Kejsi Tola, ne Rusi per regjistrimin e kenges per Eurovizion

Kejsi Tola, ne Rusi per regjistrimin e kenges per Eurovizion



Kejsi Tola, mungoi javën e kaluar në “E diell” në Top Channel”. Arsyeja, pasi ajo ndodhet në Rusi për regjistrimin e versionit anglisht të këngës “Më merr në ëndërr”, fituese e edicionit të 46-të të Festivalit të Këngës në Radio-Televizionin Publik Shqiptar. Këngëtarja, e cila do të përfaqësojë Shqipërinë në Festivalin Evropian në muajin maj, ka nisur përgatitjet për konkurrimin evropian direkt pas mbylljes së festivalit në dhjetor. Një nga të metat, që shtypi i ka veçuar Kejsit është performanca e saj, nisur nga qëndrimi i saj statik në skenë, kur dihet që pothuaj të gjithë këngëtarët janë shumë ekspresivë në skenën e Eurovizionit. Si do të jetë vallë perfomanca e Kejsit, duke pasur parasysh faktin se në skenën e festivalit nuk lëvizi fare, ndërsa e justifikoi si pasojë e mbingarkesës emocionale. Vetëm një muaj më parë u fol për një konkurrim në Eurovizion, së bashku me këngëtaren kosovare Flaka Krelani, gjë që u mohua nga vetë Kejsi. Nuk dihet ende asgjë rreth versionit anglisht të këngës që ka përfunduar në janar, ndërkohë që ky version i dytë do të shoqërohet me klip. Me këngën “Më merr në ëndërr” me muzikë dhe orkestracion të Edmond Zhulalit, tekst të Agim Doçit, Tola arriti të marrë vlerësimin e jurisë dhe publikut, duke marrë trofeun e festivalit, e duke prerë vizën për në Rusi, vendi ku organizohet këtë vit Festivali Europian.
Burimi: Panorama Plus

i bukur klipi me vjen mire qe nuk kane dal jasht karakterit qe ka kejsi pe moshen e re

shum bukur goca. suksese!

mund ta kishin ber edhe me mire

deri diku mire per faktin qe Tola eshte shfaq e thjesht ne klip mgjth se ato montimet duken paksa te tepruara dhe me kujtojne paksa klipet e kengeve te zakonshme shqiptare dmth jo naj element te veçante....