[b]Shkruar nga Elton Tafaruçi [/b]
[b]Entela Prifti zëvendësohet nga gjyqtari Petraq Dhimitri
[/b]Grabitja e shtëpisë i kushton Kolegjit Zgjedhor një gjyqtare. Anëtares Entela Prifti, që në të njëjtën kohë është edhe kryetare e Gjykatës së Apelit të Korçës, i është grabitur shtëpia në orët e para të mëngjesit të djeshëm. Për këtë motiv ajo ka dhënë dorëheqjen dhe është larguar nga trupa e Kolegjit Zgjedhor. Vendin e Entela Prifit në Kolegjin Zgjedhor, i cili shqyrtoi kërkesë-padinë e Partinë Socialiste për qarkun e Tiranës, e zuri gjyqtari tjetër, Petraq Dhimitri.
[b]Ngjarja[/b]
Burime nga policia e Korçës bëjnë të ditur se ngjarja e rëndë ka ndodhur mbrëmjen e djeshme, ku persona të armatosur kanë hyrë me dhunë në një banesë në katin e gjashtë të një pallati në qytetin e Korçës. Banesa i përkiste pikërisht gjyqtares Prifti. Autori i grabitjes arriti të hyjë në banesë nëpërmjet tarracës së pallatit.
[b]Arrestimi [/b]
Ndërkohë policia ka mbërritur menjëherë në vendngjarje dhe ka nisur hetimet e saj për zbulimin e autorit. Nëpërmjet punës operative të agjentëve, vetëm pas disa orësh ajo ka arritur të vërë në pranga autorin. Sipas njoftimit të policisë, mësohet se autori i grabitjes është Daniel Dauti, 20-vjeç, lindur dhe banues në lagjen Nr.10 Korçë, me gjendje gjyqësore i dënuar më parë për veprën penale të “vjedhjes” thanë burime policore. Sipas policisë, ka rezultuar se Daniel Dauti është dhe autor i vjedhjes së lokal “Mostra” në pronësi të shtetasit Elton Lesko, ngjarje e ndodhur më datë 5 korrik të këtij viti në qytetin e Korçës.
tirana obserwer