Receta te ndryshme

ILIRIADA PORTAL :: Gastronomi :: GASTRONOMI

Faqja 1 e 1

11012008

Receta te ndryshme

Fergese

Per fergese ju duhen:

qepe te fresketa
domate ose salce domateje
speca
veze
djath i bardhe
vaj ulliri
kripe
piper i zi
Te gjithe ingredientet pastrohen mire dhe priten imet.
Ne vajin e nxehte skuqen qepet dhe pastaj shtohen specat.

Kaurdisen mire deri sa specat te marrin nje kore te arte.

Shtohen domatet apo salca e domateve. Kaurdiset mire me specat. Pas disa minutash shtohet djathi i prere ne copa te vogla. Kur ingredientet te jene lidhur mire me njeri-tjetrin shtohen vezet e rrahura dhe perzihen mire .
Dhe eshte gati per servirje

dea: Numri i postimeve : 182
Reputation : 0
Points : 29907
Registration date : 12/12/2007

Character sheet
xxxxx:

Share this post on:

Receta te ndryshme :: Komentet

Re: Receta te ndryshme

Mesazh Fri Jan 11, 2008 11:39 am nga dea

Per nje tave te shijshme kosi ju duhen:

kotoleta qingji te cilesise shume te mire
kos i pakastruar nga yndyra (une blej kos grek shume te yndyrshem)
veze
pak oriz (nje grusht)
miell
gjalpe
kripe
piper

Futeni mishin (per 4 persona rreth 1kg, kotoletat kane kocka prandaj merrni pak me shume mish se zakonisht) ne tave, sperkaten me gjalpe dhe futeni ne furre derisa te piqet e te marre nje ngjyre te bukur te kuqerremte. Hiqeni mishin nga tava. Ne nje tenxhere hidhni gjalpe dhe kur ai te jete tretur e nxehur shtoni dy-tre luge miell. Kur mielli te kete marre ngjyre te arte shtoni lengun e mishit dhe perziejini mire. Ne se salca eshte shume e trashe shtoni pak uje. Eshte shume e rendesishme qe salca te mos kete kokrriza! Prandaj, perdorni nje mixer per te tretur miellin mire. Ne nje ene te thelle shtoni kosin (rreth 1L per 4 persona), dy veze, salcen e miellit, orizini, kripe, piper. Perziejini te gjitha shuem mire dhe shtojani mishit ne tave. Futeni taven ne furre dhe kur te kete marre ngjyren e kuqerremte hiqeni nga zjarri. Ju befte mire!

Keshilla praktike

Suksesi i taves se kosit varet nga konsistenca. Sa me kompakte te jete tava e kosit, aq me kollaj eshte te pritet e te ruaje formen. Prandaj, kosin merreni me perqindjen mete larte te mundshme te yndyres dhe salcen e miellit beheni relativisht te trashe. Po keshtu, orizi perdoret per te ndihmuar taven e kosit te marri konsistencen e duhur.

Re: Receta te ndryshme

Mesazh Thu Jan 24, 2008 11:25 am nga Iliriada Portal

1. Byrek me spinaq;

Për 4 - 5 persona duhen:
Miell 3 gota uji, uje 300 gram, spinaq 1 kg, vezë 1 kokërr, djathë 100 gram, vaj 1/2 filxhan caji, kripë, piper
Në tavolinë ose tepsi hidhet miell, në mes hapet gropë ku hidhet ujë me pak kripë. Për 1 kg miell merret 550-600 gram ujë, megjthëse kjo varet nga lagështia e miellit. Duke e përzier nga mesi, zihet një brumë i fortë i cili punohet për 10 minuta, ndahet në kuleçë, mbulohet me picetë të lagur dhe lihen për 20-30 minuta që të fitojë elasticitet. Nga çdo kulaç bëhen petë të vogla, secila prej tyre spërkatet me niseshte dhe vendosen 3-4 copë mbi njëra tjetrën, pastaj hapen petët e zakonshme. Spinaqi për mbushje pastrohet, lahet dhe përvëlohet për 2-3 minuta në ujë të vluar e kripë, kullohet duke e shtrydhur, pritet dhe përzihet me djathë të thërmuar e vezë, shtohet kripë, piper dhe shtrohet në petë. Në tepsi të lyer me yndyrë shtrohet gjysma tjetër e petëve, duke i spërkatur secilën me yndyrë, mbi to shtohet mbushja e përgatitur dhe mbulohet me pjesën tjetër të petëve të spërkatura me yndyrë. Anët mbështillen nga brenda. Byreku spërkatet me yndyrë dhe piqet.

Re: Receta te ndryshme

Mesazh Thu Jan 24, 2008 11:26 am nga Iliriada Portal

2. Fërgesë Tirane

Për 4 - 5 persona duhen:
Speca 8-10 copë mesatare, domate 4-5 kokrra mesatare, yndyrë për skuqje, 2 filxhanë kafeje, miell 1 lugë gjelle, vezë 2 kokrra, hudhra 4-5 thelpinj, gjizë 4-5 lugë gjelle, spec djegës sipas dëshirës
Specat pastrohen nga bishti dhe farat, lahen dhe skuqen. Në yndyrën e mbetur hidhet domatet e qëruara nga cipa dhe të grira hollë, kaurdisen derisa masa të trashet, hiqet nga zjarri i hidhen vezë, spec djegës, majdanoz i grirë hollë, gjizë ose djathë.
Masa vendoset në pjatë dhe sipër vendosen specat e fërguar.

Re: Receta te ndryshme

Mesazh Thu May 22, 2008 8:20 pm nga flutura

Musaka me patate

Për 4 vetë
Duhen:

- Patate 1 kg
- qepë 6 kokrra mesatare
- vaj 3-4 filxhane kafeje
- domate 5 kokrra (1 lugë gjelle salce)
- kripë, piper, dafinë

Për salcën e bardhë:

- Gjalpë 1 lugë gjelle
- miell 1 lugë gjelle
- qumësht 1 gote caji
- vezë 1 kokërr
- kackavall (djathë) të thërmuar një lugë gjelle

Gatimi:

Patatet qërohen, lahen dhe priten në feta të rrumbullakta, me trashësi 5-7 mm.
Skuqen patatet derisa të krijohet një kore e lehtë. Qepa e prerë në formë gjysmërrethi skuqet me vaj në zjarr të ngadalshem në menyrë që të mos digjet, por të zbutet. Shtohen domate të qëruara dhe te prera në copa kubike, pak salcë, kaverdisja vazhdon edhe pak, shtohet kripë, piper flete dafine.
Në tavën e lyer me vaj shtrohet një shtresë patatesh të skuqura, mbi to gjysma e qepës, përsëri nje shtresë tjetër patatesh dhe pastaj pjesa tjeter e qepës. Mbi këto prapë shtrohet një pjesë patatesh. Në një enë kaverdiset miell me pak gjalpë, shuhet me gjumësht, përzihet mirë derisa të marrë valë, hidhet kripë dhe lihet masa të trashet.
Hiqet nga zjarri ftohet pak dhe perzihet me vezë. Salca e përgatitur hidhet mbi musakanë, spërkatet me gjalpë dhe djathë kackavall. Tava vihet në furrë për tu pjekur për 30 minuta

Re: Receta te ndryshme

Mesazh Thu May 22, 2008 8:22 pm nga flutura

Çomlek me qepë

Për 4 vetë

Duhen:

- qepë te vogla 1 kg
- vaj 2 filxhanë kafeje
- salcë 1 luge gjelle
- verë një filxhan kafeje
- hudhër një kokërr
- kripë, piper, 2 fletë dafine

Gatimi:

Qërohen qepet dhe siç janë të paprera skuqen në tigan me vaj pastaj shtohen në tenxhere.
Pastaj në tigan hidhet një kokërr qepë e grirë hollë, kaverdiset pak, shtohet salcë dhe kaverdisen së bashku, shuhen me verë të kuqe, shtohet kripë, piper, ujë dhe hudhra. Tenxherja mbulohet mirë dhe lihet në zjarr te ngadalshëm për 20-30 minuta

Re: Receta te ndryshme

Mesazh Thu May 22, 2008 8:26 pm nga lola

Patëllxhanë të mbushur

Për 4 vetë

Duhen:

- Patëllxhanë 1 kg
- qepë 7 kokrra
- hudhra 2 kokrra
- kripë, piper, majdanoz

Gatimi:

Patëllxhanëve u hiqet bishti dhe lëkura në tre rripa nga të dyja anët. Priten për së gjati te pjesa e sipërme deri në mes të tulit dhe vendosen në ujë me kripë për gjysëm ore. Ndërkohë skuqet qepa e grirë në formë gjysëmrrethi, shtohen domate të qëruara dhe të prere në forme kubike; vazhdon kaverdisja në zjarr të ngadalshem në mënyrë që qepa të zbutet. Në fund shtohen hudhra të grira, majdanoz, kripë, piper dhe pak uthull. Patëllxhanet kullohen, shpëlahen dhe skuqen në tigan me pak vaj pastaj rreshtohen në tavë, hapen në vendin e prerë dhe mbushen me masën e përgatitur. Sipër u vihet nga një fetë domate.Shtohet fare pak ujë dhe piqen për një orë në furrë jo shumë te nxehtë.

Re: Receta te ndryshme

Mesazh Thu May 22, 2008 8:31 pm nga flutura

Gjyveç me patate

Duhen:

- mish 500 g
- patate 1.5 kg
- vaj 4-5 lugë gjelle,
- qepë 1 kokërr, spec i kuq
- salcë domate 1 lugë gjelle
- kripë, piper i zi, majdanoz
Mishi pritet në thela, skuqet me qepë, shtohet pak salcë domate kripë, piper, dafinë, ujë sa të mbulohet mishi dhe lihet të ziejë në zjarr të ngadaltë. Ndërkohe përgatiten patatet të cilat pastrohen, lahen, priten në feta të rrumbullakëta me trashësi 1 cm dhe skuqen lehtë me vaj. Në tavë vendosen thelat e mishit, mbi to patatet, kripë, piper, pak spec i kuq dhe në fund lëngu i mishit. Tava lihet në furrë për 1/2 ore. Pasi hiqet gjyveçi, vihet në pjatë, spërkatet me lëngun e vet dhe majdanoz të grirë hollë.

Re: Receta te ndryshme

Mesazh nga Sponsored content