Në mbrëmjen e së premtës, thaiboksieri shqiptar, Besim Kabashi nga Gurrakoci i Istogut, që garon për shkollën e sporteve luftarake të vëllezërve Steko, do të dalë në ring, pas fitimit të tiullit të kampionit botëror në kategorinë e rëndë, deri në 95 kilogramë. Kundërshtar do të ketë francezin Dancrade, i cili është i njohur si luftëtar në K-1. Bazuar në këtë dhe përvojën e kundërshtarit mendohet se do të jetë një meç mjaft i vështirë për thaiboksierin shqiptar, që jeton e vepron në Munih të Gjermanisë.
Sipas vëllezërve Steko me të cilët i bën ushtrimet Besimi, dhe të cilët e menaxhojnë atë, publiku në Munih më i zëshmi është kur në ring është Besim Kabashi. Ata sikurse shqiptarët edhe gjermanët e duan atë sepse Kabashi është i njohur me stilin e tij agresiv. Ata pranojnë se kësaj radhe nuk do ta ketë lehtë pasi që kundërshtari është një luftëtar imadh. Ata me të drejt kërkojnë që pos përkrahjes, afaristët shqiptarë mund të bëjnë më shumë për Besim Kabashin, i cili ka përparuar shumë në këtë sport duke u shpallur edhe kampion botëror.
Pos meçit Kabashi - Dancrade atë mbërmje (e premte, 6 mars 2009) do të zhvillohen edhe mjaft meçe tjera intersante të vlefshme për tituj evropian dhe botërorë.
Myftar Halili, BOTA SOT