BOSTON-Një program i rrezikshëm kompjuterik që ka infektuar miliona kompjutera mund të evolojë sot në një fazë edhe më të rrezikshme, nga një sulm virtual i drejtpërdrejtë në një ndryshim të qetë që do të rezultonte në përhapjen e tij më të gjërë.

Ekspertët e sigurisë kompjuterike, të cilët kanë analizuar kodet e virusit "Conficker", kanë deklaruar se virusi është programuar për të nisur një faze të re zhvillimi më 1 prill dhe ndërkohë nuk është e qartë nëse do të shkatojë dëme, apo do të mbetet inaktiv, prania e tij e padëshiruar po detyron biznese me buxhete prej disa miliona dollarësh të nisin një luftë kundër krimit kompjuterik.
"Conficker", që besohet se ka infektuar nga 2-12 milionë kompjutera në të gjithë botën, është programuar që të shndërrojë një kompjuter të infektuar në një lloj "skllavi" që i përgjigjet vetëm komandave të dërguara nga një server i i caktuar, që kontrollon një ushtri "skllevërish" të njohur ndryshe si "botnet".
"Mund të përdoret për të sulmuar virtualisht apo edhe si spiun virtual. Mund të shkatërrojë dosje të ruajtura në memorien e kompjuterit, mund të lidhet me adresa në internet dhe të dërgojë sërisht postën elektronike nga një kompjuter tek një tjetër", deklaroi Gadi Evron, ekspert për "botnets" i cili ndihmon qeveritë të mbrohen kiundër krimit kompjuterik.
Por si të gjithë ekspertët e sigurisë ai dyshon se do të shohim një sulm të rëndë virtual.
Virusi është i pafuqishëm pasi ka sulmuar për muaj me radhë kompjuterat e infektuar duke shfrytëzuar dobësitë e sistemit operativ të Microsoft Ëindoës. Evron dhe disa analistë të tjerë deklaruan se evolimi që mund të ndodhë sot mund t'i mundësojë "Conficker" shtimin e fuqisë së tij infektive dhe kjo rrit shkallën e rrezikshmërisë që virusi arrin.
Shekulli