Thellohet skandali, KiEmiraton raportin e Martyt

Suela Topi

KiE miraton raportin e Martyt, shtohet fjala “hetim” për akuzat. Delegacioni shqiptar: Votoni amendimet tona, hetim akuzave

Pavarësisht kundërshtive të Shqipërisë përmes delegacionit të saj në Asamblenë Parlamentare të Këshillit të Evropës, ky i fundit miratoi raportin e eurodeputetit Dick Marty. I vetmi ndryshim që pësoi raporti pas debatit të djeshëm ishte titulli, të cilit i është shtuar fjala “hetim” mbi trafikimin. Në këtë mënyrë, thellohet rëndimi i shqiptarëve, duke i detyruar të vazhdojnë të mbajnë një barrë që nuk e meritojmë, për më tepër kur shqiptarët e Kosovës ende nuk i kanë larguar pasojat e frikshme të okupatorit serb. Delegacioni shqiptar në Asamblenë Parlamentare të Këshillit të Evropës kundërshtoi ashpër raportin e Dick Maryt lidhur me akuzat e tij për transplant organesh në Kosovë. Kreu i delegacionit, Ilir Rusmali, gjatë fjalës së tij në KiE bëri thirrje për të marrë në shqyrtim dhe për të hetuar çdo akuzë të Martyt. Rusmali theksoi gjithashtu në fjalën e tij se raporti i Dick Marty ka qenë shumë kontrovers për opinionin shqiptar në Kosovë edhe në Shqipëri dhe derisa ai përmban brenda radhëve të tij kundërvënie, kontroverse, përgjegjësia i takon autorit të tij që ta përmirësojë atë dhe të japë sa më shumë fakte dhe dëshmi. Sipas tij, akuzat nuk duhet që të keqpërdoren për dënime të padrejta dhe dënime kolektive të kombeve.

Delegacioni shqiptar

Kreu i delegacionit shqiptar në Asamblenë Parlamentare të KiE-së, Ilir Rusmali, kundërshtoi ashpër akuzat e eurodeputetit për trafik organesh. gjatë fjalës së tij ai theksoi se kjo draft rezolutë është një apel serioz për të marrë në shqyrtim të gjitha akuzat e pretendimet e ngritura për trafikimin e paligjshme të organeve. “Në një kuptim të përgjithshëm është një apel për mbrojtje të dinjitetit të njerëzve kundër çdo çmimi dhe kushti, prandaj mund të themi se është një dokument i respektuar, por në Kosovë dhe në Shqipëri ky dokument ka qenë shumë kontrovers për ne”, - deklaroi Rusmali. Sipas tij, shumë anëtarë të kësaj asambleje tashmë e dinë se në këtë dokument ka shumë kundërthënie, shumë kontradikta për atë që pohohet apo akuzohet. “Nëse një dokument, një deklaratë, një raport, një libër apo studim zgjon aq shumë kontroverse dhe kundërthënie është tejet sipërfaqësor për ti mbajtur lexuesit të përgjegjshëm dhe atë grup njerëzish kushdo që janë ata sepse përgjegjësia para se gjithash i takon autorit të këtij raporti, dhe veç tij gjithë ne këtu po shohim se do të bëhemi autorë të kësaj draft rezolute, atëherë do të duhej ta përmirësonim atë që të jetë mirë e balancuar dhe mirë e bazuar ,që të jetë më pak kundërthënëse, më pak e anshme, që të jetë më pak propaganduese por që të përmbajë më shumë fakte dhe kjo draft rezolutë duhet të ketë mbështetës dhe jo kontestues”, - theksoi Rusmali. Si kryesues i delegacionit shqiptar ai theksoi se Shqipëria është në favor të këtyre hetimeve, madje Shqipëria në të kaluarën ka ndihmuar të gjitha procedurat dhe proceset hetimore duke ofruar asistencë ligjore Gjykatës së Hagës apo EULEX-it. “Secili e di se vetëm përmes këtyre hetimeve të ndërsjella do të kemi hetime të plota për të gjitha propozimet e ngritura këtu, prandaj ftoj raportuesin që ti ketë këto në dijeni dhe të gjitha anëtarët tjerë të asamblesë që të votojnë çfarëdo që të jenë këto akuza, ato nuk duhen të keqpërdoren për të nxjerrë konkluzione të pa drejta, por as që të sjellë dënime kolektive të grupeve të caktuara as të forcave politike dhe jo fondeve”, - tha ai. Rusmali shtoi: “Në këtë aspekt ftoj raportuesin që të ketë parasysh këto gjera por edhe anëtarët tjerë të asamblesë që ta votojnë këtë draft rezolutë, ata kanë një objektivë që të kemi hetime të besueshme të sinqerta të paanshme mbi të gjitha çështjet e ngritura ta mbajnë kësisoj”. Rusmali shtoi se Shqipëria dhe Kosova besojnë dhe mbështetin punën e EULEX-it, i cili do të hetojë këto akuza. “Në këtë drejtim prandaj ju ftoj ju kolege të nderuar që të mbështetni amendamentet që ne i kemi dorëzuar”, - përfundoi ai, ndërsa Shpëtim Idrizi, i cili është pjesë e delegacionit shqiptar në APKiE, theksoi:

“Është e pajustifikueshme që të çmitizojmë luftën e kryer nga Ushtria Çlirimtare e Kosovës, me akuzat për trafik organesh gjatë kohës së saj”. Sipas Shpëtim Idrizit, raporti është i mbështetur dhe i frymëzuar nga Serbia dhe Rusia. Idrizi tha se raporti i Dick Martyt është hartuar pa u bazuar në asnjë takt, por eurodeputeti Marty tha dje se raporti i tij mbi përfshirjen e drejtuesve të lartë të ish-Ushtrisë Çlirimtare të Kosovës në trafikim organesh njerëzore mbështetet mbi dëshmitarë të besueshëm që nuk i besojnë drejtësisë vendase apo ndërkombëtare në Kosovë, ndaj kanë frikë të dëshmojnë. Pas diskutimeve KiE miratoi raportin e eurodeputetit.

Për herë të parë flitet për çështjen çame në KiE

Për herë të parë është folur dje në Këshillin e Evropës për çështjen çame. Kryetari i Partisë Drejtësi dhe Unitet, njëherazi anëtar i delegacionit shqiptar në këtë institucion, z. Shpëtim Idrizi, u bëri të ditur delegatëve të të gjitha shteteve të pranishme se barazimi i viktimës me vrasësin, siç u tentua të bëhej në Kosovë, nuk është një fenomen i ri për popullsinë shqiptare, por është e përsëritur, sikurse ndodhi edhe në fund të Luftës së Dytë Botërore me popullsinë shqiptare të Çamërisë. "Xhelatët, falë kësaj teknologjie, tentojnë të barazohen me viktimat. Madje, janë ndërruar rolet. Në ndërmarrjen e z. Reporter, që i ka kushtuar dy vjet e gjysmë kohë dhe para KE-së, ka diçka të ngjashme. Unë kam një eksperiencë personale që më bind për këtë. Unë i përkas popullsisë çame, viktimë e gjenocidit dhe spastrimit etnik, në fund të Luftës së dytë botërore, kur s’kishte as CNN, as Këshill Evrope, që të dokumentonte gjithë krimet. E vërteta e atij gjenocidi mbi çamët, hebrenjtë e Greqisë, që unë dhe familja ime e dimë mirë, asnjëherë s’është mësuar nga bota. Unë jam shumë i ndjeshëm se në atë kalvar biblik kam pasur tim gjysh dhe babain tim 2-vjeçar, që nuk e panë më kurrë vendin ku kishin lindur. Serbia e Millosheviçit ka përdorur furrat e fabrikave për të zhdukur kufomat nga frika e ndëshkimit ndërkombëtar, ndërsa sot paraqet shqiptarët si xhelatë", - tha z. Idrizi. Kjo është hera e parë që çështja çame përmendet në një seancë plenare të një institucioni evropian.

standart

Thellohet skandali, KiEmiraton raportin e Martyt

Thellohet skandali, KiEmiraton raportin e Martyt

Thellohet skandali, KiEmiraton raportin e Martyt :: Komentet