Heroi që shmangu pushtimin e Stalingradit dhe avionët që sulmuan Japoninë, u shitën si ngjarje shqiptare

Disa ditë më parë Posta Shqiptare prezantoi dy pulla poste me rastin e 65 vjetorit të Çlirimit të Shqipërisë. Nga ky institucion, me mburrje u theksua se në këto pulla pasqyrohet mundi i partizanëve shqiptar përball okupatorëve të huaj. Sipas dizenjuesve të kësaj pulle dhe drejtuesve të Postës Shqiptare, në këto pulla janë dëshmuar një partizan në krye të batalionit dhe në një tjetër pullë janë një skuadrilje naziste duke bombarduar në mënyrë çnjerëzore çdo sipërfaqe ku

dyshohej se fshiheshin partizanë. Askush nuk mund të mohojë sakrificën dhe vetëflijimin e partizanëve shqiptar në mbrojtje të vendit, madje nuk mund të mohohen as bombardimet çnjerëzore nga ajri të skuadriljeve naziste. Por në këtë rast duket se këto fakte janë mohuar nga drejtuesit dhe dizenjuesit e Postës Shqiptare, të cilët kanë shmangur dëshmitë e Luftës Nacional Çlirimtare dhe duke e ilustruar atë me dëshmi dhe fakte nga vende të tjera, të cilat nuk kanë asnjë lidhje me atë që kanë dashur drejtuesit e Postës Shqipëtare për të përciell. Në njërën prej pullat është vendosu një gjeneral sovjetik, fama e të cilit është e përhapur në të gjithë Rusinë dhe Ukrainën. Alexei Yeremenko, një ish-gjeneral dhe Marshall sovjetik ka marrë cilësitë e një partizani shqiptar. Të paktën të ishte gjetur ndonjë fihurë më pak e njohur, që opinioni publik dhe pritësit e zarfeve me këto pulla, mos të dallojnë se kush qëndron pas kësaj pulle, e cila mban mbishkrimin e 65 vjetorit të Çlirimit të Shqipërisë. Nëse në këtë rast mund të bëhet një lidhje duke qenë se më pas Bashkimi Sovjetik kishte për pak kohë marrëdhënie me vendin tonë, dhe drejtuesit e Postës Shqiptare mund ta justifikojnë me faktin se e kanë bërë për shenjë mirënjohje ndaj Rusisë duke e transformuar heroin e tyre kombëtar në një partizan shqiptar. Më flagrantja qëndron në një tjetër pullë, ku tregohen se si skuadriljet naziste po bombardojnë vendin tonë. Një sy i mprehtë mund të dallojë shenjat në këto avionë dhe pas një kërkimi të thjeshtë do të nxjerrë edhe origjinën e fotos. Ndonëse ata avionë janë cilësuar si skuadrilje naziste, nuk është ashtu. Pas një kërkimi nga ana e gazetës rezultoi se bëhet fjalë për një skuadrilje amerikane e cila në korrik të vitit 1945 ka bombarduar mbi Hokadate në Japoni. Edhe për këtë skenë është përfolur shumë. Pasi fotoja e përdorur nga Posta Shqiptare është përdorur nga shumë historianë dhe studiues në botimet e tyre. Si dhe në të gjitha enciklopeditë, kjo foto është sqaruar në mënyrë të detajuar. Si përfundim, në këto foto i vetmi detaj që ka lidhje me 65 vjetorin e Çlirimit të Shqipërisë është gjysma e shqiponjës dykrenarëshe dhe mbishkrimi i vendosur nga Posta Shqiptare, që fatmirësisht nuk është as në rusisht dhe as në anglisht.

Yeremenko në krah të Nikita Krushovit mbrojti Stalingradin
Duket pak e habitshme se si një nga heronjtë e Luftës së Dytë Botërore të përdoret si një partizan shqiptar dhe për më tepër të vendoset në një pullë poste, që mund të shkojë në Rusi si dhe Ukrainë ku fama e Alexei Yeremenko është e shpërndarë në çdo cep. Personi që u shit si partizan shqiptar dhe që ul vlerat e partizanëve shqiptar duke treguar se ne nuk kemi figura që mund të vendosim në pulla apo tjetër kënd, është personi që në krah të Nikita Krushovit bëri mbrojtjen e Stalingradit gjatë Luftës së Dytë Botërore. Alexei Yeremenko u lind më 14 tetor 1892 në një fshat të Ukrainës dhe ka vdekur më 19 nëntor, 1970, urna me hirin e tij është varrosur në Kremlin. Alexei Yeremenko ishte një gjeneral sovjetik gjatë Luftës së Dytë Botërore dhe më pas Marshalli i Bashkimit Sovjetik. Në 1940, Yeremenko ishte vendosur në komandën e Trupave 6 kalorësi, i cili ishte përgjegjës për pushtimin e Lindore Polonia, si pjesë e Paktit Molotov-Ribbentrop. Tetë ditë pas pushtimit, Yeremenko u tërhoq në Moskë, ku ai u bë komandanti i UD në Frontin Perëndimor Sovjetik, dy ditë pas Komandanti i saj i Përgjithshëm të Ushtrisë Pavlov Dimitri, u ekzekutua për paaftësi dhe vendin e tij e zuri Yeremenko. Në janar 1942, Yeremenko u emërua komandant i ushtrisë Shock 4, pjesë e Frontit Veri-Perëndimore. Stalini i dha Yeremenkos komandën e Frontit Juglindore, më 1 gusht, 1942, ku ai vazhdoi mbrojtjen kundër ofensiva gjermane në Kaukaz, Operacioni Blau. Yeremenko dhe Nikita Krushov planifikuar mbrojtjen e Stalingradit. Gjatë operacionit Urani, në nëntor 1942, forcat e Yeremenkos ndihmuan rrethojnë 6 ushtrisë gjermane, e cila u shkatërrua përfundimisht në betejën e Stalingradit. Më 26 mars, 1945, Yeremenko u transferua në komandën e Frontit 4 ukrainas, njësi e kontrolluar nga ai deri në fund të luftës. Pas luftës, Yeremenko kishte tre komanda të mëdha: në mes të 1945-1946, ai ishte komandanti i përgjithshëm i Qarkut Ushtarak Karpate, nga 1946-1952 ai ishte Komandant i përgjithshëm i Qarkut Ushtarak siberian Perëndimor, dhe nga 1953-1958 ai ishte Komandanti i përgjithshëm i Qarkut Ushtarak Kaukazit të Veriut. Më 11 mars, 1955, Yeremenko, së bashku me pesë komandantë të tjera të rëndësishëm, iu dha gradën e Marshalli e Bashkimit Sovjetik. Ai ishte bërë Inspektorit të Përgjithshëm për Ministrinë e Mbrojtjes në vitin 1958, një rol kryesisht ceremonial që lejohet Yeremenko të dalin në pension të njëjtin vit.

Skuadrilja bombarduese mbi Hokadate në Japoni më 1945
Pulla e radhës që paraqet një skuadrilje bombarduesish që sipas dizenjuesve të kësaj pulle dhe drejtuesve të Postës Shqiptare, përfaqësojnë një skuadrilje të avionëve gjerman duke bombarduar në mënyrë çnjerëzore Shqipërinë. Dhe përpos këtyre bombardimeve u arrit të mbijetohej. Askush nuk mund të mohojë bombardimet e skuadriljeve naziste mbi Shqipërinë, të cilat bombardonin çdo pjesë toke ku mendohej se strehoheshin partizanë. Por mesa duket ky fakt është mohuar nga Posta Shqiptare e cila në pullën e saj ajo paraqet një grup avionësh që po bombardojnë, por jo Shqipërinë por Japoninë. Kjo është një foto e realizuar nga shërbimi fotografik ushtarak amerikan dhe paraqet një skuadrilje bombarduesish amerikanë gjatë një inkursioni mbi qytetin Hokadate në Japoni në korrik 1945. Kjo është një nga qindra foto të realizuara gjatë sulmit amerikanë mbi Japoninë. Të paktën këto pulla mos të ishin nxjerrë në qarkullim me rastin e 65 vjetorit të çlirimit, pasi jo që nuk u nderuan dëshmorët e heronjtë e kombit për çlirimin e Shqipërisë, por për më tepër i ulet imazhi vendit tonë duke e prezantuar me pamje të cilat kanë qenë në fokus të historisë së dy vendeve që u përkasin.

Romir Saraçi



sot