Mihal Delijorgji, administratori i kompanise private te demontimit te armatimeve, "Albademil", ishte ne Gerdec i ptranishem me aktivitetin e tij qe ne vitin 2004. Fakti i ri eshte zbuluar nga dosja voluminoze e Prokurorise se Pergjithshme e cila dje i shkoi per shqyrtim gjyqesor, Gjykates se Larte. Burime nga organi qendror i akuzes, thane dje per "Koha Jone", se behet fjale per deshmine e nje oficeri ushtarak i cili sherbente ne sektorin e ruajtje-vrojtimit ne repartin ushtarak te shnderruar ne fabrike demontimi ne Gerdec.

Ne deshmine e tij, ushtaraku, tregon per grupin hetimor te Prokurorise se Pergjithshme, si e ka njohur Mihal Delijorgjin. Kjo ka ndodhur ne vitin 2004 kur oficeri sherbente ne repartin e demontimit. Atje, sikunder tregon ne deshmine e tij, ne maj te vitit 2004, Mihal Delijorgji aktivohej me cmontimin e tankeve te ushtrise. "Dua te sqaroj se Mihal Delijorgjin une e kam njohur tre vite me pare se te ndodhte ngjarja e Gerdecit. Rrethanat e njohjes sime me te kane qene se une beja sherbim roje ne rajonin ushtarak te Gerdecit ne kohen kur atje ndodheshin te grumbulluara pjese artilerie, topa te kalibrit te ndryshem, makina transporti te dala jashte perdorimit dhe Mihal Delijorgji erdhi per t'i marre ato per skrap". Ushtaraku kujton edhe se "une ne ate kohe kam qene roje dhe te porta e repartit eshte paraqitur Mihali me nje person tjeter i cili ishte veshur civil dhe me paraqiti nje dokumente fletehyrje si punonjes i Ministrise se Mbrojtjes". Ketu ai sqaron se "une nuk i lejova te hynin ne repart". "Ata paraqiten edhe nje dokument te Ministrise se Mbrojtjes. Por une i ndala te dera duke i thene se ky dokumente vlen per ne Ministri dhe jo per ketu. Njeri prej tyre me beri llafe duke me thene se "po nuk e hape deren une te heq nga puna" dhe "a e di se kush jam une". Me pas mora vesh se ai ishte Elidoni, shoqeruesi i Ministrit te asaj kohe Pandeli Majkos". Ushtaraku kujton me tej: "Ky person ishte qethur shkurt, flokekuq dhe i shendetshem. Ne kete moment mbaj mend se Mihal Delijorgji i tha atij se roja ben detyren e vet dhe s'ke pse i ben keq. Pasi ai pa se une nuk e lashe, ky i fundit shkoi tek makina e tij dhe mori nje autorizim te firmosur nga Shefi i Shtabit te Pergjithshem, Pellumb Qazimi dhe pas kesaj une i lashe te futeshin brenda. Me pas Mihal Delijorgji vinte perdite ne kete repart. Keto ishin rrethanat qe une e kam njohur Mihal Delijorgjin", - tregon ushtaraku ne deshmine e tij.

Me tej, ushtaraku tregon: "Ne daten 29 prill 2007 rreth ores 09:00 te porta e repartit erdhi serish Mihal Delijorgji, i cili mori kontakt me mua duke me thene se "prape bashke do te perplasemi", kjo tregon qe ai me mbante mend per sa thashe me siper. Une i thashe se nuk kemi cfare te bejme se keshtu jane rregullat dhe ai na nxori nje autorizim me gjashte emra punonjesish qe te lejoheshin per te punuar ne Gerdec". Deshmitari thote se ky autorizim ishte me firme dhe vule, por "nuk e mbaj mend se ishte vulosur nga Komanda e Forcave te Bashkuara ose nga ana e Shtabit te Pergjithshem". Ndersa thote se "mban mend se kete autorizim e kemi vendosur ne xhamin e nje kornize ne hyrje te vendit qe ne e perdorim si truproje", duke shtuar se "ky autorizim duhet te jete i depozituar ne sekretari".
Koha Jone