Mënyra mesdhetare e të ushqyerit

Mënyra mesdhetare e të ushqyerit

Dieta mesdhetare konsiderohet si një nga modelet me të ekuilibruara të mënyrës së saktë të të ushqyerit.
Principet bazë të dietës mesdhetare të të ushqyerit janë:

. Preferohet peshku në vend të mishit, sa herë që të na jepet mundësia.
• Menyja e javës përmban perime të gjelbra, si psh bizele, bamje, kungulleshka, mashurka etj) si dhe fasule e thjerrëza.
• Preferohet buka e zezë në vend të bukës së bardhë.
• Menyja e javës përmban mjaft fruta.
• Qumështi dhe djathi janë pjesë e pandashme e tryezës.
• Vaji i ullirit zëvendëson përdorimin e çdo lloji tjetër yndyre.
• Sasia e substancave ushqyese është:
Proteina: 12-15% të kalorive ditore
Karbohidrate: 50-60% të kalorive ditore
Yndyrna: 20-25% të kalorive ditore
Përqindja e mbetur plotësohet me marrjen e vitaminave dhe substancave minerale.[/size]
Meny javore e bazuar në dietën Mesdhetare
• 2 herë në javë përdorni bimë bishtajore për vaktin e drekës
• 1-2 herë në javë gatuani peshk, mish ose shpendë për vaktin e drekës.
• Çdo ditë konsumoni 2 feta mesatare buke
• Konsumoni çdo ditë prodhime bulmetore (qumësht 1 gotë, kos 1 filxhan çaji, djathë 1 fetë mesatare)
• Përdorni çdo ditë perime të freskëta.
• Konsumoni çdo ditë 1-2 fruta.
• 2-3 herë në javë konsumoni një ëmbëlsirë të vogël.
• Përdorni sasi të kufizuara gjalpi dhe yndyrnash shtazore. Preferoni vajin e ullirit.

Karota dhe vetitë e saj kuruese
Karota (lat. Daucus carota) u kultivua për herë të parë në Afganistan dhe ishte e njohur që në lashtësi. Mjeku i lashtësisë Hipokrati, e përdorte atë si tonifikues për stomakun dhe sistemin tretës. Gjatë viteve ’60, disa shkencëtarë rusë zbuluan tek karota një substancë të quajtur Daucarine, e cila kishte aftësinë të zgjeronte enët e gjakut, sidomos në zonën e kokës, duke ndihmuar kështu në evitimin e episodeve kardiake. Në Rusi, akoma edhe sot mjekët u këshillojnë pacientëve lëng karote me mjaltë, për të luftuar kollën dhe të ftohtin.
Karota është mjaft e pasur në vitamina A, B dhe C, si edhe substanca minerale mjaft të çmuara për organizmin. Ajo përmban një substancë të quajtur b-karoten, e cila përmirëson shikimin. Konsumimi i shpeshtë i karotave është i nevojshëm, sidomos për ata persoan që vuajnë nga lodhja, dobësia dhe stresi. Karota ndihmon gjithashtu në rritjen dhe zhvillimin e enegjisë dhe vitalitetit të adoleshentëve. Hekuri që ajo përmban, rrit nivelet e hemoglobinës në gjak, duke luftuar kështu aneminë.
Kërkimet e fundit kanë provuar se substanca b-karoten mund të ndërpresë veprimtarinë e tumoreve dhe sidomos të mushkërive dhe pankreasit.
Dieta me supë karotash është mjaft e mirë për pastrimin e mëlçisë.

Vetitë kuruese të karotës.
• Karota hap oreksin dhe rrit sekretimin e lëngjeve gastrike. Është një terapi mjaft e mirë kundër koliteve, irritimeve të zorrëve dhe ulçerave të stomakut.
• Aftësitë diuretike të karotës e mbrojnë fshikëzën e urinës nga infeksionet.
• Karota ka aftësi dizintoksikuese, të cilat ndihmojnë ata persona që vuajnë nga akneja e fytyrës dhe ekzamat.
• Një veti e mrekullueshme e lëngut të karotës, është se ai ndihmon në jashtëqitjen e sekrecioneve të mushkërive (gëlbazave), duke e lehtësuar kështu organizmin në raste bronshitesh apo gripi.
• Një gotë lëng karotash gjysmë ore para mëngjesit, e ndihmon organizmin e fëmijëve që vuajnë nga parazitët e zorrëve.
• 1-2 karota në ditë ul kolisterolin e gjakut në përqindje 10%, duke ndihmuar kështu në mbrojtjen e organizmit nga tensioni dhe sëmundjet kardivaskulare.
• Karota i fal shëndet dhe gjallëri lëkurës.

Kastraveci dhe vetitë e tij kuruese

Kastraveci ishte një nga perimet e para që kultivohej sistematikisht në Lindje. Për arsye se 96% të tij përbëhet nga uji, ai përdorej kryesihst për të freskuar organizmin dhe për të shuar etjen. Megjithëse pjesa më e madhe e kastravecit është ujë, kjo nuk do të thotë që ai nuk përmban substanca të vlefshme për organizmin. Përkundrazi, kastraveci është mjaft i pasur në kalcium, kalim, fosfor, si dhe vitamina A dhe C. Kaliumi i kastarvecit ndihmon në ruatjen normale të tensionit, ndërsa mineralet e tjera ndihmojnë për të patur thonj të fortë dhe flokë të shëndetshëm.
Për arsye të kalorive të pakta që përmban, kastraveci përbën një ushqim të rëndësishëm për ata persona që duan të humbasin në peshë.
Në Indi e përdorin kastravecin për të ekuilibruar shijen pikante të gjellëve të tyre.
Gjatë periudhës së Mesjetës, njerëzit e shtresave të ulëta të shoqërisë, vinin pranë jastëkut të fëmijës së sëmurë një kastravec, duke shpresuar se freskia e tij do të merrte me vete temperaturën e fëmijës.
Dr. Gerard, një botanolog anglez i shekullit të 16-të, u rekomandonte pacientëve të tij lëng kastraveci për të luftuar problemet e mushkërive, të stomakut dhe kundër cisteve. Ai ishte i mendimit se kastraveci i mbushte venat me lëng rigjallërues. Studime të mëvonshme kanë provuar se kastraveci ka me të vërtetë mjaft veti kuruese.[/size]
Vetitë kuruese të kastravecit:[/size]
• Kastraveci ka veti pastruese dhe rigjeneruese, duke ndihmuar kështu në irritimet e lëkurës dhe sidomos të syve.
• Kastraveci ka aftësi diuretike, çka e bën atë një faktor të rëndësishëm në mbrojtjen e organizmit nga infeksionet urinare.
• Kastraveci përmban disa substanca të quajtura sterole, të cilat ulin nivelin e kolisterinës së dëmshme në gjak.
• Kastraveci rrit jashtëqitjen e toksinave dhe acidit urik nga veshkat.

Mënyra mesdhetare e të ushqyerit

Mënyra mesdhetare e të ushqyerit

Mënyra mesdhetare e të ushqyerit :: Komentet