Rozeta Rapushi
Mbyllet me grushte, sesioni parlamentar, ku te "lenduar" mbeten jo vetem deputetet por edhe efektivat e gardes. Ne diten e fundit te punes per kete sesion, deputetet nuk munden ta kalonin pa fyerje, debate dhe grushte. Nismetar i ketij sherri ishte deputeti socialist Brace, qe me nje shishe plastike ne dore ka fyer kryetaren e Kuvendit, duke sjelle dhe tere debatin, qe perfundoi ne perplasje fizike. Votimi nen per nen i ndryshimeve ne buxhetin e shtetit per kete vit, ishte shkaku i perplasjeve fizike te radhes mes pozites dhe opozites. Mbyllja e diskutimeve nga Kryetarja e Kuvendit, Jozefina Topalli dhe kalimi per votimin nen per nen dhe ne teresi te shkurtimeve ne buxhet, solli reagimin e ashper te opozites ne salle. Deputetet e opozites te udhehequr nga Sajmir Tahiri dhe Erjon Brace, u ngriten ne kembe, duke protestuar para podiumit te ministrave, per fjalen e nderprere. Situata u acarua, kur Brace me nje shishe uji bosh ne dore, po kercenonte Topallin per nderprerjen e fjales, ku nuk munguan edhe fjalet fyese, dhe per paaftesi ndaj kryetares. Grumbullimi i deputeteve ne qender te salles, acaroi me teper situaten ku filluan te shtynin dhe gjuanin efektivat e gardes. Kaq mjaftoi te deputetet te konfrontohen fizikisht mes tyre dhe gardes. Deputeti demokrat, Lefter Maliqi, u pa i pari te sulmonte fizikisht deputetin socialist Brace, nderkohe qe ne ndihme te tij, socialisti Gjovalin Kadeli u kunderpergjigj, por pa mundur te godase demokratin, por efektivat e Gardes. Situata u qetesua vetem pas disa minutash, fale nderprerjes se Kuvendit, si dhe te nderhyrjes se punonjesve te gardes. Pas ketij sherri ne grup, Kuvendi mundi te miratoje me 75 vota pro dhe asnje kunder, ndryshimet ne buxhetin e shtetit per kete vit, qe parashikojne shkurtim te shpenzimeve. Opozita braktisi votimin dhe kete here. "Eshte seanca e fundit me kalendarin e buxhetit. Cdo projektligj i seances se fundit te 22 korrikut, do te mbartet dhe do te jete ne rend dite, ne sesionin e ardhshem", tha Topalli. Ne diskutimet per buxhetin, Ministri i Financave, Ridvan Bode, tha se ndryshimet ne buxhet, nuk kane sjelle shkurtim te fatures sociale, duke theksuar se kjo fature eshte 40 % me e larte ne rajon, ne raport me prodhimin e brendshem bruto dhe eshte dyfishuar ne raport me te faturen sociale te periudhes se qeverisjes socialiste. "Buxheti konfirmon rritjen e pagave dhe pensioneve ne masen me te madhe, qe eshte realizuar ne periudhen e qeverisjes suaj,", tha Ministri Bode, duke theksuar se fondi per ndihmen ekonomike eshte dy here me i larte se ne vitin 2004, qe socialistet e cilesojne si vitin me te mire per kete ceshtje. Deputetet e opozites e kundershtuan ne seancen plenare kete projektbuxhet, me argumentin se permes tij, ulet fatura financiare dhe sociale per qytetaret, akuzuan qeverine per mosmenaxhim te mire te financave publike dhe nuk moren pjese ne miratimin e 16 neneve te tij. Gjate replikave per Buxhetin pati dhe acarime mes deputeteve te PD e PS qe degjeneruan deri ne konflikt fizik. Pas kalimit te shkurtimeve ne buxhet Topalli deklaroi dhe perfundimin e seances parlamentare per kete sesion legjislativ. Shtyhen per ne shtator "SHISH" dhe Kodi Penal e Civil Shume projektligje te rendesishme te diskutuara dhe debatuara gjate ne Kuvend, do te diskutohen dhe debatohen ne shtator, ne sesionin e ri parlamentar. Mes tyre, eshte edhe projekti me i debatueshem per ndryshimet ne Sherbimin Informativ Shteteror, i cili eshte kthyer ne molle sherri mes mazhorances dhe opozites. Pervec tij, per ne shtator shtyhen edhe disa projektligje te cilat kerkojne shumice te cilesuar te votave, 84 si ndryshime ne Kodin Penal dhe Civil, apo projektligji i shumeperfolur per Gjykaten Administrative. Per ne vjeshte, shtyhet edhe reforma zgjedhore. Perplasja Grushte ne Kuvend, ne seancen e fundit per sesionin e dyte parlamentar. Deputetet u perplasen gjate votimit nen per nen dhe ne parim te buxhetit te shtetit 2010, duke degjeneruar deri ne grushte ndaj njeri-tjetrit.

koha jone