Qamil Xhani
Kolegji Zgjedhor ka pushuar ankesen e Partise Socialiste per te nxjerre te pavlefshem rezultatin e Komisionit Qendror te Zgjedhjeve, i cili shpalli fitues te gares per bashkine e Tiranes kandidatin Lulzim Basha me 81 vota diference ndaj kandidatit te PS-se, Edi Rama. Ne oren 20:45 minuta, gjyqtari Tom Ndrecka ka komunikuar vendimin e formes se prere te Kolegjit, i cili ka lene ne fuqi aktin e KQZ-se te dates 23 maj, duke certifikuar si fitues perfaqesuesin e mazhorances, Lulzim Basha. Vendimi i formes se prere te Kolegjit per pushimin e ceshtjes se Partise Socialiste ka marre votat e pese anetareve te trupes gjykuese te Kolegjit Zgjedhor. Ne seancen maratone te Kolegjit, gjate dites se djeshme, palet kane paraqitur dhe nje here pretendimet e tyre ne lidhje me procesin zgjedhor ne Tirane. Perfaqesuesit e Partise Socialiste kane argumentuar se vendimet e KQZ-se ne datat 18 dhe 23 maj per numerimin e fleteve te hedhura ne kutite e gabuara dhe mos shpalljen e rezultatit pas perfundimit te numerimit ne njesine numer pese ne Tirane, jane te jane marre ne kundershtim me ligjin. Kolegji Zgjedhor kerkoi nga KQZ-ja tabelat permbyllese te rezultatit te Tiranes dhe te KZAZ-ve ne kryeqytet. Perfaqesuesi i Partise Socialiste, Arjan Salati tha para Kolegjit se vendimet e KQZ-se ne lidhje me numerimin e fleteve te votimit qe jane hedhur ne kutite e gabuara eshte i pa bazuar ne ligj. Ai u shpreh se Komisioni Qendror i Zgjedhjeve kishte si detyre vetem te mblidhte tabelat e rezultatit pas numerimit te votave ne njesine numer pese dhe te shpallte rezultatin qe e nxirrte fitues kreun e PS dhe kandidatin e opozites Edi Rama me 10 vota. Nderkohe qe perfaqesuesi i PD-se, Ivi Kaso argumentoi se KQZ-ja ka luajtur rolin e nje KZAZ-je ne numerimin e votave te kontestuara, duke qene se kete rol e ka marre dje gjate kohes qe u be regjistrimi i kandidateve. Opozita synonte ne baze procedurave ligjore te anulohej vendimi me numer 711 i KQZ-se, i cili shpalli fitues per kryetar te bashkise Tirane, kandidatin e koalicionit "Aleanca per Qytetarin", Lulzim Basha, i cili kryesonte me 81 vota ndaj kandidatit te koalicionit "Aleanca per te Ardhmen", Edi Rama. Perfaqesuesit e opozites kane argumentuar se vendimi i KQZ-se eshte akt normativ per te cilin kerkohet nje votim me shumice te cilesuar me 5 vota te anetareve dhe jo kater. Vendimmarrja e KQZ-se eshte mbrojtur ne seancen e djeshme nga ana e perfaqesues juridike te ketij institucioni Deshira Pasko. Ajo ka kerkuar rrezimin e padise se Partise Socialiste duke theksuar se vendimi eshte marre ne perputhje te plote me ligjin nga ana e KQZ-se.

Koha Jone