Abruzo (ora 14:15 )-Ka arritur në 70 numri i viktimave nga tërmeti në Itali. Por, bilanci pritet të rritet nga momenti në moment. Mes viktimave, janë edhe katër shqiptarë nga Maqedonia, Alena Zejnullahu, Rafik Asani, Valbona Osmani dhe Nurie Abdiu. Ministri i Brendshëm i Italisë Maroni ka bërë të ditur se bilanci do të rritet sërish, duke shkuar në 150 të vdekur. Ai tha se kërkimet nga skuadrat e shpëtimit vijojnë ende.

Viktima, njerëz të humbur, kaos, kjo është Itali

Abruzo (ora 12:15)- Situata pas tërmetit në Itali është vërtetë tragjike. Qindra persona enden në mes të rrugëve, shesheve ose fushave të futbollit, dhe për fat të keq nëpër rrugë mund të shohësh edhe të viktima të mbuluar me një batanije. Situata bëhet edhe më e skëterrshme, kur ende në qytetin e shkatërruar ndihen lëkundje tërmeti. Duket se toka po shembet nga brenda, ndërsa në sipërfaqen e saj enden të plagosur, ndërsa viktimat janë shtrirë në të gjitha drejtimet.

Kërkimet për gjetjen e të mbijetuarve nga tërmeti shkatërrimtar filluan që në orët e para të mëngjesit dhe ekipeve të shpëtimit u janë bashkuar edhe qytetarët e thjeshtë, që kanë mbërritur edhe nga qytete të tjera të vendit për të ndihmuar në përballin e situatës së rëndë. Një gazetare e Corriere della Serra duke raportuar nga Abruzo rrëfen se banoret i kanë treguar se një familje shqiptare ndodhet nën rrënoja në një fshat të Abruzos.

Korrespondentja e Corriere bën me dije se një familje shqiptare që ka dhe një vajzë 3 vjeçe ndodhet nën rrënoja në fshatin Paganica të Abruzos. “i gjithë fshati është shkatërruar”, pohon ajo për agjencitë e lajmeve italiane. Si pasoje aktualisht jane zyrtarizuar 2 te vdekur nga ky fshat, dhe 6 të tjerë janë zhdukur. Ekipet e shpëtimit vijojnë punën e tyre.
Start