Nuk mund t’a mbulojë pluhuri I harresës kohën që jetuam në rininë tonë, por kjo kohë që jetojmë sot është krejt ndryshe. Teknollogjia dhe shkencat kanë sjellë ndryshime e përparime të mëdha. Cilësia e jetës po rritet çdo
ditë, pikërisht falë këtyre teknologjive. Kjo po ndodh sot me shpejtësi edhe në Shqipëri me reformat e guximshme që po zbaton qeveria Berisha. “Shqipëria në moshën dixhitale është detyrimi më madhor në programin e qeverisë, si leva e Arkimedit për të pasur një Shqipëri tjetër, qindra herë më transparente dhe më të shpejtë, se Shqipëria e sotme”, theksoi z.Berisha pak ditë më parë.

Sot dixhitalizimi, me reformat e suksesëshme që po zbatohen, po shtrihet në të gjitha aspektet e jetës në Shqipëri. Nga mandati qeverisës që kaloi, u arrit vendosja e kabineteve të informatikës në të gjitha shkollat e vendit tonë. U instalua sinjali i internetit në çdo shkollë, duke dhënë mundësi reale për çdo nxënës e mësues për të qenë pranë me botën e informacionit. Sot në çdo shkollë në Shqipëri, kemi kompjutera në kopshtet e fëmijëve, në sallat e mësuesve dhe në drejtoritë e shkollave. Janë shpërndarë laptopë dhe projektorë, me të cilët mund
të konkretizohen temat e mësimit në të gjitha lëndët. Është detyrë e mësuesve që të pregatisim module mësimore, për t’i bërë orët e mësimit tërheqëse për nxënësit, të cilët janë aq shumë kureshtarë. Para
këtij realiteti është për të ardhur keq, se ka mësues që kanë mbetur të stopuar, pasi nuk dinë t’i përdorin këto mjete. Kjo gjëndje është e papranueshme dhe duhet ndryshuar urgjentisht.

Pak ditë më parë z. Berisha theksoi se: “Bota dixhitale, është një univers i tërë. Kjo kërkon të mendojmë çdo ditë për të”. Është në programin e kësaj qeverie që dixhitalizimi të shtrihet në të gjitha aspektet e jetës në të gjithë vendin tonë. Kreu i qeverisë shprehet për dixhitalizimin e të gjitha procedurave dhe ngritjen e kabineteve të IT-së në të gjitha institucionet, duke planifikuar në buxhetin e vitit 2010 të gjitha projektet e IT-së. Kështu dixhitalizimi do të shtrihet në të gjitha aspektet jetësore, duke nisur nga ndihma ekonomike, arkivi i trashëgimisë kulturore, në çdo qelizë të arsimit dhe të shëndetësisë, zyrat e regjistrimit të pasurive, agjencinë e kthimit dhe kompensimit të
pronave, në sistemin gjyqësor, regjistrimin e tokave e të pronave, në porte e aeroporte, etj.

Gjithë ky investim do ti japë një dimension të ri jetës së qytetarëve të këtij vendi. Aty ku informacioni i nevojshëm për qytetarin lëviz me shpejtësi, e gjithë jeta lëviz gjithashtu. Qytetarët kursejnë kohën dhe sigurohen për marrjen e vendimeve me rëndësi për jetën e tyre, pra ecet drejt zhvillimit. Kjo arrihet në sajë të dixhitalizimit të proçeseve ku qytetarët kërkojnë informacion. Kjo është dhe mënyra për të bërë efikas luftën kundër korrupsionit. Qytetarët nuk do të paguajn më nën dorë për një informacion dhe nuk do humbim kohë në sportele.
“Nuk ka interes më të madh për qytetarin shqiptar të shkojë në një sportel të vetëm dhe të marrë përgjigje për çdo gjë aty, të mos vijë aspak në dyert e ministrive, por të ketë një sportel në qytetin e tij, me të cilin ai komunikon me të gjithë qelizat e shtetit, merr çdo dokument, përgjigje a sqarim që i duhet. Nuk ka mënyrë më
eficente të përdorimit të taksave të qytetarëve shqiptarë, sesa t’ia konvertojmë ato në një shërbim të tillë”, theksoi kryeministri.

Tani është detyra jonë e përditëshme, si qytetar, që t’i ngjajmë kohës.Çdo qytetar, i vjetër apo i ri, duhet të punojë me vullnet për të njohur e përdorur këtë teknologji. Me këtë dua t’ju them të gjithë bashkeqytetarëve të mij, se me vullnet arrihet çdo gjë, pra është e nevojshme, që t’i ngjajm kohës së re, të moshës dixhitale, për të qenë dinjitoz para këtij realiteti në shoqërin e re europiane.

Bashkim LAMI

Shënim: Është diskutimi që u mbajt nga autori në analizën vjetore të DAR Qarkut TIRANË
dhe është botuar ne gazeten “Mesuesi” dt.4 nentor2009, faqe12;
dhe ne gazeten “Rilindja Demokratike” dt.8 nentor 2009, faqe10.