Taksa e shitjes së makinave, formula e llogarisjes

Teuta Shamku

Makinat e targuara, si llogariten taksat në shitjen e tyre

Nëse ke një makinë të vjetër dhe kërkon ta shesësh për të blerë një më të re, duhet të mendohesh mirë se taksa që i detyrohesh shtetit, është e konsiderueshme. Madje, sa më e vjetër të jetë makina në vit-prodhimin e saj, aq me e lartë është taksa që paguan. Taksë paguhet në rastin kur makinën e ke të targuar dhe kërkon ta shesësh tek një blerës tjetër, por edhe në rastin kur makina vjen nga importi. Llogaritja e taksës që duhet të paguajë çdo individ, i cili kërkon të shesë një makinë bëhet mbi bazën e një formule të bazuar në vitin e prodhimit, në vitin e importit dhe fuqisë motorike të automjetit. Po ashtu, llogaritja ndryshon kur një automjet është futur në Shqipëri vite më parë dhe është paguar doganë për të, në shitje taksa llogaritet edhe mbi bazën e doganës së paguan në vitin e që është importuar. Me hyrjen në fuqi të ligjit për taksimin e shitjes së makinave, këtij ligji i nënshtrohen si makinat e importuara që hyjnë në territorin tonë, ashtu edhe makinat që janë të targuara me vite dhe janë shitur nga një blerës tek një tjetër.

Taksa e mjeteve të përdorura të transportit

Taksa e mjeteve të përdorura të transportit llogaritet si më poshtë:

Cilindrata në cm³ x koeficienti fiks për çdo vit përdorimi x taksa fikse për llojin e karburantit. Taksa fikse për llojin e karburantit është 25 lekë për naftën dhe 20 lekë për benzinën. Koeficienti për vitet e përdorimit është: a) për autoveturat (e kreut 8703): 0,5 për çdo vit përdorimi; b) për mjetet e tjera (të Kapitullit 87): 0,25 për çdo vit përdorimi.

“Vit përdorimi” është diferenca ndërmjet vitit, kur mjeti hidhet në qarkullim të lirë në territorin doganor të Republikës së Shqipërisë me vitin e prodhimit. Detyrimin për pagimin e taksës e ka importuesi në çastin e importimit dhe shitësi në rastin e shitjes brenda vendit. Drejtoritë Rajonale të Shërbimeve të Transportit Rrugor llogarisin taksën dhe e derdhin atë në organet tatimore.

Mënyra e llogaritjes së taksës së mjetit të përdorur të transportit, në vitin 2010 dhe në vitet në vijim. Për të gjitha mjetet e përdorura të transportit (të kapitullit 87 të NKM) që importohen pas hyrjes në fuqi të ligjit dhe shitjet që do të pësojnë këto mjete brenda vendit, taksa e mjetit të përdorur të transportit do të llogaritet me formulën e përcaktuar me ligjin 5037. Në rastin e importimit: Cilindrata në cm³ x koeficienti fiks për çdo vit përdorimi x taksa fikse për llojin e karburantit. Në rastin e shitjeve brenda vendit: Taksa për t’u paguar në momentin e shitjes = taksa e mjetit të përdorur të transportit në vitin e shitjes minus taksën e importimit të mjetit të hedhur në qarkullim të lirë në territorin doganor të Republikës së Shqipërisë.

Në import:

Shembull :

Në rast se një individ importon në gusht 2010, një makinë tip autoveturë (kreu 8703 i NKM) me cilindratë 1700 cm³, që punon me naftë dhe vite përdorimi 4 vjet (e prodhuar në vitin 2006), taksa e mjetit të përdorur në momentin e importimit është:

= Cilindrata në cm³ x koeficienti fiks për çdo vit përdorimi x taksa fikse për llojin e karburantit= 1700*25*0.5*4 = 85 000 lekë.

Në shitjet brenda vendit: Në rast se ky mjet do të shitet pas 2 vitesh, në vitin 2012, taksa për t’u paguar në momentin e shitjes do të jetë:

Taksa e mjeteve të përdorura të transportit = taksa e mjetit të përdorur të transportit në vitin e shitjes – taksën e importimit të mjetit në momentin e hedhjes në qarkullim (sipas tabelës nr. 1 më poshtë) = 1700*25*0.5*6 minus 1700*25*0.5*4 = 127 500 lekë – 85 000 lekë = 42 500 lekë. Në rast se individi do ta shesë makinën në një nga vitet e mëtejshme, 2013 ose 2014, llogaritja e formulës bëhet duke u spostuar në tabelën e mësipërme sipas viteve të përdorimit të mjetit.

Shembull 2

Në rast se në vitin 2006, një individ ka importuar një autoveturë të re (kreu 8703 i NKM) me cilindratë 2500 cm³, që punon me benzinë, e prodhuar po në atë vit, dhe në nëntor 2010, kjo makinë do të shitet, qytetari do të paguajë taksën e mjetit të përdorur të transportit si më poshtë : Taksa e mjetit të përdorur të transportit = taksa e mjetit të përdorur të transportit në vitin 2010

– taksën e importimit të mjetit në vitin 2006

Taksa e mjetit të përdorur të transportit = 2500*20*0.5*4 – 0

Taksa e mjetit të përdorur të transportit = 100 000 lekë

Shënim. Në vitin 2006, në momentin e importimit individi nuk ka paguar taksën e importimit të mjeti,t sepse është autoveturë e re e prodhuar në 2006 dhe e hedhur në qarkullim të lirë në Shqipëri po në vitin 2006. Sipas shembullit 2 do të veprohet edhe në rastet e shitjes së mjeteve të blera me 0 (zero) km

brenda vendit nga koncesionarët. Për të gjitha mjetet e përdorura të transportit (të kapitullit 87 të NKM), të cilat janë importuar para hyrjes në fuqi të ligjit nr. 9769, datë 9.7.2007, në rastin e shitjes së mjetit brenda vendit , taksa e

mjetit të përdorur për t’u paguar do të llogaritet me formulën e mëposhtme.

5038 Taksa për t’u paguar në momentin e shitjes = taksa e llogaritur e mjetit të përdorur të transportit në vitin e shitjes minus taksën e importimit të mjetit të përdorur , të llogaritur me formulën e ligjit nr. 9769, datë 9.7.2007, pavarësisht nga viti i importimit.

Shembull :

Në rast se një individ ka importuar në vitin 2006, një makinë tip autoveturë (kreu 8703 i NKM) me cilindratë 1700 cm³, që punon me benzinë dhe vite përdorimi 4 vjet dhe do ta shesë në gusht 2010, pagimi i taksës së mjetit të përdorur do të jetë si më poshtë.

Taksa e mjetit të përdorur të transportit = taksa e mjetit të përdorur të transportit në vitin e shitjes – taksën e importimit të mjetit të përdorur, llogaritur me formulën e ligjit nr. 9769, datë 9.7.2007. Në vitin e shitjes, autovetura ka 6 vite përdorimi.

Taksa e mjetit të përdorur të transportit në vitin e shitjes = 1700*20*0.5*6 = 127 500 lekë

Autovetura në momentin e importimit ka pasur 4 vite përdorimi, për këtë arsye, si koeficient për vitet përdorimi merret 0.0024.

Taksën e importimit të mjetit llogaritur me formulën e ligjit nr. 9769, datë 9.07.2007

=1700*20000*0.0024 = 81 600 lekë.

Taksa për t’u paguar = 127 500 lekë minus 81 600 lekë

Taksa për t’u paguar = 45 900 lekë

b. 1) Në rast se mjeti i përdorur do të rishitet brenda vendit, taksa për t’u paguar do të llogaritet me formulën: Taksa për t’u paguar në momentin e shitjes = taksa e mjetit të përdorur të transportit në vitin e shitjes minus taksa e llogaritur e mjetit të përdorur në vitin e shitjes së mëparshme. Në vijim të shembullit 3, në rast se ky mjet do të shitet pas 2 vitesh, në vitin 2012, taksa për t’u paguar në momentin e shitjes do të jetë:

Taksa për t’u paguar në vitin e shitjes 2012 do të jetë: 1700*20*0.5*8 = 170 000 lekë

Taksa e llogaritur në vitin e shitjes së mëparshme (viti 2010) = 1700*20*0.5*6 = 127 500 lekë Taksa për t’u paguar në shitje në vitin 2010 = 170 000 lek minus 127 500 lekë = 42 500 lekë

Taksa që paguhen nga blerësi i parë tek blerësi i dytë

Makinat në Shqipëri kryesisht janë me vit prodhimi më shumë se 10 vjet. Kështu që taksa e shumë prej tyre në shitje do të jetë e lartë. Por shitja e makinave bëhet në shumë raste për makinat që janë të futura në Shqipëri dhe të targuara prej vitesh. Kështu një person që ka blerë makinë nga importi e ka targuar atë dhe do ta shesë tek një blerë si dytë kërkon të dijë se sa do të paguajë. E gjithë kjo procedura e ka një formulë që mjafton ti referohesh dhe e gjen vlerën e taksës që duhet të paguash. Vlera e pagesës është sa diferenca mes taksës së re dhe doganës së paguar për makinën. Por shitësi, nuk është se e ka paguar vetë doganën. Për këtë arsye, ai duhet të dijë si llogaritet dogana për makinën që ai do të shesë.

Shembulli :

Më e thjeshtë kjo llogari bëhet po të marrim një shembull.

Sipas statistikave, shumica e makinave në Shqipëri janë mbi 10-vjeçare. Kështu një individ ka blerë një makinë me naftë 2000 kubikë, prodhim i vitit 1995. Makina ka hyrë në Shqipëri në vitin 2005 dhe është zhdoganuar në atë vit. Individi e ka blerë makinën në vitin 2008, pasi është përdorur në Shqipëri. Sot, në vitin 2010 ai vendos ta shesë makinën. Për të gjetur sa para do të paguajë për shtetin, atij i duhet të llogarisë doganën e paguar në vitin 2005. Me ligjin e vjetër, dogana e një makine nafte me motor 2000 kubikë dhe me vit prodhimi 2000, do të llogaritej me formulën: taksë fikse x cilindratë x koeficient për vit prodhimi. Në rastin tonë, 25000 lekë (taksa fikse për naftën) x 2000 (kubatura e motorit) x 0.0048 (koeficienti për makinat mbi 10 vjet). Me ligjin e vjetër, dogana që do të paguhej do të ishte 240 mijë lekë. Pra, kjo është shuma e paguar nga blerësi i parë.

Me ligjin e ri, që ka hyrë në fuqi, nuk ka më doganë, por taksë për automjetet e përdorura. Sipas formulës, kjo taksë llogaritet, cilindratë x koeficient fiks për vit prodhimi x taksë fikse për llojin e karburantit. Në rastin tonë do të kishim, 2000 (kubatura e motori) x 0.5 (koeficienti fiks) x 15 (vitet e prodhimit të makinës) x 25 (koeficienti për naftën). Me ligjin e ri, taksa e makinës do të ishte 375 mijë lekë. Pagesa që duhet të bëjë individi për shitjen e makinës është diferenca mes taksës së re dhe doganës së paguar në vitin 2005. Pra, nga 375 mijë lekë që është taksa e re, zbriten 240 mijë lekë që ishte dogana e vitin 2005. Në rast shitjeje sot të makinës, individi do të paguajë 135 mijë lekë për llogari të shtetit. Me anë të këtij shembulli, të gjithë ata që kanë blerë makina me targa, mund të llogaritin vetë se sa është dogana e paguar nga shitësit e makinës dhe sa do të jetë taksa që do të paguajnë ata vetë, në rast të shitjes së makinës. Nga llogaritje del qartë se makinat e vjetra, nuk kanë ndonjë leverdi të madhe të shiten. Ligji i ri i financave përcakton qartë se blerja e makinave të reja do të kushtojë më lirë, por cenon rëndë shitjen e makinave të përdorura. Në një vend si Shqipëria, ku shumica e makinave janë mbi 10-vjeçare, ka shumë mundësi që njerëzit të mbajnë deri në pamundësi riparimi makinat e vjetra, sesa t’i shesin ato dhe të paguajë tarifa milionëshe për të mbushur arkën e financave.

Dy llojet e taksave

Dogana e vjetër e makinave

Taksa fikse x cilindrata e motorit x koeficienti i viteve të përdorimit;
“Taksa fikse” për çdo autoveturë dhe mjet tjetër, me benzinë, caktohet 20 000 lekë dhe për çdo autoveturë dhe mjet tjetër, me naftë, 25 000 lekë;
“Cilindrata e motorit” është vëllimi i dhomës së djegies së motorit, i shprehur në centimetër kub (cm³);
“Koeficientët e viteve të përdorimit” janë si më poshtë:

I) deri në 2 vite përdorimi 0,0016;
II) mbi 2 deri në 4 vite përdorimi 0,0024;
III) mbi 4 deri në 7 vite përdorimi 0,0029;
IV) mbi 7 deri në 10 vite përdorimi 0,0032;
V) mbi 10 vite përdorimi 0,0048.

Taksa e shitjes së makinave, formula e llogarisjes

Taksa e shitjes së makinave, formula e llogarisjes

Taksa e shitjes së makinave, formula e llogarisjes :: Komentet