Interesat e disa biznesmenëve janë lidhur ngushtë me interesat e disa drejtuesve të lartë të Shtetit. Konkretisht të Bashkisë dhe Kreut të Shtetit sa nuk kursejnë asnjë hallkë të administratës shtetërore për ta përdorur dhe vënë në shërbimin e tyre. Rasti më tipik është ai i konfliktit të krijuar një javë më parë ne mes të Tiranës ku Ministra e Punëve publike u pengua nga Bashkia e Tiranës për të ndërtuar një lulishte në një zonë, e cila prej vitesh ishte kthyer në një “kosh plehrash”.
Ministria urdhëroi ndërtimin e një lulishte në një hapësirë publike por hasi në kundërshtinë e Bashkisë së Tiranës, e cila me anë të Policisë Bashkiake u përpoq të pengonte ndërtimin e lulishtes duke dalë jashtë kompetencave që i jep ligji. Për të zgjidhur këtë konflikt qeveria u detyruar të kërkonte ndërhyrjen e Policisë së Shteti, por rezistenca e Bashkisë për të mbrojtur vendimin e saj të pa drejt, solli dhe përplasjen fizike mes dy policive asaj të shteti dhe të Policisë Bashkiake. Incident që shënon një minus për institucionet shqiptare, të cilat duhet ti zgjidhin problemet nëpërmjet ligjit dhe jo të përplasin fizikisht të dy policitë, të cilat zbatojnë vetëm urdhrat e eprorëve. Në mandatin e fundit si kryetar Bashkie Rama ka nisur të shkelë ligjin me “të dyja këmbët”, duke krijuar një kaos institucional në lidhje me funksionimin e shtetit, për të mbrojtur interesat e tij private dhe të miqve të tij biznesmen siç ishte rasti në mes të Tiranës. Rama detyron Policinë Bashkiake të dalë jashtë kompetencave të saj ligjore duke u vënë në shërbim të një biznesmeni duke mbrojtur pronën që ai pretendon se e ka të tijën. Një pronë shtetërore e vërtetuar kjo edhe nga AKKP-ja me dokumente të sakta se nuk ka pronarë. Por problemi nuk është këtu, nonsensi i gjithë kësaj është fakti se institucionet në këtë vend nuk po respektojnë ligjet dhe rregullat e shtetit por interesat dhe tekat e caktuara të një biznesmeni. Këtu Bashkia e kryeqytetit është në shërbim të biznesmenëve të caktuar nga të cilët merr paratë dhe ju jep leje ndërtimi me dokumente të parregullta, këtu Presidenti është në shërbim në një kryetari partia dhe mbron pazaret dhe bizneset që ai bën, prokuroria hesht para shkelësve të ligjit dhe gjykatat marrin vendime që nuk mund të mendohen në një shtet demokratik, vendime të cilat merren në favor të interesave të njerëzve të caktuar, të cilët për interesa të tyre dhe të klaneve të caktuara mbajnë pozicione të larta drejtuese. Në cilin vend tjetër është parë që kryebashkiaku i një vendi urdhëron policinë e institucionit të tij, siç ndodhi me Policinë Bashkiake, të konfrontohet me Policinë e Shteti se i është prekur interesi i ndërtimit kryetarit. Kjo nuk është hera e parë që Bashkia e Tiranës përplaset me qeverinë pasi i janë prekur interesat e tij, kjo ka ndodhur disa herë pasi interesat e bashkisë janë prekur nga qeveria e cila nuk ka lënë që të ndërtohet dhe jepen leje ndërtimi në Tiranë sipas qejfit të kryebashkiakut, i cili ka kënaqur interesat e disa biznesmenëve te caktuar. Rastet janë të shumta mjafton tu kujtojmë shqiptareve konfliktin tek Zogu i Zi, debatin për unazën e madhe të Tiranës, projektin për qendrën e kryeqytetit e shumë e shumë raste të tjera.
SOT