Kryeministri Berisha parashikon të kthejë në zbatim punën në turnin e tretë dhe të parët që do të preken nga ky ndryshim janë shoqëritë e ndërtimit. Nisur nga situata e krijuar me nivelin e ulët të investimeve të deklaruara nga ministritë, Berisha ka fajësuar direkt sektorin e ndërtimit, i cili rezulton me punime të ngadalta në objekte të ndryshme në rang vendi. Deklarata e kryeministrit u bë dje gjatë mbledhjes të Këshillit të Ministrave, duke i kërkuar në këtë rast ministrit të Punëve Publike përpilimin e një akti të caktuar që rregullon kriteret e procedurave në punë publike të ndryshme.Madje kryeministri shkoi edhe më tej duke i cilësuar ndërtuesit mashtrues pasi bëjnë çdo veprim vetëm për të përfituar në tendera nga paratë e taksapaguesve shqiptarë.
Deklarata
Kryeministri i Shqipërisë, z. Sali Berisha solli dje në vëmendjen e ministrave të kabinetit të tij një problem që ka lindur me shoqëritë e ndërtimit që operojnë në vendin tonë. Sipas kryeministrit Berisha, shumë kompani ndërtimi vrapojnë për të fituar 10 tendera me të njëjtat dokumente dhe me 1/10 e kapaciteteve me të cilat duhet të përmbushin detyrimet. “Zoti ministër duhet të sillni me urgjencë të gjitha standardet që kjo situatë mashtrimi real të marrë fund menjëherë”, iu drejtuar Berisha ministrit të Punëve Publike, z. Sokol Olldashit. Më tej kryeministri kërkoi nga Olldashi përcaktimin e të gjitha modaliteteve të kontrollit para se të nënshkruhet kontrata sikundër firmat e ndërtimit të detyrohen në kontratë se, “që nga data 22 mars deri më 22 tetor të punojnë me tre turne, në rast se duan të aplikojnë për punë publike”. “Ne për të ndihmuar kompanitë shqiptare rritëm vlerën e kontraktuar nga 1 milionë apo 2 milionë dollarë në 10 milionë dollarë, por ka prej tyre që duan të marrin pjesë në 5 tendera njëkohësisht, në një kohë kur nuk kanë potencial as për njërin prej tyre” u shpreh i revoltuar kreu i qeverisë. “Vitin që vjen duhet të punohet me shpejtësi dhe të sillet akti shumë i rëndësishëm për të përcaktuar këto rregulla, dhe për të përcaktuar punën me tre turne. Kjo kërkon të punësojnë më shumë punëtorë, por këto do të jenë kushtet tona. Kjo periudhë duhet të jetë periudhë tre turnesh dhe të lejohet mundësia e lëvizjes me vendim qeverie e datës 22 mars në rast kushtesh të jashtëzakonshme të motit. Por, duke filluar më datën 22 mars kontrollorët e autoritetit kontraktues do të kontrollojnë të gjitha punimet në rrugë dhe në vepra publike” përfundoi deklaratën kryeministri.
Përplasja
Ko është e disata herë që kryeministri Berisha sjell reagime të forta karshi sektorit të ndërtimit në vend. Kujtojmë debatin publik në fazën kur po miratohej “ligji i gjobave”, apo kërkesa e ndërtuesve për rishikim të paketës fiskale ose hartim sa më shpejt të planeve rregulluese. Në fakt shkëndijën e parë e dha pak kohë më parë ministri i Punëve Publike, i cili gjatë një takimi me ndërtuesit në Pallatin e Kongreseve tha se, “korrupsioni në administratën shtetërore ushqehet nga firmat ndërtuese, të cilat kërkojnë privilegje”.

____________________________________________________________________________________

E solla artikullin me lart sepse mu duk sikur menyra se si theksohet ne titull te ketij artikulli deklarimi i Berishes sjell te le nje shije jo te mire.
Ajo qe dua te them eshte se sot kudo ne bote ne sektor te caktuar punohet me tre turne. Une njoh shum shqiptar qe punojne ne emigracion me tre turne, si ne fabrika te ndryshme, ne sektorin e riparimit te rrugeve, (dihet se ketej riparimi i rrugeve behet naten), ne DHL etj. Keshtuqe nuk ka pse kjo deklarate e kryeministrit te shkaktoje rreaksone. Shqiperia ka boll çeshtje per te cilat duhet ngritur zeri ne kup te qiellit. Mjafton te permendim gjakmarrjen, krimin ne familje, shfrytezimi si krah pune i femijve, shkelja e te drejtave te qytetareve, papunesia, spekulimi i firmave me te drejtat e punetoreve, korrupsioni dhe mentaliteti i shoqerise per kete fenomen etj. Per keto po, por se u dashka te punojme dite e nate.. Shqiperise dhe shqiptareve nuk u vjen asgje e keqa nga puna diten apo naten.