Kryetari i Bashkisë fillon bllokimin e shërbimeve për qytetarët nëpërmjet bashkive

Kryetari i Bashkisë së Tiranës dhe i Partisë Socialiste, Edi Rama ka urdhëruar edhe një herë punonjësit e bashkisë, për të protestuar kundër qeverisë në emër të autonomisë vendore. Një grup punonjësish të Bashkisë së Tiranës kanë protestuar dje ndaj qeverisë dhe qëndrimin e saj në raport më pushtetin vendor. Kjo nismë bëhet në kuadër të paralajmërimit të Ramës, se vendorët do të protestojnë deri në bllokim të shërbimeve për ndërhyrjet e qeverisë.

“Ne, nëpunësit dhe punëtorët e Bashkisë së Tiranës kërkojmë sot vëmendjen e opinionit publik shqiptar dhe partnerëve ndërkombëtarë, mbi kulminacionin e një fushate akuzash e shpifjesh që prej vitesh të tëra lëshohen drejt Bashkisë së Tiranës, ndërmarrjeve të saj të varësisë, punonjësve dhe drejtuesve të saj, duke marrë përmasa poshtëruese për të gjithë ne, ditët e fundit. Ne jemi ata që pastrojmë çdo natë Tiranën, që ndërtojmë e mirëmbajmë çerdhet, kopshtet e shkollat dhe mikpresim çdo vit në dyert e Bashkisë, individualisht 70 mijë qytetarë në vit”, janë shprehur punëtorët e bashkisë. Të diktuar nga Rama, ato kanë paralajmëruar përshkallëzim të protestave, nesh qeveria nuk heq dorë nga presionet dhe dhunimi ndaj pushteti vendor. “Ne jemi ata që përmes punës shpeshherë pa orar dhe përkushtimit ndaj detyrës, ndërtojmë çdo ditë Tiranën që duan të gjithë, por fatkeqësisht jemi gjithashtu ne, që kur kthehemi në shtëpi, duhet të dëgjojmë nga ekranet e televizorëve akuza monstruoze që na prekin të gjithëve, të cilat prej vitesh na kanë trazuar shpirtërisht e madje familjarisht. Dinjiteti ynë njerëzor, dinjiteti ynë profesional, dinjiteti ynë si nëpunës të shtetit shqiptar, në një institucion të këtij shteti, është cenuar thellësisht dhe durimi ynë ka sosur”, kanë theksuar punëtorët e bashkisë.

Kërkesat
Gjatë protestës së tyre, punëtorët e bashkisë kanë kërkuar ndaljen e agresionit të patolerueshëm verbal, të akuzave ekstreme e të shpifjeve vulgare ndaj pushtetit vendor që ne përfaqësojmë, nga ana e qeverisë qendrore. “Sensibilizimin e opinionit publik mbi karakterin antikushtetues, antiligjor, antiqytetar, madje antinjerëzor të kësaj përbaltjeje që në fakt godet çdonjërin nga ne, 2633 të padukshmit që cenohemi në punën, në dinjitetin e në familjen tonë. Informimin e të gjithë trupit diplomatik në Shqipëri dhe organizmave të tjera ndërkombëtare, mbi shkeljet flagrante të përditshme të lirive e të të drejtave tona si njerëz që shohim e bëjmë punën tonë, e cila është sot e kushtëzuar edhe nga shkelje të pajustifikueshme të Kushtetutës e të Kartës së Autonomisë Vendore”, u shprehen ato.

Rama kërkon të destabilizojë situatën
Pas dështimit me protestat popullore dhe pas qëndrimit të fortë nga ana e Berishës, Kryetarit të Partisë Socialiste, Edi Rama, karta e fundit i ka mbetur bashkia dhe përdorimi i saj. Kështu, për të destabilizuar situatën në vend, Rama fillimisht po nisë punën me pushtetin vendor një pjesë të të cilit e ka vetë nën komandë. Brenda muajit dhjetor Rama do të mbledhë të gjithë kryetarët e njësive vendore dhe të bashkive që drejtohen nga PS-ja dhe do t’u kërkojë që të paralizojnë punën në institucionet e tyre duke mos u shërbyer qytetarëve që i kanë votuar duke mos ofruar asnjë shërbim publik. Gjithashtu do të manipulojë studentët duke u përpjekur të organizojë protesta që të bojkotojnë mësimin dhe arsyet po përgatitet po njëra prej tyre mund të jenë diplomat të nivelit DND, apo me rritjen e pagesave për disa degë. Do përpiqet të bllokojë shërbimin publik kryesisht në Tiranë duke paralizuar qarkullimin e autobusëve dhe taksive që shërbejnë në kryeqytet dhe janë në varësi të bashkisë së Tiranës. Do ti bëjë thirrje biznesit të vogël që të mos paguajë taksat vjetore. Në këtë protestë kryetari i PS-së dhe i bashkisë Rama do të përpiqet që pjesë e destabilizimit të tij të jenë edhe ish-ushtarakët duke i nxjerrë në rrugë që të protestojnë për pensionet e tyre. Do tu kërkojë minatorëve që të bllokojnë punën në miniera pasi disa shoqata janë bërë pjesë e bashkëpunimit të tij politik si dhe do të nxisë qytetarët që të marrin asistencë sociale të ngrihen në protestë, po ashtu edhe tetraplegjikeve dhe paraplegjikëve do tu hiqet trajtimi me qëllim që ti nxisë dhe ato në protesta.

Destabilizimi, për të njollosur imazhin e vendit
Destabilizimin e vendit Rama po e praktikon për dy qëllime: Së pari për të harruar humbjen, pasi në një situatë të qetë baza dhe deputetët socialistë do t’i kërkonin llogari për humbjen e zgjedhjeve të 28 qershorit, humbje të cilën ai deri më tani është përpjekur tua faturojë të tjerëve dhe duke ia lënë në kurriz bazës nga e cila ka nisur të bëjë edhe spastrimet e para ndëshkuese. Së dyti destabilizimi i situatës politike në vend duket se është e vetmja mundësi e kryetarit të PS-së për të tërhequr edhe vëmendjen e ndërkombëtarëve, të cilët deri më tani në çdo dalje të tyre publike ku është përmendur çështje e Shqipërisë kanë kritikuar qëndrimin e tij dhe i kanë kërkuar që të behët pjesë e Kuvendit.



sot