Fatjona Mejdini
Pretendimi se, pas ndryshimit te koordinatave kufitare detare me Greqine fshihet nje afere korruptive, ka qene arsyeja kryesore qe ka shtyre 7 partite opozitare te ankimojne marreveshjen me Greqine, ne Kushtetuese. Nje iniciative kjo e ndermarre qe ne fillim nga ana e Partise Socialiste, te cilet i jane pergjigjur dhe gjashte parti te tjera joparlamentare, te majta dhe te djathta, te cilen ka vendosur ta mbroje ish-deputeti i djathte. Spartak Ngjela, i cili do te jete njeri nder avokatet e akuzes ne kete proces, sqaron se ne cilin element, 150 koordinatat e reja cenojne nenin 3 te Kushtetutes mbi "Pavaresine e shtetit dhe teresine e territorit te tij".

Ai tha dje per mediat, se marreveshja e ndarjes se detit mes Greqise dhe Shqiperise do te cohet ne Gjykate Kushtetuese, sepse cenon nenin 3 te Kushtetutes se Shqiperise, ate te pavaresise se shtetit dhe teresine e territorit te tij. Ne nje prononcim per mediat, Ngjela shpjegoi se perfaqesuesit e shtate partive qe kane dorezuar kerkesen, per shqyrtimin e kesaj marreveshjeje dyshojne se pas saj, fshihet nje afere korruptive. "Ne dyshojme se ketu mund te kete nje afere te madhe korruptive, per faktin se aty do te kalojne tubat e gazsjellesit dhe Shqiperia humbet rreth 200 milione euro ne vit. Pyetja eshte se kush i fiton? Kete do ta gjejne organet perkatese", deklaroi kryetari i PLD-se ne nje prononcim per mediat. Sipas tij, shkelja e nenit 3 te Kushtetutes eshte nje krim i rende ne Kodin Penal. Nderkohe qe kryetari i PLD-se, Ngjela ne nje prononcim per gazeten "Koha Jone" deklaroi se ai nuk do te ishte avokat i kesaj ceshtjeje ne Gjykaten Kushtetuese, por thjesht do te perfaqesonte partine e tij, ne lidhje me kete ankese. "Ne Gjykaten Kushtetuese do te perfaqesoj vetem qendrimin e partise sime, ashtu si te gjithe perfaqesuesit e partive qe kane firmosur dhe e kane cuar kete ceshtje per gjykim te metejshem", deklaroi avokat Ngjela. Per "Koha Jone", ai kembenguli se kjo marreveshje ka brenda saj disa kontradikta te renda. "Fakti qe behet nje marreveshje, kuptohet qe nuk eshte territor grek por eshte territor shqiptar. Pasi, po te ishte territor grek, nuk do te kishte nevoje per marreveshje me Shqiperine", theksoi Ngjela. Kryetari i PLD-se theksoi gjithashtu se cedimi i territorit shqiptar, nuk mund te kalohet ne heshtje dhe se Gjykata Kushtetuese duhet ta shqyrtoje me pergjegjesi te plote kete ceshtje. Sipas Ngjeles, nese kjo gjykate do ta linte marreveshjen, per t'u ratifikuar normalisht ne Parlament, atehere anetaret e saj do te akuzoheshin ne tradhti kombetare. Prej kohesh partite e opozites te mbeshtetura edhe nga disa parti te djathta, kane theksuar se marreveshja e ndarjes se ujerave detare mes Shqiperise dhe Greqise, nuk mund te hyje ne fuqi pasi sipas saj, ajo i fal me qindra kilometra det, vendit tone fqinje Greqise.

koha jone