Pavarësia e Kosovës mund të shpallet në 17 shkurt. Data është cituar dje nga agjencia italiane e lajmeve Ansa duke iu referuar një burimi shumë pranë kryeministrit Thaçi. Sipas Ansa-s që i referohet gjithmonë burimeve pranë kryeministrit Thaçi hapi i pavarësisë po ndërmerret në bashkëpunim me SHBA dhe disa shtete të BE që do të njohin të parat edhe Kosoven e pavarur. Ansa shkruan se pavarësia e Kosovës do të shpallet para 18 shkurtit, datë kur është përcaktuar mbledhja e ministrave të jashtëm të BE. Qeveria e Kosovës do të ndajë nga buxheti një milion euro për manifestimin me rastin e shpalljes së pavarësisë, deri te e cila mbetet të vërtetohen edhe disa detaje.

Kryeministri Hashim Thaçi tha se pavarësia e Kosovës është çështje e kryer dhe tani kërkohet vetëm përfundimi i përgatitjeve për të. "Në Prishtinë, Bruksel dhe Uashington gjithçka është e përfunduar dhe zëra për shtyrje mund të ketë vetëm në Beograd" tha ai pas mbledhjes së djeshme të Qeverisë së Kosovës. Kryeministri nuk deshi të komentojë asnjë nga deklaratat kundër pavarësisë, duke thënë se ai do të vazhdojë të punojë me të gjithë ata që punojnë për pavarësinë. Qeveria miratoi dje projektvendimin për fillimin e hartimit të ligjit për presidentin, atij për diasporën, shqyrtoi strategjinë legjislative për këtë vit, diskutoi për përgatitjet rreth manifestimit Epopeja e UÇK-së si dhe vlerësoi se janë shënuar rezultatet e para në zbatimin e zvogëlimit të shpenzimeve buxhetore.

BE-ja

Kancelari austriak, Alfred Gusenbauer nënvizoi dje se një njohje e pavarësisë së Kosovës nga Bashkimi Evropian do të bëhej nën dritën e planit Ahtisari e veçanërisht me garancitë për mbrojtjen e pakicës serbe të krahinës. "Çdo shpallje e pavarësisë nga Kosova do të shqyrtohet me shumë kujdes nga BE dhe shtetet e saj anëtare për të parë nëse të gjithë elementët e planit Ahtisari janë marrë parasysh, e veçanërisht mbrojtja e pakicave", deklaroi ai për gazetarët në Vjenë. Një shumicë e shteteve të BE-së, ndër të cilat Austria, është në parim pro një njohjeje të pavarësisë së Kosovës, e cila mund të shpallet pak përpara një takimitë ministrave të Jashtëm të 27-shes, më 18 shkurt në Bruksel. Nëse Kushtetuta e ardhshme e Kosovës parashikon konform planit të ndërmjetësit të OKB-së, Marti Ahtisari dhe të mbështetur nga BE-ja një "shoqëri multietnike", nuk është përcaktuar ende nëse referimi ndaj pakicave do të figurojë ose jo në këtë tekst të shpalljes së pavarësisë.

NATO

Trupat e NATO-s kanë mandatin për të qëndruar dhe ndërhyrë në Kosovë për të garantuar sigurinë atje pas shpalljes së pritshme të pavarësisë, tha dje Sekretari i Përgjithshëm i NATO-s, Jaap de Hoop Scheffer. Ministrat e Mbrojtjes së bllokut ushtarak ranë dakord në bisedimet e zhvilluara në Lituani se rezoluta 1244 e Këshillit të Sigurimit të Kombeve të Bashkuara do të vazhdojë të justifikojë praninë e trupavetë NATO-s në Kosovë, nëse shqiptarët e Kosovës shpallin pavarësinë, e cila pritet brenda disa javësh.

Vendetkryesore të perëndimitkanë treguar se ata do ta mbështesin një veprim të tillë.

"Po, rezoluta 1244 është parimi bazë dhe ne do të mbajmë këtë parim të pranisë së NATO-s", tha de Hoop Scheffer në një konferencë shtypi. De hoop Scheffer tha gjithashtu se NATO do të kishte rol në trajnimin e një force të ardhshme sigurimi në Kosovë, por tha se një veprimi të tillë do t'i duhet të presë deri në zgjidhjen përfundimtare të statusit të Kosovës. "Do të ketë një rol të NATO-s atje ...sigurisht NATO do të ketë përgjegjësinëpasitë kemi statusin e Kosovës", tha ai .