Tiranë – Deputeti Blendi Klosi shprehet se është kundër bojkotit të opozitës, duke theksuar se ky bojkot do t’i shërbente më shumë Sali Berishës.
Klosi, njëkohësisht edhe sekretar organizativ i PS-së, mendon se bojkoti i ka dhënë frytet e tij.

"Sali Berisha është më i interesuar se kush, që ne të jemi jashtë parlamentit, që opozita shqiptare të mos bëjë jetën e saj reale, sepse kjo mënyre qoftë dhe ballafaqimi dy ditor tregoi shumë e shumë probleme që kjo qeveri ka. Prandaj mendoj që gjithë këtë kosto Sali Berisha e merr mbi vete. Bojkoti i ka dhënë frytet e tij, PS tashmë ndihet shumë më në kauzën e saj, shumë herë më e fortë për sa i përket raportit me këdo”, tha Klosi për mediat.

Ai shtoi se nuk ka më shqiptarë që të mos besojë se zgjedhjet janë vjedhur dhe se e vërteta e kutive mban Sali Berishën kryeministër. Gjatë së shtunës pritet të mblidhet Asambleja Kombëtare e PS-së, nga ku do të diskutohet për protestat që pritet të zhvillohen gjatë muajit prill.

“Ne jemi në fazën e përgatitjes së ndryshimeve në statut, të cilat do të jenë pjesë e diskutimit të brendshëm të jetës së partisë. Kemi dhe një kongres që do të miratojë këto ndryshime në statut, në një moment të caktuar që asambleja do ta përcaktojë", shpreh Klosi.
start