Eva Gjura
Kryeministri Berisha ka deklaruar dje ne sallen e parlamentit se kryetari i opozites, Edi Rama, po bllokon realizimin e reformes zgjedhore, duke "grisur" marreveshjen e arritur me mazhorancen. Per kryeministrin, mazhoranca nuk befasohet nga ky qendrim i opozites dhe as nuk i imponohet asaj per te marre vendime, pasi opozita eshte force legjitime dhe do te jene shqiptaret ata qe do ta zgjidhin kete problem me voten e tyre. "Lidhur me situaten e reformes zgjedhore dhe ndryshimeve ne rregulloren e parlamentit, e verteta eshte se ne traditen tashme qartesisht te kristalizuar pas reformave te vitit 2008, lidershipi socialist merr persiper te grise cdo marreveshje. Gje, e cila as nuk na befason dhe ne bindjen tone, ky qendrim i opozites nuk mund te zgjidhet ne menyre kategorike nga PD-ja dhe mazhoranca, pasi opozita eshte sovrane ne te gjithe vendimet e saj dhe ky eshte kushti me themelor i ekzistences se saj. Kete e zgjidhin dhe do ta zgjidhin shqiptaret", - eshte shprehur Berisha. Per kreun e qeverise, opozita gjate kesaj kohe vetem ka vazhduar serine e akuzave ndaj mazhorances, nderkohe qe kjo e fundit vazhdimisht eshte shprehur e gatshme per te bashkepunuar ne realizmin e reformes zgjedhore duke pranuar edhe kushtet e vena dy muaj me pare nga Rama per ndryshimin e rregullores se parlamentit. "Ju paraqitet serialin e akuzave, ndersa ne kemi bere gjithcka per avancimin e ketyre reformave. Para se te arrihej marreveshja, lidershipi i tyre rreshtoi dhjetera kerkesa per rregulloren e parlamentit. Duke qene te bindur se kjo rregullore eshte e standardeve me te mira demokratike, qendrimi yne ishte se ne pranojme te shqyrtojme rregulloren duke adaptuar nen per nen nje rregullore me model si ajo e Parlamentit Europian", - u shpreh kryeministri. Me tej, ai ka sqaruar se ka qene serish opozita dhe kryetari Rama qe kane nxjerre pengesa per realizmin e marreveshjes, pasi kane kerkuar qe te kufizojne kohen e diskutimit te kryeministrit ne parlament duke kerkuar qe kryeministri te kete kohe te barabarte me kryetarin e minorances. Kjo, sipas Berishes, eshte e pa pranuar, sepse duhet te ndryshohet Kushtetuta. Berisha shprehet se kur u ndryshua Kkushtetua ai i ka lejuar Rames qe te bente ndryshimet per ta lejuar qe te ishte edhe kryetar bashkie dhe te garonte per deputet, me qellim qe te mos renditej si rasti unikal qe komandanti nuk del ne krye te ushtrise. Berisha tha se Rama nuk e pranoi kete dhe tashme ai nuk mund te dale dhe t'i kerkoje opozites t'i vere kryeministrit "kufirin tek thana". "Ky zoteri qe nuk pranoi te garoje, qe nuk pranoi te vije ne parlament, se pari, i thote grupit te tij: Verjani kryeministrit, 'kufirin tek thana' ne platforme dhe per te bllokuar reformen shkel marreveshjen dhe kerkon ndryshimin e Kushtetutes. Se dyti, kerkojne qe dekretet te votohen fshehtas. Edhe ne kete parlament votojme fshehtas per personat, por dekreti nuk eshte person, por akt madhor juridik. Nuk votohet personi, por dekreti, nuk votohet personi, por ligji", - tha Berisha.



Berisha: PS kerkon te bllokoje statusin

Kreu i qeverise ka premtuar dje se mazhoranca eshte e gatshme te votoje te gjitha ndryshimet ne reformen zgjedhore, te cilat do te behen sipas rekomandimeve te ODIHR-it. "Ne do ta votojme reformen, natyrisht, do te marrim nje mendim te ODIHR-it dhe as edhe nje rekomandim i vetem ODIHR-it nuk eshte bllokuar dhe nuk do te bllokohet", - tha Berisha. Ai akuzoi opoziten se po perpiqet te beje gjithcka per te bllokuar marrjen e statusit kandidat per ne BE. "Ju doni me cdo kusht te bllokoni statusin. Ne menyre absolute, as sot dhe as pese vjet, kjo mazhorance nuk do t'ju lutet qe te mos e bllokoni, sepse ato jane te paefektshme. Tentuat ta bllokoni ate duke e lene bosh krahun tuaj ne kete salle, duke bllokuar rruge e sheshe, bete 1700 demonstrata, rrethuat Keshillin e Ministrave, por e pesuat ne menyren me ekzemplare, duke deshtuar, sikunder edhe ne 8 maj. Ju mund te veproni si te deshironi. Nese doni te ecim perpara, mire, nese jo, ne 2013-n, shqiptaret do te japin verdiktin e tyre", - u shpreh Berisha. Ai i ka kujtuar opozites se Shqiperia nuk eshte pergjegjesi vetem e mazhorances, por e te gjithe shqiptareve. "Shqiperia eshte nje pergjegjesi e te gjithe shqiptareve. Kam shprehur dhe shpreh vleresimin tim per opoziten, por, ne qofte se opozita nuk do, nuk eshte detyre e mazhorances as ta nanurise, as ta kape perdore. Detyra e mazhorances eshte ta respektoje si force politike sovrane dhe ju do te respektoheni si te tille! Asnjehere mos mendoni se do te mund t'i mashtroni kaq lehte njerezit e thjeshte qe na ndjekin", - tha kryeministri.

Koha Jone