Reagojnë Bollano, Janullatus dhe Greqia zyrtare

Greqia hap konfliktet e “vjetra” me Shqipërinë. Vrasja e një të riu himariot nga 4 të rinj gjatë mbrëmjes së të enjtes është shfrytëzuar menjëherë nga minoritarët grekë në Shqipëri por dhe vetë Greqia, duke dashur ta “shesin” si një incident provokativ për me motivacion etnik. Të menjëhershme kanë qenë reagimet e kreut të kishës ortodokse Janullatus i cili njihet më shumë
si shërbëtor i Greqisë sesa për rolin e tij fetar, kreyabashkiakut të Himarës, Vasil Bollano, i cili gjithashtu njihet si një ekstremist grek, si dhe të vetë institucioneve zyrtare greke, ku zyrtarë të lartë të Ministrisë së Jashtme Greke dënuan vrasjen e 35 vjeçarit, madje e quajtën si një incident të rëndë që cenonte “paqen dhe harmoninë” mes dy vendeve. Kështu, gjatë gjithë ditës së djeshme, reagimet greke kanë qenë të njëpasnjëshme, duke i ndryshuar totalisht motivacionin ngjarjes, e cila nga policia u raportua e ndodhur për shkaqe banale.



Bollano: Do bllokojmë turizmin
Kryetari i Bashkisë së Himarës, Vasil Bollano, e ka konsideruar ngjarje me motive nacionaliste dhe etnike, vrasjen e 35-vjeçarit Aristotel Gumit (sipas policisë Aristidh Guma), mbrëmjen e të enjtes në afërsi të qytetit të Himarës. Më tej kryebashkiaku Bollano, i njohur për qëndrimet e tij ekstreme, ka vijuar me presione të ashpra ndaj vendit tonë, duke pohuar se pas kësaj ngjarje, po shikohet mundësia e bllokimit të sezonit turistik madje edhe me anulimin e prenotimeve për ata që kanë rezervuar pas datës 15 gusht 2010. "Sipas të dhënave, informacioneve që kemi nga dëshmitarët okularë dje ka qenë një grindje banale, me motive etnike, e cila në darkë përfundoi me gjestin kriminal të atyre djemve që ishin grindur gjatë ditës, duke e goditur me makinë pas motoçikletën siç ishte në udhëtim dhe duke e shtypur”, ka thënë Bollano.
Ai ka shtuar se zotëron informacionet e dëshmitarëve okularë që kanë bërë edhe njohjen e personave që ishin grindur gjatë ditës. Sipas kryebashkaikut të Himarës, i cili është përgënjeshtruar më pas nga policia, po ata persona e goditën me makinë 35-vjeçarin.
“Situata nuk mund të jetë e qetë pas një akti të tillë kriminal. U mbajt rruga e bllokuar rreth 14-15 orë. Me konsensusin e familjes së viktimës u hap rruga", ka vazhduar Bollano.


Janullatos: Veprime të tilla ndezin përplasje
“Me hidhërim të veçantë marr pjesë në dhimbjen e thellë që ka shkaktuar vrasja e Aristotel Gumës, në Himarë. Ngushëlloj me gjithë shpirt familjen e tij, dhe lutem që Perëndia të prehë në paqe shpirtin e tij”. Kështu e ka nisur mesazhin e ngushëllimit të tij për humbjen e jetës së të riut, Aristotel Guma dje në Himarë, kryepeshkopi i Tiranës, Durrësit dhe i gjithë Shqipërisë, Anastas Janullatos. “Veprime të tilla dhune të paargumentuar, të dënueshme pa asnjë ekuivok nga çdo person me arsye, përbëjnë kërcënim për cënimin e klimës së bashkekzistencës paqësore, për të cilën të gjithë qytetarët e përgjegjshëm të Shqipërisë kanë bërë vazhdimisht përpjekje. Dhe për më tepër janë rrezik për të ndezur përplasje dhe urrejtje të reja”, pohon ai mes të tjerash.
Sipas Janullatosit, “në këtë moment kritik, prej çdokujt kërkohet përgjegjshmëri dhe gjakftohtësi, shmangie të akteve të hakmarrjes, investigim për të vërtetën dhe imponim të drejtësisë. Për më tepër është e domosdoshme që të intensifikohen përpjekjet që të sigurohen liritë e çdo qytetari dhe në përgjithësi të të drejtave të njeriut”, përfundon ai.


Ministria e Jashtme greke: Ngjarja provokon marrëdhëniet dypalëshe
Ngjarje Ngjarja e Himarës ka sjellë reagime të ashpra të Ministrisë së Jashtme greke, si dhe në rradhët e partive të opozitës greke. Sipas një njoftimi për shtyp, zëdhënësi i Ministrisë së Jashtme greke, Grigoris Delavekuras, shprehu shqetësimin e Athinës lidhur me vrasjen e një të riu në Himarë. “Familjarëve të 35 vjeçarit Aristotel Guma i shprehim ngushëllimet tona të sinqerta. Ngjarje të papranueshme si këto kërcënojnë ndezje të akteve të dhunës etnike midis grekëve dhe shqiptarëve, me rezultate të pakontrollueshme të cilat pa dyshim do të dëmtojnë edhe marrëdhëniet dypalëshe”, ka deklaruar Delavekuras. Sipas tij, fakti që autorët kishin synime të qarta etnike ndaj viktimës ngjallin shqetësime të dukshme në radhët e minoritetit grek që jeton në Shqipëri. Reagime erdhën edhe nga partitë e opozitës. Përgjegjësi i sektorit të politikës së jashtme të Demokracisë së Re, Dhimitris Avramopullos, u shpreh i shqetësuar lidhur me ngjarjen dhe kërkoi dërgimin e menjëhershëm të autorëve përpara drejtësisë. Ndërsa zëdhënësi i partisë së ekstremit të djathtë, LAOS, Kostas Aivaliotis, kërkoi reagime të ashpra të Athinës dhe rishikimin e marrëdhënieve dypalëshe.

Bollano: Vrasja e qëllimshme, se djali nuk fliste shqip
Kryebashkiaku i Himarës, Vasil Bollano u prononcua dje për ngjarjen e ndodhur mbrëmjen e së enjtes në Himarë ku gjeti vdekjen Aristotel Gumi. Sipas kryebashkiakut të Himarës 32-vjeçari është goditur qëllimisht nga një makinë ku ndodheshin disa djem të cilët më herët e kishin fyer atë se nuk fliste shqip. “Disa djem të panjohur e kanë fyer djalin dhe më pas e goditën. Djali u godit nga një makinë dhe të rinjtë e shtypën qëllimisht”, thekson Bollano për. Ai theksoi se vrasja e qëllimshme është konfirmuar nga dëshmitarët në vendngjarje të cilët kanë njohur më pas edhe autorët.

Janullatos: Një dhunë e tillë ndez urrejtje të reja

Me hidhërim të veçantë marr pjesë në dhimbjen e thellë që ka shkaktuar vrasja e Aristotel Gumës, në Himarë. Ngushëlloj me gjithë shpirt familjen e tij, dhe lutem
që Perëndia të preh në paqe shpirtin e tij. Veprime të tilla dhune të paargumentuar, të dënueshme pa asnjë ekuivok nga çdo person me arsye, përbëjnë kërcënim për cenimin e klimës së bashkekzistencës paqësore, për të cilën të gjithë qytetarët e përgjegjshëm të Shqipërisë kanë bërë vazhdimisht përpjekje. Dhe për më tepër janë rrezik për të ndezur përplasje dhe urrejtje të reja. Në këtë moment kritik prej çdokujt kërkohet përgjegjshmëri dhe gjakftohtësi, shmangie të akteve të hakmarrjes, investigim për të vërtetën dhe imponim të drejtësisë. Për më tepër është e domosdoshme që të intensifikohen përpjekjet që të sigurohen liritë e çdo qytetari dhe në përgjithësi të të drejtave të njeriut.



Ministria e Jashtme greke: Autorët kishin synime etnike ndaj viktimës
“Familjarëve të 35 vjeçarit Aristotel Guma i shprehim ngushëllimet tona të sinqerta. Ngjarje të papranueshme si këto kërcënojnë ndezje të akteve të dhunës etnike midis grekëve dhe shqiptarëve, me rezultate të pakontrollueshme të cilat pa dyshim do të dëmtojnë edhe marrëdhëniet dypalëshe”, ka deklaruar Delavekuras. Sipas tij, fakti që autorët kishin synime të qarta etnike ndaj viktimës ngjallin shqetësime të dukshme në radhët e minoritetit grek që jeton në Shqipëri. “Ngjarje si këto duhet të dënohen prej të gjithë spektrit politik në Shqipëri. I kërkojmë qeverisë shqiptare të zbardhë plotësisht ngjarjen dhe të zhvillojë një proces të drejtë dhe të shpejtë, me qëllim rritjen e ndjenjës së sigurisë në komunitetin e minoritarëve grekë që jetojnë në Shqipëri”, thuhet në njoftim. “Kërkojmë prej autoriteteve të Tiranës të zbatojnë detyrimet që rrjedhin prej konventave ndërkombëtare për minoritetet dhe njëkohësisht të plotësojë kriteret e premtuara prej saj lidhur me minoritetet. I kërkuam ambasadës tonë në Tiranë të jetë prezente gjatë gjithë procesit”, kërkohet në të.


SOT