Kejsi Tola: Ne Eurovizion do te kendoj vetem

Kejsi Tola: Ne Eurovizion do te kendoj vetem

Kejsi Tola, këngëtarja që do të përfaqësojë Shqipërinë në Festivalin Evropian këtë vit, ka mohuar zërat për një prezantim atje së bashku me këngëtaren kosovare Flaka Krelani, ashtu siç u u përfol në disa media. “Jo, do të konkurroj e vetme dhe sapo kam përfunduar versionin anglisht të këngës”, ka pohuar këngëtarja për “Panorama Plus”. Me këngën “Më merr në ëndërr” me muzikë dhe orkestracion të Edmond Zhulalit, tekst të Agim Doçit, Tola arriti të marrë vlerësimin e jurisë dhe publikut, duke marrë trofeun e festivalit, e duke prerë vizën për në Rusi, vendi ku organizohet këtë vit Festivali Europian. Kejsi e mohoi, që Flaka do të jetë këngëtare në duet me të, në versionin e ri të këngës për eurovizion dhe ka pohuar se versioni i dytë i këngës do të shoqërohet me një klip. Ndërkohë që, Flaka Krelani është një nga këngëtaret e preferuara të kompozitorit Edmond Zhulali. Vitin e kaluar ajo së bashku me këngëtaren tjetër kosovare Doruntina Disha, ishin pretendentet kryesore për çmim të parë me këngën “Jeta kërkon dashuri” të Zhulalit, por vlerësimi u përmbys në momentin e fundit nga juria.

Burimi: Panorama Plus

Kombinimi me krelanin ndoshta do ishte me mire per faktin qe mund te mbulonte edhe stonimin e zerit te toles ne aspekte te ndryshme te kenges sidomos ne ato pjese te kenges me tonalitet te larte ...mgjth se tola ka deklaru qe nje kenge te tille e mbulon vete me sukses ...dhe qe do te debutoje e vetme ne skenen e moskes ....