LONDER-Një kriminel shqiptar i shumëkërkuar nga drejtësia shqiptare është kapur duke ecur në rrugët e Anglisë sepse ai ka fituar azil politik me identiteti të rremë. Kështu shkruan sot revista prestigjioze britanike "Mirror".
Selami Cokaj, i cili iu ka shpëtuar prangave akuzohet për vrasjen e një personi në vitin 1994 si dhe për kryengritje të armatosur, vendosje eksplozivi, etj.
Por Cokaj ka ndërruar emrin dhe njihen në Angli me Valtron Gashi, dhe nuk mund të bëhet ekstradimi i ti pa u vërtetuar identiteti, pasi ka fituar azil politik në Angli vite më parë. Ai është një nga 100 kriminelët më të kërkuar të Europës që jeton në Angli me identitet falso.
Pëllumb Seferi, shef i Interpolit shqiptar thotë se "Selami Cokaj është një ndër njerëzit më të kërkuar sepse akuzohet për një sërë veprash penale". Ne kemi punuar për 11 vjet për të ekstraduar Cokaj", shtoi ai. Sipas tij dy oficerë të interpolit kanë qëndruar për dy muaj në Londër port në momentin e fundit kur do kryhej ekstradimi autoritetet thanë se ai është azilant politik. Ai i ka treguar policisë britanike se është shtetas kosovar.
Ndërkohë vetë Cokaj ka deklaruar për Sunday Mirror se është një gabim që ka ndodhur me identitetin tim dhe se unë nuk jam vrasës. Pra ai mohon të jetë Selami Cokaj. Ai banon në lokalitetin Notts të Anglisë dhe lëviz lirisht në gjithë shtetin. Qyteti shtrihet në veri-lindje të zonës qendrore të Anglisë dhe kufizohet nga Lejçestershajër në jug, Linkolnshajër në lindje, Jorkshajër në veri dhe Derbishajër në perëndim.


Redaktoi: R.Dedaj
Shekulli