Elvis Sejko


Ika sepse pesë njerëz të dashur që dhanë aq shumë për Shqipërinë ende nuk kanë një varr ku ti bëj një lutje dhe t'i vendos një tufë me lule.
Ika sepse 40% e shqiptarëve kane ikur jashtë dhe e kane lënë këtë perlë ta zhvatin hajdutët ndërsa 60% duan të ikin sepse politika ja vrau shpresën që i kish mbetur se ky vend mund të bëhej një ditë.
Ika sepse fukarai është në burg ndërsa hajduti nderohet, biles promovohet si garantues i sistemit zgjedhor.
Ika sepse gjykatësi nuk i jep të drejtë atij që e meriton por "drejtësi" me shumë para atij që nuk e meriton.
Ika sepse shkolla është kthyer në pazar ndërkohë që duhet të ishte fanar.
Ika sepse arsimi i ngjan asaj kioskës ku shiten qofte dhe diplomat lëshohen si bileta urbani.
Ika sepse shëndetsia edhe pse “falas" është e fundit në Europë dhe ku të gjithë politikanët bashkë me familjet e tyre kurohen jashtë shteti.
Ika sepse siç po duken bathët nuk do ketë më një doktor te na vizitojë dhe një infermiere të na bëjë një gjilpërë.
Ika sepse sporti dhe sportistët kanë kushtet më mizerje për trajnim dhe nivelin më ordiner si trajtim.
Ika sepse toka nuk shkoi asnjëhere tek i zoti.
Ika sepse legalizimi i shtëpisë në tokë të vjedhur bëhet më kollaj se në tokën tënde.
Ika sepse gënjeshtarët më të mëdhenj kanë uzurpuar të gjithë sferën publiko-mediatike nga ku mashtrojnë dhe gënjejnë sistematikisht shqiptarët.
Ika sepse aty në vendin tim hajduti është "çun i shkathët" ndërsa i ndershmi "budalla".
Ika sepse pronari i tepsisë dhe i timonit: “Byrekun e ha vetë ndërsa makinën e shkarkon të oborri i shtëpisë së vëllait të vet”.
Ika sepse polici i cili dha jetën për të na mbrojtur më nuk po kujtohet por nuk mjafton kjo, familja e tij komplet harrohet.
Ika sepse në burg futet arkitekti dhe inxhinieri dhe jo politikani e sekseri.
Ika sepse Akademine e Shkencave e drejton ministri diktatures i zgjedhur komplet në kundërshtim me ligjin.
Ika sepse Parlamentin e drejton ish Ministri i Brendshëm që akuzohet për vrasje.
Ika sepse Minister i Brendshem u bë ish hetuesi (dihet se cfare torturash kane ushtruar hetuesit e diktatures).
Ika sepse Keshilli Ministrave drejtohet nga djali atij që firmosi për varjen e Havzi Neles.
Ika sepse institucionet i drejtojnë injorantët dhe të paaftit ndërkohë te aftit enden sepse nuk pranojnë të zvarriten dhe të lëpihen si kërmilli.
Ika sepse varferia shpirtërore e ka kaluar varferinë materiale ndërsa feja në Shqipëri është kthyer thjesht në qoka politikanesh pa din e pa iman.
Ika sepse doja që femijët e mi të kishin një të ardhme më të sigurt përmes aftësisë dhe meritokracisë dhe jo përmes servilizmit dhe ligësisë.
Ika sepse 40 vjet nga jeta ime i vura në sherbim tënd Shqipëri dhe ajo që mora nga shteti ishte: Përbuzje dhe qesëndi.
Ika sepse nga ai vend po nuk ike i gjallë shumë shpejt ikën si i vdekur rastësisht.
Ika sepse në botë çdo shtet ka mafien e tij ndërsa në Shqiperi mafja ka shtetin e saj.
Ika sepse politikani jonë nuk mendon për popullin si burrë shteti por për veten e vellain e tij si të mbushet xhepi.
Ika sepse shpresa u vra pikërisht nga ato që duhet të gjeneronin shpresë.
Ika sepse siç do të thoshte Fishta i madh: Këtë vend të bekum po e drejton “Dreçi Mallkum”!!!
p.s Të më falë Shqiperia dhe shoqëria ku une u rrita dhe u edukova që nuk kisha:”një grusht që t’i bija malit të zullumit mu në zemër” do thonte, Migjeni i ketij shekulli!
Çikago, USA 🇺🇸 5 Shkurt 2020.