uksel – Pas liberalizimit të vizave për tre shtete ballkanike, komisioneri evropian për Çështjet e Drejtësisë, Jacques Barro deklaroi se Shqipëria dhe Bosnjë Hercegovina shumë shpejt do të përfitojnë nga ku proces.Ai tha se jemi në një moment shumë të bukur dhe se Lisbona ishte një sukses për qytetarët evropiane, duke shtuar se liberalizimi i vizave ka të njejtën rendësi për qytetarët e Ballkanit.

“Ne po bëjmë ç’është e mundur për të dërguar ekspertët në kohën e dëshiruar, gjatë vitit 2010. Gjithçka më bën të mendoj se ky dialog i vizave do të arrihet. Ne jemi gati ta ndihmojmë Shqipërinë, ashtu sikundër dhe Bosnjën, që t'i përmbushin mirë kriteret e nevojshme”, u shpreh Barrot.

Ai bëri të ditur se misionet e ekspertëve do të vlerësojnë në terren punën e bërë nga dy vendet, Shqipëria dhe Bosnja, mision i cili do të filloj tani në dhjetor dhe do të zgjasë deri në shkurt të vitit 2010. Kriteret kryesore në udhërrëfyesit e liberalizimit të vizave, kanë të bëjnë me kontrollin kufitar, sigurinë e pasaportave, korrupsioni dhe lufta ndaj krimit të organizuar si dhe të drejtat themelore.

start