Loja me (mos) hapjen e dosjeve

Nga Përparim HALILI - Dosje spiunësh me spiunë që sot janë deputet, ministra, politikanë etj, ndoshta edhe kryeministra e kryetarë kuvendi, ka plotë dhe këto dosje, Berisha i di dhe i ka të evidentuara ndaj dhe tani po kërcënon se do t'i përdor e po kështu dhe Jozefina e kuvendit, e cila "dizenjon" veprimet e Berishës në drejtimin që atij i intereson për të fituar dhe mbajtur terren në pushtetin e tij të dhunës, të korrupsionit dhe krimit. Ndaj dhe të gjithë lëvizjet e Berishës me gogolin e dosjeve të spiunëve që janë brenda politikës shqiptare, kanë lidhje me frikën e Berishës për të mos shkuar përpara drejtësisë

(Mos) Hapja e dosjeve të spiunëve, duket se nuk është kthyer rastësisht, për t'u bërë ligj në parlament. Kjo lëvizje është lojë e Berishës dhe e klanit të tij në qeveri e në parlament, për të bëë presionin e rradhës ndaj institucioneve dhe drejtuesve të tyre, që nuk janë në një "vijë" qeverisjeje me të, që nuk janë pjesë e aventurave të tij për të shkatërruar këtë vend e këtë popull, që nuk janë strukturë e krimeve dhe korrupsionit të tij të pafrenuar deri në babëzi. Dosjet e ish-spiunëve, pra ato dosje që Berisha ka lënë në arkivat sekrete, pasi të tjerat i ka zhdukur për të pastruar figurat nga krimet e spiunllëqeve që kanë bërë gjatë diktaturës dhe që prej 17 vjetësh i janë futur politikës edhe pse janë të implikuar me ish-sigurimin e shtetit. Këto dosje edhe pse duheshin hapur që në ditën e parë të nisjes së pushtetit demokratik shqiptar, nuk ndodhi kështu dhe kjo u pengua për faktin, se ata që erdhën në pushtet pas diktaturës, vinin nga po ajo dikturë, nga po ai inkubator komunist, nga po ai sistem i degraduar dhe i dhunshëm që masakroi shqiptarët edhe nëpërmjet ish-spiunëve të tij, që sigurimi i shtetit i përdorte kundër disidentëve dhe atyre që shprehnin qoftë edhe ndonjë pakënaqësi në rradhët e dyqaneve, ose edhe si mjet dhune, me shpifje dhe akuza false, për të mbajtur të nënshtruar shqiptarët. Hapja e dosjeve del në skenë, tani pas 17 vjetësh në mënyrën më të ashpër, duke vazhduar që këto dosje të jenë akoma të frikshme, por në kahje të kundërt, duke u bërë presion jo viktimave, por ish-spiunëve, atyre që kanë firmosur krime kundër njerëzimit. Nëse do të bëhej fjalë për dosje të atyre spiunëve të "vegjël", që sot janë në emigracion, apo shesin fara e banane rrugëve, politika nuk do të merrej me to. Por fjala është, se këto dosje që thuhet se do të hapen me ligj, kanë lidhje me luftën brenda klaneve në politikë, në shtet, në pushtet dhe qeverisje, mes të cilëve ka shpërthyer një konkurrencë e egër për të sunduar në pushtet dhe në politikë.

Dosje spiunësh me spiunë që sot janë deputet, ministra, politikanë etj, ndoshta edhe kryeministra e kryetarë kuvendi, ka plotë. Këto dosje Berisha i di dhe i ka të evidentuara, ndaj dhe tani po kërcënon se do t'i përdor. Po kështu dhe Jozefina e kuvendit e cila "dizenjon" veprimet e Berishës, në drejtimin që atij i interson për të fituar dhe mbajtur terren në pushtetin e tij të dhunës, të korrupsionit dhe krimit. Ndaj dhe të gjithë lëvizjet e Berishës me gogolin e dosjeve të spiunëve që janë brenda politikës shqiptare, kanë lidhje me frikën e Berishës për të mos shkuar përpara drejtësisë, për problemet që ka krijuar me veten dhe të tjerët, ku akti më i fundit dhe më kulmori i krimeve të qeverisjes së tij dhe të klaneve të tij të trafiqeve është Gërdeci. Duket se me Gërdecin kanë lidhje të gjithë presionet e Saliut për të (mos)hapur dosjet, të cilat ai, edhe pse e di se shumicën e spiunëve i ka në qeverinë e tij, në poste të larta dhe në grupin parlamentar, vazhdon të krijojë sundim të fuqizuar nëpërmjet fletëve të tyre të zeza. Dy ditë më parë, ne dëgjuam debatin mes dy figurave kryesore të shtetit dhe të pushtetit, në lidhje me akuza reciproke të kuptueshme për dosjet e spiunëve. Në këtë debat, u përfshi Topi dhe Topalli, të cilët kërkojnë hapjen e dosjeve, ku njeri dhe konkretisht presidenti Topi, kërkon t'i hap si proces pastrimi të politikës, prej spiunëve, ndërsa tjetra, pra kreparlamentarja Topalli, kërcënon se do t'i hap ato, si skemë kërcënimi, presioni ndaj të gjithë atyre që i rrezikojnë pushtetin Berishës dhe asaj. Në fakt, kjo është lojë e Berishës, sepse projektligji për dosjet, ka dy vjet me dy drafte, që është "burgosur" në zyrën e Jozefinës dhe nuk është hapur. Ndërsa tani, krejt befasisht, por jo pa kuptim dhe jo pa nëntekst, dosjet dalin në rend të ditës. Sepse në rend të ditës është Gërdeci i Saliut. Topi theksoi, se në mbështetje të ish-të përndjekurve, në 20 vjet demokraci ka patur dhe ka shumë demagogji dhe asnjë veprim konkret, për të persekutuarit politikë shqiptarë. Ky është një realitet, që dëshmon qartë faktin se Berisha, ky ish-komunist që ka mbetur dhe vepron si i illë edhe pas 18 vjetësh "demokrat", i ka mashtruar të përndjekurit politikë për dëmshpërblimet dhe kërkesat e tyre për integrim në shoqëri. Mirëpo Jozefina, kamikazja e Berishës në të gjithë aksionet "guerile" që organizon Saliu kundër institucioneve, vazhdoi edhe dje përballë presidentit të republikës, të sulmojë institucionet me kërcënime publike. Ajo vazhdoi të bëjë propagandën demagogjike të shefit të saj të PD, në lidhje me të përndjekurit, duke u premtuar atyre se do të largojë spiunët nga politika dhe nga zyrat e shtetit. Këtë gjë, Jozefina nuk mendohet se mund ta realizojë, mbasi ka qënë pikërisht kjo, që në tre vitet si kryetare e Kuvendit, ka bllokuar projektligjin për hapjen e dosjeve të ish-spiunëve. Ne nuk e dimë, nëse këto dosje do të hapen vërtetë, por dimë faktin, që hapja e tyre e vë në siklet Berishën e Ramiz Alisë dhe të Hysni Kapos, mbasi qeveria e tij ka në mazhorancë spiunët, madje edhe bashkëpunëtorët e tij të ngushtë të vjetër e të rinj, të cilët dhe i promovon në tribuna ligjesh dhune kundër mediave, sië veproi dy ditë më parë, me aktivizimin e spiunit Remzi Lani, në takimin me studentët. Po kush janë spiunët për të cilët flet berisha dhe Jozefina? Ata që janë në pushtet dhe në politikë, në krye të mediave, që veprojnë si gramafonë të qeverisë dhe të Berishës e të Topallit.

Këtij morali të cënuar dhe pervers, të përcjell prej Topallit, këtij qëndrimi të Berishës, që për të shpëtuar nga Gërdeci kërcënon me hapje dosjesh, iu kundërvu dje, presidenti Topi, duke sulmuar ashpër klanin e këtyre dosjeve të njerëzve në pushtet. Presidenti i Republikës, Bamir Topi, pas shfaqjes së djeshme të premierës së dokumentarit "Genocidi mbi Elitën e kombit shqiptar nën terrorin komunist", tha se, "për të përndjekurit mungojnë veprimet konkrete". Ndërkohë, që kreu i shtetit, ka refuzuar të bëjë komente për emrat e rinj të anëtarëve të Gjykatës së Lartë, ndërsa ka preferuar të këmbëngul në dënimin e krimeve të komunizmit dhe hapjen e dosjeve të spiunëve. Demagogji e ka cilësuar presidenti Bamir Topi, nismën e fundit të kryeparlamentares Topalli, për hapjen e dosjeve të bashkëpunëtoreve të sigurimit të shtetit. Pas shfaqjes së premierës së këtij dokumentari, prodhim i Televizionit Publik Shqiptar, i pyetur nga mediat, presidenti Topi, tha se "të gjithë këta të persekutuar realisht, duhet të flasin shumë. Edhe ata që flasin në emër të tyre, po i konsumojnë kartën morale të fundit këtij problemi, për të cilin në gati 20 vjet demokraci, ka shumë demagogji dhe për fat të keq, nuk ka veprime". Dokumentari, i shfaqur ditën e djeshme në sallën e Qendrës Kulturore të Ushtrisë, solli dëshmi tronditëse të genocidit dhe persekutimit të egër, që diktatura komuniste ushtroi mbi elitën intelektuale të kohës së diktaturës, duket se nuk ka qënë një rastësi, por pikënisja e hapjes së dosjeve të spiunëve, të cilët edhe pse janë të tillë dhe kanë kapur poste të larta në politikë e në pushtet, gjendeshin në promovimin e këtij dokumentari prekës dhe aktakuzë për ta, të cilët janë pjesë e pushtetit, e kuvendit, e zyrave të shtetit, të PD, të kabinetit të Berishës, këtij kryeministri të dështuar dhe të penalizuar, që bashkëpunon ngushtë me këtë kontingjent të përzgjedhur spiunësh prej vitit 1991 e në vazhdim. Dosjet duhet të hapen, sepse ky është kusht. Shqipëria është i vetmi vend i dalë nga kthetrat komuniste që nuk e ka bërë këtë deri sot. Dosjet duhet të hapen, sidomos për ata që janë në politikë dhe në institucioen të fuqishme publike. Propaganda, se po u hapën dosjet do të bëhet hataja është një tjetër manovër e poltikës dhe konkretisht e vetë spiunëve, të cilët nuk duan që këto dosje të hapen, ndaj pengojnë prej 17 vjetësh. Pushteti aktual ka tashmë në dorë një armë të keqe, të cilën nuk po e përdor për të përmbushur një mision qytetar e ligjor, një pastrim moral të shoqërisë nga ish-spiunët, por për të bërë shantazh zyrtar kundër atyre që janë pjesë e këtyre dosjeve kriminale. Dhe këtë praktikë Berisha e ka aplikuar përherë, duke i mbajtur peng bashkëpunëtorët e tij, të cilët janë me dosje dhe në të vërtetë janë të shumtë rrotull tij.
SOT

Loja me (mos) hapjen e dosjeve

Loja me (mos) hapjen e dosjeve

Loja me (mos) hapjen e dosjeve :: Komentet