, se do te ndjeke nje rruge te vecante. " Te gjithe ata njerez qe jane eficente per ato detyra qe i jane percaktuar dhe ministra duhet ti perballoje jane dhe do te jene te qete per te vazhduar punen e tyre. Kurse ata qe parazitojne ne ministrite tona, nuk mundet qe keshilltaret te mbajne peshen e mungeses se eficences se sistemit se duhet te parazitoje dikush" ka pohuar Vasili. Sipas tij, keto jane planet e para, nderkohe gjerat do te konkretizohen ne kohen kur ai te marre zyrtarisht kete post.

Ministria e aleateve

Gjate tre viteve te fundit Ministria e Shendetesise eshte quajtur si ministria e aleateve. Fillimisht ajo u drejtua nga demokratet dhe pikerisht Maksim Cikuli, por pas marreveshjes me PKD-ne kjo ministri kaloi nen drejtimin e Ndokes. Pas ndryshimeve qe u bene ne qeveri, ku Republikanet mbeten pa nje ministri, propozuan vajzen e presidentit te tyre te nderit te drejtoje ate. Sot, pas marreveshjes me LSI ky dikaster iu dha LSI-se.
koha jone