Shkup - Një burrë mostër është arrestuar sot nga policia në Shkup, pasi ai përdhunonte sistematikisht të bijën prej dy vitesh. Denoncimi ndaj mostrës është bërë nga gruaja e tij, nëna e viktimës, pasi ajo kishte konstatuar shtatzëninë e vajzës së saj si pasojë e incestit.

Policia arriti të arrestojë menjëherë “babain” 37-vjeçar, ndërsa gjykata vendosi arrestin me burg ndaj tij.

Tmerri për vajzën kishte nisur në vitin 2007, kur i ati e kishte përdhunuar për herë të parë. Më pas ai e bënte këtë akt vazhdimisht, duke e kërcënuar të bijën se do ta vriste nëse ajo do të tregonte.

Mjekësia ligjore konstatoi se vajza ishte përdhunuar nga i ati i saj dhe priste një fëmije, si pasojë e marrëdhënieve të incestit.
START