Turizmi, Shqiperia ne fund te Ballkanit


Forumi Ekonomik Boteror e rendit Shqiperine ne vendin e parafundit ne Ballkan, duke lene pas vetem Bosnje-Hercegovinen dhe te 90-en nga 133 vende te botes per nga avantazhet qe ofron ne industrine e turizmit.

Raporti ben nje analize te detajuar te sektorit te turizmit ne Shqiperi, duke nxjerre dhe pikat me problematike ose dizavantazhet qe ka vendi yne ne tregun boteror te turizmit.

Forumi Ekonomik arrin ne perfundimin se sektori i turizmit ne Shqiperi nuk rezulton te jete nje prioritet. Ne kete tregues, i cili llogarit pjesen e fondeve qe vendet akordojne per turizmin, por edhe perpjekjet qe ato bejne per promovimin e tij Shqiperia renditet e 89-a ne bote.

Sipas te dhenave te raportit, qeveria jep per turizmin rreth 3.8 per qind te fondeve te buxhetit, duke u renditur ne vendin e 54-t per kete tregues.

Por dizavantazhet me te medha turistike sipas raportit, vendi yne i ka ne infrastrukturen e dobet dhe kostot e larta te transportit. Raporti ve ne dukje se Shqiperia ka aktualisht vetem nje aeroport nderkombetar, duke u renditur ne vendin e 103-te ne bote per nga numri i aeroporteve per milione banore dhe ka nje infrastrukture rrugore te dobet.

Por kesaj i shtohet dhe nje dizavantazh ne kosto, pasi sipas Forumit Ekonomik, Shqiperia eshte vendi i 116 ne bote per nga cmimet e larta te biletave dhe tarifave aeroportuale, qe paguajne turistet.

Edhe tarifat e transportit brenda vendit rezultojne te larta, ku shkaku kryesor jane cmimet e larta te karburanteve, per te cilat Shqiperia renditet e 111-a ne bote.

I vetmi avatnazh ne kosto jane tarifat e hoteleve, per te cilat vendi yne renditet i 48-i ne bote. Sektori i turizmit mbetet nje nga siguruesit me te medhenj te valutes ne vend, me mbi 1 miliard euro te ardhura ne vit, edhe pse vitet e fundit eshte vene re nje rritje e forte e shpenzimeve qe shqiptaret bejne per udhetime jashte shtetit, cka ben qe rezultati neto i perfitimeve te jete rreth 10 here me i vogel.


http://www.top-channel.tv/new/video.php?id=4488