Eshte nje hap i nxituar i Thaçit. 28 nendori me shume se sa festa e pavaresise se shqiperise, eshte dita kur flamuri shqiptar dhe si rrjedhoi kombi shqiptar u njoh nderkombtarisht nga bota. Pra kjo dite eshte nje ngjarje qe ka nje kuptim me te gjere se sa thjesht pavaresimin e Shqiperise. Dihet se Shqiperia gjithmone e ka ndjere pavaresine e saj si nje pavaresi te cunguar per shkak se Kosova dhe pjeset e tjera autoktone mbeten jasht kufive zyrtar te Shqiperise te cilat u caktuan nga nderkombetaret ne kundershtim me vullnetin e popullit shqiptar. Thaçi me kete vendim nuk ben gje tjeter, veçse po ben nje copetim te dyte te shqiptareve nga pikpamja shpirterore dhe historike.Populli shqiptar ne Kosove ka te drejte te kete simbolet e veta kombetare dhe festat e ketyre simboleve. askush nuk mund tua neperkemb kete te drejte, e aq me pak Thaçi.

Nuk e kuptoj se pse u demtoka shteti i Kosoves po te rrespektohen te drejtat e popullit te vet. Eshte tjeter gje festa zyrtare krijimit shtet te Kosoves multietnike, dhe eshte tjeter gje qe te gjitha kombesive tu rrespektohen festat kombetare. Mos valle mendon Thaçi se Sebet e Kosoves do te festojne pavarsine e Kosoves me Thaçin? Ku e gjen kete te drejte Thaçi tu mohoje festat kombetare nje kombi ne Kosove, e aq me teper popullsise autoktone shqiptare qe eshte ne token e vet ne shtepine e vet. Tani po e nxjerrin fytyren e vertete Thaçet e Thaçoviçet e Kosoves. Po nuk thon kot; "Ruaju njeriut tend, se ai ti nxjerr syte"!

Nuk besoj se festimi ne menyre zyrtare i dites se flamurit kombetar do ta cenonte integritetin politik te Kosoves, ashtu sikurse edhe etnive te tjera qeveria e kosoves duhet tu lejoje festimin e dites se simboleve te tyre kombetare. Ky eshte kuptimi i nje shteti multietnik. Rrespektimi pa dogane i te drejtave te shumices e pakices ne nje territor te caktuar shteteror. Rrespektimi i ketyre te drejtave jo vetem qe nuk e dobeson Kosoven, por e ndihmon ate te konsolidohet me shpejt si shtet. Nuk duhet harruar, se te gjitha lufterat qe popujt kane bere ne shekuj, i kane bere ne emer te lirise dhe te drejtave te tyre. Njeriu ndjehet se eshte ne atdheun e vet kur ai eshte i lire, dhe kur i rrespektohen te drejtat. Qeveria e Kosoves nuk duhet te beje gabimin e madh dhe ta beje popullin e tij te mos ndjehet i lire e i rrespektuar ne shtepine e tij. Kjo do te ishte nje lloj vetvrasje per shtetin e brishte te Kosoves.

Ti mohosh 28 nentorin kombit shqiptar ne Kosove, do te thote qe ta fshish nga historia kete pjese te kombit shqiptar dhe trojet ku ata jetojne, sepse cenohet nje nga elementet me te rendesishem te identitetit kombetar.Nuk ka pse kosovaret ta festojne nje dite te tille historike per ta dhe gjith kombin shqiptar ne menyre private, ilegale sikur te jene ne troje te huaja e jo ne truallin e tyre,ne vendin e tyre, ne shtepine e tyre prej ma shum se 2000 vjet.

Ajo qe nuk kuptoj eshte se, perse Thaçi e ndermerr nje hap te tille kur nuk i eshte kerkuar si kusht per njohjen e shtetit te Kosoves nga orgnizma te caktuara nderkombetare te pakten zyrtarisht? Vete organizmat nderkombetare dhe shtetet qe marrin pjese ne to, e dine se nuk mund te vene kushte te tilla kur behet fjale per simbole kombetare. Flamuri dhe dita e flamurit shqiptar jane simbole kombetare qe identifikojne ekzistencen e kombit shqiptar ne kete vend, historine e tij etj. Simbolet shteterore jane diçka tjeter, jane elementet qe identifikojne nje shtet te caktuar pavaresisht perberjes etnike te tij, qe mund te jete multietnik apo homogjen. Gjithsesi, eshte kjo nje strategji qe vetem Thaçi dhe ideatoret e saj e dine se ku duan te dalin,apo eshte kusht i vene me dyer te mbyllura, ky hap eshte jo vetem i nxituar por shume i demshem per stabilitetin ne Kosove, sepse mund te nxose krijimin e forcave ekstremiste nacionalste, dhe akte dhune, te cilat do ta demtonin jo vetem imazhin e Kosoves si shtet i ri ne formim e siper, por mund te ndalonin edhe progresin e deritanishem ne njohjen e shtetit te Kosoves nga vendet e tjera ne bote.

Thaçi nuk do ta kete aq te lehte.

Simbolet kombëtare janë pasuri e gjithë shqiptarëveNga Çlirim Hoxha



Çdo komb në botë ka simbolet e tija kombëtare, të cilat e dallojnë atë nga kombet e tjera. Një nga këto simbole dhe ndoshta më thelbësori, më i papërsëritshmi, më sinjifikativi dhe më krenari është flamuri kombëtar. Rreth këtij flamuri bashkohen njerëzit që përbëjnë kombin. Kombi përcaktohet nga gjaku, gjuha, flamuri, traditat dhe është simbol i një race specifike të dallueshme nga racat e tjera.

Shqiptarët si komb kanë një histori të pasur në lidhje me flamurin, si simbol i bashkimit. Rrugëtimi i këtij flamuri nëpër shekuj ka pasur peripecitë e veta. Pushtuesit e huaj janë përpjekur që ta zhdukin, ta shuajnë dhe ta përdhosin flamurin kombëtar të shqiptarëve. Qysh në kohët më të vjetra ilirët dhe shqiptarët pasardhës të tyre e kanë pasur flamurin simbol të identitetit të tyre, të krenarisë dhe burrërisë. Ky flamur ka simbolizuar shqiponjën krenare në fluturimet e saj drejt identitetit kombëtar. Edhe në kohën e principatave të arbrit, flamuri i shqiptarëve kishte në qendër të tij shqiponjën krenare. Pikërisht kjo ka qenë edhe arsyeja që Skënderbeu në konceptimin e flamurit kombëtar, bashkoi principatat dhe këtë bashkim e pasqyroi në flamurin kombëtar me shqiponjën dykrerëshe.

Për 500 vjet me radhë flamuri i Skënderbeut u zhduk, apo u fsheh sepeteve të vjetra të familjeve patriotike shqiptare. Mbi trojet arbërore valëvitej flamuri i pushtuesve osmanlinj, ndërkohë që flamuri shqiptar ishte harruar. Iu desh patriotit të madh, diplomatit të shquar dhe plakut të urtë të Vlorës Ismail Qemalit, që ta gjente këtë flamur dhe ta shpaloste një ditë nëntori në ballkonet e Vlorës, duke e shpallur të mjerën Shqipëri të pavarur. Për të kurorëzuar këtë pavarësi të 28 nëntorit 1912 erdhi nga Kosova martire një nga heronjtë e shqiptarizmës, Isa Boletini me trimat e tij. Ai që kishte luftuar tërë jetën për trojet shqiptare dhe që nuk ishte gjunjëzuar kurrë, u ul në gjunjë përpara Flamurit Kombëtar dhe e puthi atë, duke mbështetur kokën në flatrat e tij. Për këtë Flamur luftuar breza të tërë shqiptarësh në të gjitha trojet. Me këtë Flamur në duar UÇK luftoi kundër makinës ushtarake serbe. Me këtë Flamur Kosova shpalli Pavarësinë e saj. Por, për çudinë e të gjithë shqiptarëve, u dashka që ky Flamur të mbyllet në muzeumet e Kosovës apo në sirtarët e UNMIK-ut?!! Kjo për shkak, se tani Kosova na paska një flamur të ri, blu me ca yje dhe një hartë të verdhë që përfaqësoka shtetin e ri të Kosovës. A nuk të duket si flamur alienësh?! Thonë, se kështu na e dashka bota për tu bërë qejfin serbëve e më tej akoma, rusëve?!!

Madje, për ti bërë këto qejfe Qeveria e Kosovës në kalendarin e festave të saj shtetërore, e fshin me gomë 28 nëntorin, festën e Flamurit Kombëtar. Pra, sipas kësaj qeverie, Kosova dhe kosovarët na qenkan shtet i ri pa identitet, ose me identitet ndërkombëtar. Një sajesë e OKB-së apo diçka e ngjashme. Një flamur shtetëror, siç thuhet, blu me ca harta dhe yje në mes. Pra, Kosova edhe pas Pavarësisë është shtet i OKB-së dhe jo i kombit shqiptar, i cili ka simbole të dallueshme dhe tepër domethënëse. Ka një Flamur të kuq me një shqiponjë dykrerëshe në mes?!!

Me këtë rast Qeveria e Kosovës ja ka lenë topin Parlamentit për të vendosur. Kuptohet, përfaqësuesit e popullit shqiptar të Kosovës nuk do ta kalojnë lehtë këtë situatë dhe do ti tregojnë botës se janë shqiptar dhe bij shqiptarësh.

Problemi qëndron në faktin se, sa e ndërgjegjshme është klasa politike kosovare për të ruajtur të pacenuar simbolet kombëtare të shqiptarëve. Askush nuk mund ta pranoi argumentin që, kështu na e kërkojnë ndërkombëtarët dhe plani Antisari. Ndërkombëtarët mund të kërkojnë shumë gjëra, por ata që vendosin për identitetin e tyre janë vet shqiptarët. Le të hidhet përpjetë kushdo nga ndërkombëtarët. Shqiptarëve të Kosovës nuk mund tu mohohet Flamuri Kombëtar dhe 28 nëntori si festa e kombit tonë të stërlashtë. Dëshmitar të asaj që ndodhi në Vlorë në 28 nëntor 1912, ishin edhe shqiptarët e Kosovës me Isa Boletinin në krye. Të fshish nga kalendari i festave zyrtare 28 nëntorin, do të thotë të fshish nga historia prezencën e Isa Boletinit dhe trimave të tij patriot në ato ditë në Vlorë. Nuk mund të jetë argument bindës arsyeja që, Kosova tashmë ka flamurin e saj shtetëror. Edhe flamurin kombëtar ne e kemi por na duhet ta fshehim nëpër muzeume dhe sirtarë, sepse kështu do na pranoi më mirë bota dhe serbët nuk do ndihen më?!! Këto argumente nuk mund ti pranoi askush nga gjenerata më e re e shqiptarëve që jetojnë sot, në Shqipëri, Kosovë, Maqedoni, Mal të Zi e kudo ku ka shqiptar. Shqiptarët duhet të jenë dhe të qëndrojnë të bashkuar rreth simboleve kombëtare, të cilat i dallojnë ata si komb, sot e në vazhdimësi. Duke shkruar këto reshta mu kujtua një përpjekje e udhëheqësve shqiptar pas çlirimit të vendit, të cilët i kërkuan Titos bashkimin e Kosovës me Shqipërinë. Dhe Titua paka a shumë u tha: "Kjo do të ndodhi por jo tani, pasi nuk do na kuptojnë serbët". Pra, me pak fjalë, shtyu pa piqemi. Kështu po ndodh sot edhe në Kosovë, ku, siç duket, ndërkombëtarët këshillojnë Qeverinë e Kosovës që ta heq nga kalendari 28 nëntorin si festë kombëtare, pasi edhe serbëve do t'u bëhej qejfi dhe ndoshta heqin dorë nga ëndrrat për Kosovën?!! Këto janë çudirat më të fundit që po ndodhin mes shqiptarëve të Kosovës dhe Qeverisë së tyre të re.

Kosova si shtet mund të ketë simbolet e saj të veçanta dhe të ndryshme nga ato të shtetit shqiptar me kryeqytet Tiranën. Por Kosova si entitet do të ketë, njoh dhe festoi simbolet kombëtare dhe datat e shënuara që lidhen me historinë tonë të përbashkët, duan apo nuk duan ndërkombëtarët, serbët, rusët apo grekët. Në Kosovë krahas flamurit të shtetit duhet të valëvitet pa mëdyshjen më të vogël edhe Flamuri Kombëtar i shqiptarëve, ashtu siç po valëviten flamujt e SHBA-së, BE-së, etj.

Evropa dhe Amerika e dinë mirë që nuk mund të jetojnë gjatë dy shtete shqiptare në Ballkan. Historia botërore, apo më saktë ajo evropiane na treguan, se dy gjermanit e ndara padrejtësisht midis lindjes dhe perëndimit, një ditë të bukur u bashkuan. Kështu ka ndodhur më herët edhe me kombe të tjera gjatë rrjedhave të historisë.

Sado që ta fshehin Flamurin kombëtar të shqiptarëve në Kosovë, sado që të përpiqen ta fshijnë nga kalendari i festave 28 nëntorit, apo datën e çlirimit të Kosovës, shqiptarët e Kosovës do vazhdojnë pa më të voglin dyshim t'i festojnë ato dhe ta mbajnë jo vetëm në gji Flamurin e Skënderbeut, por ta valëvitin atë gjatë gjithë jetës, drejtë progresit të tyre të pandalshëm të integrimit dhe bashkimit kombëtar.

Flamuri kuqezi është i vetmi simbol me të cilin shqiptarët e Kosovës luftuan për gati 100 vjet me radhë, pa u përkulur përball aparteidit serb të krajlëve tiran e presidentëve të tipit të Millosheviçit. Kombi shqiptar në Ballkan ka vetëm një Flamur, atë kuqezi dhe këtë flamur do ta ngrejë lartë në çdo 28 nëntor, pasi kur plaku i urtë i Vlorës, Ismail Qemali ngriti këtë Flamur dhe i tha botës se kombi shqiptar ekziston dhe nuk kishte vdekur, ai nuk ishte vetëm por së bashku me Isa Boletinin nga Kosova.

I takon Parlamentit të Kosovës të mbroj simbolet kombëtare të shqiptarëve, për ti treguar botës, se shqiptarët në Ballkan janë vetëm një komb që kanë një flamur kuqezi si simbol të ekzistencës së tyre historike.