Amnistia, falen 68 miliarde leke

Blerina Hoxha
E Shtune, 12 Korrik 2008

Bizneset qe jane penalizuar me gjoba nga administrata fiskale, per te cilat nuk jane njoftuar do te perfitojne amnisti te plote fiskale, qe perfshin faljen e principalit, gjobes dhe kamates. Ministri i Financave, Ridvan Bode, njoftoi dje se, eshte ne perfundim projektligji per faljen e detyrimeve, gjobave dhe kamatevonesave per nje sere biznesesh. "Behet fjale per nje falje per detyrimet, gjobat dhe kamatevonesat per nje sere biznesesh, te cilat kane nje periudhe te gjate qe jane debitore ne shtet dhe per motive nga me te ndryshmet, ende nuk eshte caktuar kundervlera, sikurse do te kete edhe nje rregullim me ligj te asaj shume marramendese qe ekziston nga bizneset debitore", tha Bode. Sipas ministrit Bode, jane rreth 40 miliarde leke detyrime vetem nga tatimet, te cilat jane vendosur nder vite nga inspektoret tatimore. Por ne total shuma qe do t'i falet biznesit eshte rreth 6.8 miliarde leke. Drafti eshte futur ne procedure, per te kaluar ne parlament dhe eshte parashikuar nje periudhe tremujore, qe te gjithe bizneset te kene kohe per te likuiduar principalin dhe per te eliminuar te gjitha gjobat dhe pjeserisht kamatevonesat, sqaroi Bode. Nga drafti i ri do te perfitojne edhe ato biznese, qe u ka kaluar afati i pageses. Nese brenda tre muajve, qe nga data kur hyn ne fuqi drafti, kjo kategori biznesi paguan principalin, atehere i falet 50 per qind e shumes se interesit dhe 100 per qind e shumes se gjobes. Nga kjo amnisti do te perfitojne edhe ato biznese qe kane importuar makina, por nuk i kane paguar detyrimet doganore. Per keto biznese qeveria ka vendosur t'u fale gjobat dhe interesat, por me kusht qe te paguajne detyrimet doganore brenda 3 muajve. Sipas draftit per automjetet qe nuk jane te regjistruara, por me kusht qe te regjistrohen brenda 3 muajve, u falen detyrimet. Ndersa makinat qe jane ne qarkullim duhet te kryejne pagesen brenda tre muajve. Per rrjedhoje, eshte parashikuar t'u falen detyrimet gati 160 mije automjeteve, por do te perfitojne vetem ato makina qe do te regjistrohen brenda 3 muajve nga hyrja ne fuqi e draftit. Nga kjo amnisti do te perfitojne plot 160 mije makina. Gjithashtu, projektligji ka marre ne konsiderate edhe faljen e kamatevonesave te sigurimeve shoqerore dhe shendetesore ndaj bizneseve qe nuk kane paguar keto detyrime, te cilave do t'u falen 100 per qind gjobat dhe 50 per qind interesat, por me kusht qe te paguajne brenda tre muajve principalin. Kreu i financave publike, theksoi se hartimi i draftit u be me qellimin per te cliruar keto biznese dhe per t'i ftuar ato te dalin ne drite, sikurse edhe koleget dhe rivalet e tyre ne ekonomine shqiptare. Clirimi i bizneseve nga borxhet dhe detyrimet pritet te sjelle arketime shtese ne buxhetin e shtetit ne nje shume prej 500 milione eurosh. Mirepo, amnistia mund te kete edhe efekte negative, pasi nxit biznesit te mos paguaje ne shprese te nje amnistie te mevonshme.
Koha jona