Urime Barak Obama dhe popullit amerikan per kte fitore

Edituar për herë të fundit nga ILIRI në Wed Nov 05, 2008 12:52 pm, edituar 1 herë gjithsej

Padyshim qe eshte nje fitore qe shenoi ndryshimin me te madh ne historine e ShBA por edhe ne bote. Sigurisht qe ShBA nuk do ta ndryshoje kursin e saj politik ne shume aspekte, por ama ajo qe sot eshte ndryshe. Demokracia Amerikane deshmoi dhe nje here vlerat e jashtezakonshme dhe te paarritshme te ShBA-ve. Ajo deshmo se ShBA eshte e te gjith amerikaneve pa dallim feje , rrace, kombi. I uroj suksese presidentit te ri te ShBA Obama. Urime popullit amerikan per kete fitore historike.

Ambasadori Withers s'e fsheh dot gëzimin për Obamën: "Ëndrra e Luterkingut"
Tiranë- Ambasadori amerikan në Tiranë Xhon Withers II sapo ka dalë në një konferencë për shtyp ku nuk ka mundur dot të fshehë gëzimin për fitoren e Obamës, edhe pse është një republikan i deklaruar. “Barak Omaba përmbushi ëndrrën e Martin Luterkingut, për një Amerikë pa dallime racore”, tha Withers.



“Kjo është një ditë speciale për amerikanët dhe po shfrytëzoj këtë takim për të folur si amerikan dhe jo si ambasador”, u shpreh ai në një kokteil organizuar nga Dhoma Amerikane e Tregtisë dhe Ambasada Amerikane në Tiranë. “Rezultatet e zgjedhjeve, ku fitoi Barak Omaba kanë ndryshuar kursin e historisë. Shumë dekada më parë Martin Luterkingu shprehu ëndrrat për ndryhimin e Amerikës, kjo ishte një ëndërr që mbërtheu mendjen e amrikanëve të të gjithë shtresave. Martin Luterkingu shpresoi që një ditë nuk do të ketë paragjykime për ngjyrën dhe sot miliona amerikanë zezak apo të bardhë kanë dhënë verdiktin duke përmbushur ëndrrën e Luterkingut”. Kështu u shpreh sot republikani Xhon Withers, diplomat karriere, që kryen misionin e ambasadorit të SHBA në Tiranë, emëruar nga republikanët që ishin në pushtet deri dje.



Sipas Withers II, zgjedhësit kishin dy kandidatët më të mirë që mund të prodhonte Amerika. “Senatori Xhon Mc Cain një nga më të shquarit e moshës sonë, një njeri me inegritet dhe nga ana tjetër ishte kandidati Barak Obama një afro-amerikan që pati guximin të shpresonte dhe zgjedhja u bë mes dy amrikanëve të shuar”, tha Withers.



Ndërsa për pyetjen që mund të mendonte çdo shqiptar, se si ndihej Withers personalisht duke qenë një person me ngjyrë por nga ana tjetër duke qenë një republikan, ai iu përgjigj vetë. “Më kanë mbërritur mijëra e-mail sot në mëngjes nga SHBA, nga miq shokë e familjarë, dhe në fund të çdo e-mail shkruhej si ndihesh, ndaj do të jap një përkufizim të përgjithshëm. Gjatë kohës së skllavërisë së zezakëve këndoj një këndë, ku mbaj mend vargjet: Jam në rrugën time për në tokën e premtuar sot kam dëgjuar nga qieilli se perëndia do të më zgjasë dorën, sot kam dëgjuar nga parasja se kam prekur perëndinë...”?. Kështu e ka mbyllur fjalën e tij përshëndetëse, amdasadori amerikan, para dhjetra amerikanëve që jetojnë dhe punojnë në Shqipëri, përfaqësues të medias, politikës, shqiptare, etj.

Ja çdo te thote "enderr amerikane". Uroj presidentin e ri te Amerikes Barak Obama per fitoren. Uroj te gjithe shqiptaro amerikanet per kete fitore historike te Amerikes dhe gjith popullin amerikan!

suksese OBAMES ne kete detyre teper te rendesishme .....urime e gjithe amerika

Vertete te gjithe Amerika eshte ne feste ,sidomos brezi i ri ,Rinia e bashkuar nga te gjitha rracat e njerzimit edhe nje here treguan se mbi fuqine e rinise nuk ka parti as pushtet qe ti ndali .

Barak Obama theu çdo tabu. Suksese!

Sukse per fitoren. Eshte vertet diçka e mrekullueshme te shohesh te rrealizuar endren e miliona amerikaneve te thjeshte. Shpresojme se politiak e tij nuk do te ndryshoje per Shqiperine dhe Kosoven.

Me se fundi Martin Luterking fitoi. Nuk besoj se nje njeri si ai do te sjelle ndryshime ne qendrimin e Amerikes ndaj Shqiperise dhe Kosoves.

Se pari Urime! Se dyti shpresoj qe ambasadori i ardhshem ne Tirane te mos jete nje greko -amerikan.

Barak Obama president! Te lumte Amerike!

Sidoqofte fitorja e tij ne keto zgjedhje ka vlera te jashtzakonshme. Barak Obama eshte i pari president me ngjyre, fe dhe komb tjeter ne Amerike. Detyrimi i tij para popullit te amerikes eshte dyfish me i madh per shkak se edhe populli amerikan pret shum me teper nga ai.Pret ndryshimin real.

Me te thene e me te bere eshte ne mes nje mal i tere. Gezuar!

Nuk them se zgjedhja e Obames nuk osht ndryshim per Ameriken se ket e shef ene qorri. Me e kap nga ana tjeter namerik krejt ato si kan drejtu emigrant kan qen veç se ky Obama osht i zi. Ndryshim tamam un do i them kur presidenti i amerikes tzgjidhet nji indian. domethan nji amerikan i vertet.

Tani nuk esht me e parealizueshme qe ne te rdhmen edhe nji indian te behet president i amerikes.

Allaj si zor. Koha do e tregoje. Se bon vaki kjo puna e Obames osht si puna ati llafit si i thone nji her ra daci nkos.

Mandela apel Obamës: Mos harro varfërinë dhe sëmundjet që na kanë pushtuar
Simboli i luftës kundër racizmit në Afrikën e Jugut, Nelson Mandela, i ka bërë thirrje presidentit të sapozgjedhur amerikan Barak Obama të luftoj kundër varfërisë dhe sëmundjeve të shumta që kanë pushtuar kryesisht vendet e botës së tretë. Presidenti i parë zezak i Afrikës së Jugut, Mandela, në një letër të dërguar po ashtu presidentit të parë zezak të SHBA-ve, shkruan se “fitorja juaj është një shpresë, një rreze drite dhe burim guximi për të parë një botë më ndryshe”.

Sipas tij, Obama ka premtuar paqe dhe siguri për mbarë botën. “Gjithashtu, shpresoj që ju të jeni prijës i luftës kundër varfërisë dhe sëmundjeve të shumta që kanë pushtuar botën e sotme”, vijon Mandela në letrën e tij dërguar Obamës.
Start

E rendesishme eshte qe ai arriti ta thyente tabune te tjerat le tja leme kohes.

Po ci duhet Indjano Amerikanit te behet president ,ata jane po thuaj 3 miljon ketu ne Amerike dhe te gjithe nuk kane nevoj te punojne brez pas brezit sepse ata jetojne falas sepse shteti i mban me te gjitha

Teuta, ju lutem mos beni keqinformacion, Obama nuk ka nje kombesi tjeter por eshte amerikan i lindur ne Amerike me baba Kenyan qe e braktisi ne moshe shume te re dhe me nene amerikane, dhe nuk eshte me fe te ndryshme me ate te shumices amerikaneve, pra eshte i krishtere protestant. Te bejme kujdes kur komentojme disa ngjarje, eshte vertete qe ne kyte forum nuk ka njerz qe kundershtojne por sidoqofte te evitojme qe te themi gjera te paverteta. Obama nuk ka fituar sepse eshte i zi apo i huaj ai ka fituar sepse programi i tije ka bindur popullin amerikan, dhe per fat te mire amerikanet nuk e mendojne si ne shqiptaret.
Faleminderit.

Sidoqofte fitorja e tij ne keto zgjedhje ka vlera te jashtzakonshme. Barak Obama eshte i pari president me ngjyre, fe dhe komb tjeter ne Amerike. Detyrimi i tij para popullit te amerikes eshte dyfish me i madh per shkak se edhe populli amerikan pret shum me teper nga ai.Pret ndryshimin real.

Nuk du te bej avokatin e Teutes po meqe na ngacmove dhe ne te tjerve po te thme se Teuta ka te drejt persa i perket kombit. Pse? Sepse ai mund te kete lindur ne amerik po ama origjina e tij eshte keniane. Pra ai eshte shtetas amerikan me kombesi keniane. Kete e kane cilesuar te gjitha mediat kur thone se fitoi afroamerikani dhe jo fitoi amerikani. Per fen nuk di gje. Po kjo pak ransi ka sepse ne çdo vend ushtrohen besime te ndryshme.

Ah harrova. Nuk eshte nevoja qe ne te tjeret te kundershtojm se te kemi ty qe del e tepron.Se disa here e ke theksu qe ne nuk kundershtojm. Nuk e di se çdo me then ti me at fjal se ne ktu nuk jemi ne luft. Jemi ne nje forum ku duam te çlodhemi, te zbavitemi, te shprehim ndonje mendim tonin pa cenuar personalitetin e askujt. Ne qofte se ti e çmon forumin shesh demostratash kjo varet nga pikpamjet e tuja.

Barack Hussein Obama

Me duket ky Hussein si emer mysliman ngjan.

Djema dhe vajza ,Vellezer dhe motra ju lutem mos me detyroni te largohem nga ky forum i mrrekullueshem sepse kemi nje harmoni dhe nje respekt me njeri-tjetrin dhe nuk ja vlen qe te prishet kjo

Ju uroj te gjitheve kohe te lumtur dhe harmoni ne te gjitha pikpamjet e jetes te perditshme

O harrova kush ka deshire qe ti tregoj se cfare ka plaka ne canta

Me respekt pershendetje per te gjithe

Epo dike e shqeteson harmonia ne kete forum. Megjithate ke shum te drejt. Nuk ja vlen. e lagu se lagu.

Nuk kam percaktuar ndonje fe. Gjithsesi besoj se i rendesishem eshte mesazhi i çdo komenti, jo pikat dhe presjet.

I uroj suksese presidentit te ri te SHBA.

Barack Obama, presidenti i 44-t i SHBA-se


Kandidati demokrat Barack Obama eshte presidenti i 44-t i Shteteve te Bashkuara te Amerikes.
Fitorja, tashme e sigurt e Obames shenon nje kthese ne historine presidenciale te kontinentit pertej Atlantikut.

Per here te pare SHBA-te ne krye do te kene nje president me ngjyre, nje afro-amerikan.

Mbeshtetesit e tij ne te gjithe Ameriken dhe ne vendin e origjines se Obames, ne Kenia jane te ekzaltuar ne maksimum.

Ndersa ndjekin me vemendje rezultatet e mediave amerikane, zgjedhesit demokrate jane grumbulluar neper sheshet kryesore per te festuar fitoren e presidentit te ri.

Pritet qe per pak kohe, Obama te shfaqet para publikut per te pershendetur gjithe votuesit dhe per te festuar fitoren bashke me ta.

Obama "fiton" edhe ne Tirane


Zgjedhje per presidentin e Shteteve te Bashkuara jane zhvilluar edhe ne Shqiperi.
Ne nje ceremoni te organizuar nga ambasada amerikane ne Tirane, shqiptaret jane ftuar te votojne ne menyre simbolike per kandidatin qe preferonin.

Gjatë kohës që ministri i Jashtëm Lulzim Basha vlerësonte rolin e Shteteve të Bashkuara në mbështetje të Shqipërisë, shqiptarët e pranishëm në natën elektorale të ambasadës amerikane, votonin në një nga kthinat e hotelit.

Fleta e votimit, ishte edhe ajo po aq simbolike sa vetë procesi.

Politikanët e pranishëm ishin më së shumti për McCainin, ndoshta sepse partia e tij republikane, ishte deri më sot në pushtet.

Dhe politikanët shqiptarë, në këtë pikë, janë mjaft të kujdeshëm. Si p.sh në rastin e zotit Majko, pro McCain i palëkundur, pavarësisht se bindjet e tij politike mund të sugjeronin për të kundërtën.

Kishte edhe ndonjë pro Obamës, apo nga ata që të mësuar me diplomacinë, si ministri i Jashtëm Lulzim Basha apo këshilltari diplomatik i presidentit, zoti Arben Cici, që u ruajtën të mos shprehnin parapëlqimet e tyre.

Votimi u rihap në mëngjes, për t'u mbyllur në orën 9.00, atëhere kur Amerika e kishte tashmë një President te ri.

Ambasadori Withers, vëzhgonte nga afër dhe siguronte se procesi i numërimit të votave edhe këtu në Shqipëri, do të ishte i ndershëm.
"63 perqind e shqiptareve votuan pro Obames. Kjo ishte vetem ceshtje respekti per voten e hedhur", u shpreh Withers.

Edhe njëherë, si shpeshherë deri më sot, shqiptarët ishin në të njëjtën gjatësi vale me amerikanët.

Kryetarja e Kuvendit, mesazh urimi Presidentit të sapozgjedhur të SHBA-së, Barack Obama.Jozefina Topalli: Po ne mundemi!”, Zoti President. Ky është besimi që Ju keni përcjellë te çdo qytetar i vendit Tuaj të madh, por edhe te çdo qytetar i kësaj bote.


Kryetarja e Kuvendit, Jozefina Topalli i dërgoi sot një mesazh urimi Presidentit të sapozgjedhur të SHBA-së , Barack Obama, me rastin e fitores së tij në zgjedhjet e 4 nëntorit, ku ndër të tjera i shkruan:

Sot është një ditë historike për popullin amerikan. Amerikanët bënë zgjedhjen e tyre, për liderin që i besojnë. Duke votuar Barack Obamën, amerikanët bënë botën mbarë të ndjejnë dhe të kuptojnë përjetësimin e mesazhit të të madhit Martin Luther King : “ Unë kam një ëndërr!”.

Ky është mesazhi nga kombi lider që beson dhe punon për vlerat reale e universale të lirisë e demokracisë, vlera promotore për gjithë njerëzimin, sot më shumë se kurrë, në këtë kohë të globalizmit.


“Yes. We can! Po ne mundemi!”, Zoti President. Ky është besimi
që Ju keni përcjellë te çdo qytetar i vendit Tuaj të madh, por edhe te çdo qytetar i kësaj bote. Ky është një mesazh, që ne shqiptarët e kemi përpirë, e kemi bërë tonin, e kemi besuar për vendin tonë, për angazhimin tone, për premtimin tonë. Ju keni inspiruar mbarë kombet. “Po ne mundemi!”.

Unë kam bindjen e plotë se në drejtimin Tuaj, SHBA do të vazhdojnë në rrugën e miqësisë dhe të bashkëpunimit të shkëlqyer, rrugë që e hapi Presidenti Willson dhe e vijuan të gjithë pasuesit e tij, të cilët gëzojnë përjetë mirënjohjen më të thellë të kombit shqiptar.

Unë dua t’Ju siguroj se të gjithë shqiptarët mbeten të bindur, se do të vazhdojnë të gjejnë tek SHBA, mbështetësit më të vendosur të Shqipërisë në proceset integruese.

Urimet më të sinqerta për Ju, Zoti President, dhe përmbushjen e misionit Tuaj.