Tiranë/Kavajë-Dhuna ndaj grave duket se nuk do të ketë fund. Policia ka arrestuar dy shtetas të akuzuar për keqtrajtim të bashkëshorteve të tyre. Kështu në prangat e forcave të komisariatit të policisë nr 2 të Tiranës, ka rënë shtetasi F.D. 26-vjeç, banues në Tiranë. Ai është denoncuar nga e shoqja, M.D 25-vjeçe, pasi ushtronte dhunë mbi të.

Materialet i kaluan Gjykatës së Rrethit Gjyqësor Tiranë për lëshimin e Urdhrit të mbrojtjes, ndërsa paralelisht kësaj shtetaseje ju mor kallëzim penal për veprat penale të “dëmtimeve të tjera me dashje” dhe “kanosjes”, parashikuar nga nenet 90 dhe 84 të Kodit Penal, ku materiali hetimor ju dërgua Prokurorisë së Rrethit Gjyqësor Tiranë.

Ndërkohë, një tjetër shtetas është arrestuar nga forcat e policisë në Kavajë për të njëjtën vepër penale. Xhemali L., 41-vjeç, lindur dhe banues në Golem, është prangosur pasi ka ushtruar në mënyrë sistematike dhunë fizike dhe psikologjike ndaj bashkëshortes së tij shtetases M.L 37-vjeçe, lindur dhe banuese në Golem.

Për shkak të gjendjes së rënduar psikologjike, shtetasja M.L, ka pirë një sasi lëndë djegëse, benzinë, e për pasojë kjo shtetase ndodhet në gjendje të rëndë për jetën në SQU Tiranë. Materialet hetimore në ngarkim të shtetasit Xhemali L. i kaluan Prokurorisë së rrethit Gjyqësor Kavajë, nën akuzën e kryerjes së veprës penale të “shkaktimit të vetëvrasjes”.

start