[b]"Po na bëjnë të mos ndihemi njerëz, por vemje[/b]

Po bëhet gjithçka për të krijuar një klimë terrori tek njerëzit. Po veprohet me mënyra fashiste dhe po kërcënohen njerëzit, si të jemi nën një regjim talebanësh dhe jo sikur jetojmë në një vend të Europës. Po na frustrojnë keqazi, po na bëjnë të mos ndihemi njerëz, por vemje.

Nëpër shkolla, ka drejtorë që kanë mbledhur mësuesit dhe u kanë thënë që duhet të qëndrojnë sot në punë deri në orët e vona të pasdites. Qëllimi? Që të mos munden të shkojnë në protestë. Edhe ky njoftimi i policisë për monitorim me kamera, për mua është i qëllimshëm.

Unë si punonjës administrate e marr kështu: "Mos guxo të dalësh aty se ne do të të shohim dhe thuaj lamtumirë vendit të punës. Vajza më tha që edhe në Facebook ka njerëz që shkruajnë "Mos dilni në protestën e PS-së se njerëz të betuar të PD-së do qëllojnë mbi turmë" (!).

Këto janë gjëra që vetëm një pushtet i lig mund t'ia bëjë qytetarëve të vet. Zoti na ruajt, por kupa është mbushur dhe po derdhet. Nuk shtyhet më kështu. Nuk mund të jetojmë me të njëjtën frikë që kemi jetuar 50 vjet nën komunizëm. Këta e kanë gabim që mendojnë se mund ta mbajnë gjatë pushtetin me shtypje të tillë.

Sa më shumë e shtypin, aq më i fortë do jetë shpërthimi. Një kërkesë e kam jo për Berishën se ai e ka kaluar me kohë kufirin e logjikës, por me ata që i rrinë afër. Njerëzit e kanë të qartë që ju e mbroni, sepse mbroni veten dhe pasuritë tuaja, por bëni kujdes. Çdo gjë ka një kufi! Ju lutem mos vendosni as emër, as adresë e-maili.