Sarandë – Dhjetëra ndërtime pa leje kanë nisur të prishen sot në zonën e Ksamilit në rrethin e Sarandës. Drejtori i Inspektoratit Kombëtar të Ndërtimit, Gjergj Bojaxhi, i cili po drejton nga afër prishjet, është shprehur se aksioni do të vazhdojë edhe në Himarë.

Aksioni është ndërmarrë pasi është shqyrtuar dokumentacioni i plotë i ndërtimeve dhe me bashkëpunimin me zyrën e ALUIZNI-it.

Gjatë ditës së sotme do të shemben 260 ndërtime pa leje, aksion i cili po shoqërohet edhe me forcat e rendit. Duket se procesi ka vijuar pa probleme, pasi nuk ka pasur kundërshtime të mëdha nga ana e banorëve. Ndërtimet që do të prishen janë banesa private, hotele, etj.
start